المجتمع والشغاله

مساء الخيرات ياحوائيات

أخباركم عجبني هذا القسم فقلت أطرح لكم هذا الموضوع ودي أشوف أرائكم

هل كل من لديها شغاله تعتبر فنظركم سعيده ؟
أو أن زوجها مدللها ؟
أو أنها مرتاااااحه ؟
وليش الحريم ينشفحون لادروا فلانه عندها شغاله؟

بالنسبه لي فرحت فيها عشان الدوام
لكن مهما كان تتضايقين من وجودها مرات مع أني الحمد لله غطيتها ورضت بهذا الأمر ولاتخالط الرجال بتاتا سواء رحت لأهلي أو أهل زوجي أو عند زوجي ولها جناح منعزل عن البيت
طبعا هي توها جديده وأذا رحت لأحد صعبه أخلي عيالي عنده فتره طويله مثلا سهرات مع صديقاتي
لازم أخذ عيالي وأخذها تركض وراهم على عيني
ولا أقدر أخليها عند أحد ماودي أحد يدري بكل مره أطلع فيها وأهلي مو عندي والا كان أنزلها عندهم
الوالده الله يحفظها ماتبيني أخذها معاي لصديقاتي
أنا أخذتها معاي لصديقتي أول مره اليوم ساعدتها وقامت تنظف لها البيت والمطبخ لكن هي تتمنى الشغاله وزوجها رافض
والباقيات مثلها
مع أنهم صديقاتي بس مهما كان حنا طبعنا الحريم نقارن ليه فلانه جابلها وأنا لا
مع أني أداوم وهم ماعندهم دوام
دوامي من الساعه 2ونص للساعه 6 ونص مسائي
وغيرهم يقول ليه جابت شغاله هي ماداوم الصباح مع أنهم عندهم شغالات
واللي تقول ماعندها الا طفلين
نفسي أعرف ليه مجتمعنا كذا يعني أكذب اقول ماعندي وأخشها بالبيت عن الناس والا شسوي مجتمع غريب صراحه
اليوم أستصعبت أخليها مع أن زوجي قالي لو خليتها هي والولد بالبيت أفضل بس والله ما أرتحت مهما كان ماودي أخليها لوحدها معاه الا لضروره وأصلا ماراح أكون مرتاحه لأني معزومه على عشاء عندها وجيتها من بعد المغرب
والله هذي رابع وحده جتني
وكل الثلاث اللي قبلها ماتهنيت فيهم بسبة الناس الكل درى وليه وليه
وحده جلست بس أسبوع والثانيه 5 شهور والثالثه 3 شهور
مرااااات أقول ماعلي منهم وش مستفيده أخليها وأروح أنا أركض وراهم ولا أتهنى حتى بالزياره
بس الكل يقول الشغاله أفضل لها الجلسه بالبيت وأمي تنصحني ما أخذها
طولت علييييييييييييييكم بس هذا اللي عندي وأنتظر أرائكم

25 تعليق 1,770 مشاهدة

شاركي في النقاش

سجلي الدخول لإضافة تعليق.

التعليقات

24
  1. انا الحمد لله مامروا هالنوعية الحسود للشغاله عندى يمكن لان حمولتى واهلى كلهم من النوعية اللى يجيبون الشغالة من يوم ماتحمل
    بغض النظر تشتغل او لا ..؟؟
    والغالبية العظمى يشتغلووون ..
  2. @aanaaayd

    الله يعينك
    انا الحين حامل بالثاني وابي اجيب شغاله
    بس مترددة بالجنسيه مرة وهل ترتاحين نفسيا
    انا زيك اخاف ابحل فيها بالروحه والسهرة والقعده وتصير هم على قلبي مدري وش اسوووووي
    واليت تساعدوني ابي جنسيه كويسه ماودي بالاندونسيه من كثرة مشاكلهاا
  3. @am_aayaly_2_1

    صاحبة الموضوع
    عنااايد
    الله يعينك انا الحين حامل بالثاني وابي اجيب شغاله بس مترددة بالجنسيه مرة وهل ترتاحين نفسيا انا زيك اخاف ابحل فيها بالروحه والسهرة والقعده وتصير هم على قلبي مدري وش اسوووووي واليت تساعدوني ابي جنسيه كويسه ماودي بالاندونسيه من كثرة مشاكلهاا
    مشكوريييييييييين على الردود

    المجتمع اللي حولي فيه اللي تجيب لو ماعندها دوام وفيه الموظفه وفيه اللي تبي بس زوجها رااااافض وهذي المشكلللللللللللللللللله


    الأخت عناااايد

    اللي عندي أندنوسيه وهذا اللي مخوفني من كثر ما أقرأ عنهن والله صرت موسوسه
    وجربت البنقاليه والسرلانكيه والهنديه كلههههههههههن وجع رأس وقرقه بس هذي ساااااكته وياخوفي

تابعي تجارب أخرى من هذا القسم.