الشآآت دمرني يآبنآت (ماأصدق ان هذي أنآ..! )

الله يسعدك على كلامك الجميل ويجزاك الله كل خير

الله يرزقك الزوج الصالح الي يسترك ياارب
والله ياقلبي حاسه فيك

واي خدمه انا حاظره راح اوقف بجنبك احنا خوات

الله يحفظك من كل شر

ما أحد معصوم من الخطأ..........ولكن الخطأ الكبير هو الاستمرار في الخطأ
أنت ما جيتي هنا وفضفضتي الا أنه في داخلك بذرة خير ، ورافضه هالواقع الي أنت عايشه فيه،
ياحلوه الان الان..........احذفي الايميل الي فيه شباب ولا تتراجعي ولا تقولين بأسوي تصفيه،
خليك قويه وصدقيني ستشعرين براحه.
استغني عن مدح الشباب وأنت امدحي نفسك عند المرآه، واستغلي الجهاز الي بين يديك في الدخول بدورات وأنت بالبيت......وصدقيني حتى لو تزوجت وأنت أدمنت على هالشيء راح ترجعين له لأنه زوجك ماراح يمليء الفراغ العاطفي الي عندك، فكوني جريئه بقرارك.
الله يعصم قلبك، والله حاسه بك وتحمدي ربك عندك صديقات، وأنت أكيد تعرفين أن الشباب يقدرون يدخلون على جهازك ويأخذون كل الي يبونه ثم يهددونك به((الله يحفظك ))
تبين أي حاجه مايردك الا الخاص.........أخت عزيزه :39:

أولا اشكر كل من وقف معي ونصحني يارب انه بميزان حسناتكم ياااارب
ويارب يحقق كل امانيكم قولو آمين
اقسم بالله وانا اقرأ كلامكم والله اني جلست ابكي لاني من اول ادري اني مذنبه بس يوم قريت كلامكم حسيت بالذنب الكبيييير
الحمد لله من اشوي قمت اصللي الفجر واستغفرت ربي ..


بس اختي لوجين


لا ياحبيبتي ابوي مافي احسن منه في هالدنيا والله انه يبحث لنا عن اشرطة قرآن بس عشان ماننشغل
ومايشغله شي عنا بس الوقت الي يصيرون اهلي كللهم نايمين اصير انا فاضيه واحتار وش اسوي
هذولا ابوي وامي مابي احد يقول عنهم شي :(
ابوي وامي مايبوني اطلع من البيت خايفين عليي وربي
بس من غبائي رحت اكللم شباب ع الايميل
الغلط مني انا كللي :(

والله يعافيك والله ماقصرتي
ادعووو لي اصللي يومياااا :(


ماقصرتو وربي

فيكم الخير والله

حبيبة قلبي في كم نقطه لازم تفهمنها اولها الصلاة عمود الدين الصلاة اهم شي شلون تتركينها مهما كنتي تسوين من ذنوب الصلاة ماتنترك

ثانيا : الزواج مو هوه الشي الاساسي في الحياة ياما شفتي ناس متزوجين ومتنكدين وناس ماتزوجو وعايشين احسن عيشه لاتخلين هدفك الاساسي هوه الزواج خلي الزواج شي يجي مع العمر ممكن يجي ممكن مايجي خلي هدفك الاساسي هوه مستقبلك لاتحطين عذر ان الجامعه ماقبلتك لان الحين فتحت جامعات اهليه فيه سلطان في اليمامه .... الخ اذا اهلك رفضو اصري على موقفك قولي انا ابي اكون انسانه لي هدف انسانه لي اسم ماابي اكون عاله على المجتمع اصري على رايك وحاولي ولاتيأسين .

ثالثاً: لاتقولين انا مدمنه ومااقدر اترك قولي ماابي ايه بس لاتقولين مااقدر لان كل انسان قادر انه يغير نفسه انتي ممكن عندك الرغبه في تركه ولكن ماعندك الارراده والعزيمه الكافيه فخلي عندك الاراده والعزيمه وحطي الله امامك في كل خطوه تسوينها قولي انا بتركه عشان ربي وانتي اكيد عارفه من ترك شيئاً لله عوضه الله بخير منه وانتبهي من كلمة مااقـــــــدر لاتكررينها براسك صيري قبل لاتنامين واذا صحيتي دائما رددي كلمة انا اقدر اترك الشات انا عندي اراده قويه لازم اتركه ردديها 20 مره في الصباح و20 مره قبل النوم واعزمي على تركه وان شاء الله ربي رح يكون معاك ولكن اهم شي تسوينه الحين هوه انك تحافظين على صلاتك وتتقربين لربك عشان ربي يكون معاك

حطي نقطه وهدف رئيسي في حياتك وصدقيني رح توصلين :)