فسرولي شخصية ام زوجي,,,وكيف اتعامل معها(مشكلة احدى العضوات)

بصراحه الله يعينك شكلها تغار ما عليك الا الدعاء قولي اللهم اجعل حبي في قلب امه صبا’صبا’ وأرني ذلك والله يسخرها لك ياااارب

يمكن فيه احد حاسدكم ووصل لها كلام يزعل وهي تفاجات وصارت ماتطيقك..او فهمت منك تصرف حصل منك بدون قصد وصارت ماتحبك بسببه

تقولين في البداية كانت طيبة وش غيرها ..

اعتقد والله أعلم سبب تغيرها سببين :

1/ فيه طرف ثالث بالموضوع ممكن يكون سبب لتعاملها الغريب معك حد ينبهها لأخطائك وتصرفاتك وعلاقتك مع زوجك خلى غيرتها تثير وتشيل عليك


أنتي ادرى بوضعك حاولي تبحثين عن السبب سلفاتك أو خوات زوجك أو حد من أهل خالتك وصديقاتها وقرايبها ...!


هذا شي ..


الشي الثاني انه دائما الاحظ ان الولد الطيب مع امه وأهله زوجته منبوذه (يعني بإختصار يقولون ولدنا من حينه طيب وحبيب وأنتي مالك منه) وأي تقصير بسيط من الولد يعتقدون انه زوجته السبب

أو أن الأم حست بأنه ممكن تفقد ولدها مع الوقت ويبتعد عنها بحكم انه ارتبط بعائلته الصغيرة اللي بدت تكبر



عموما عندك خيارين ياأما انك تتحملينها وتعتبرينه مثل أمك بالضبط وتبين لها دائما النوايا الطيبة وتتجنبين توضحين لها كيف علاقتك مع زوجك وتمدحينها بتربيتها لولدها.. واحتسبي الأجر


أو تصارحينها بلطف هي وتقولين لها وش غيرك علي وتحاولين تستميلينها لمك

أو تكلمين وحدة من بناتها ممكن تتفهم وتساعدك



والله ييسر أمورك ..