شاركي في النقاش

سجلي الدخول لإضافة تعليق.

التعليقات

183
  1. @hr_alshta

    السلام عليكم ورحمة الله وبركاته،،،

    جبيبتي اسمحيلي أحييج على صراحتج والله معرفة الخلط هو أول طريق التوبة

    والله اني في العادة أتصفح المنتدى من دون ما أرد بس كلامج أجبرني على الرد لان من واجبي لأوقف معاج وانا حاسة فيج لاني بعد ما تخرجت من الكلية قعدت سنة ونص في البيت وحسيت بملل وفراغ كبير بس ما خليت الشيطان يغلبني والحمد لله أنا صار لي متوظفة تقربيا سنتين ومرتاحة

    حبيبتي اطلب منج طلب انج اتكوني أقوى من الشيطان لانج اتقولي انج اتحاولي اتصلي بس اتحسي ان شيء يمنعج ... هذا الشيطان

    فكري في كل مرة اتقولي بصلي وما تصلي ، فلازم تعرفي ان الشيطان واقف في طريقج

    بسألج سؤال او اسألي نفسج هذا السؤال : انا أقوى ولا الشيطان ؟؟؟؟؟

    حبيبتي أنا مثلج بعد ما تزوجت ودي يكون عندي زوج وذرية وكل ما أفكر بهذا الأمر أقول الله كريم وأدعي ولو طولت المدة الله ما راح يتخلى عني ولا عن عبد سأل حاجة ... بس كلي اللي أطلبه منج اهو الصبر يمكن اتقولي لمتى بصبر بقولج ان الله مع الصابرين

    حبيبتي كل ما حسيت انج بدخلين الشات حاولي اتلهين نفسج بالاسنغفار والاذكار وقراءة القرآن...

    يمكن يكون صعب عليج بس أتمنى أنج اتحاولي فمادام أنج راضة الحالة اللي أنتي فيها اتكدي ان الله بينصرج وبيرزقج

    انا لست هنا لألومك بل لأقف معك


    واخيرا ادعي بهذا الدهاء "حسبنا الله، سيأتينا الله من فضله ، انا الى الله راغبون"
  2. وافـــل بالعــســل
    الله يصلحك ويهديك ان شاء الله ويبعد عنك وسوست الشيطان .. هذا الشيطان الي يقولك ماتقدرين انتي حاربه وكل ماجاك وسواسه قولي باعانده لانه هو الي يقولك انتي مسكينه وعايشه بفراغ وماتزوجتي ويوزك ع الشات والله ماوراه الا الكذب والكذابين قال الل…


    دوري اي شي تبدعين فيه حاولي تدخلين دورات او تتعلمين خياطة او مكياج او رسم او اعمال فنية ثانيه المجال مفتوح اذا انت في الرياض انا بنصحك في معاهد معينه تهبل تتعلمين وتكونين مجتمع

    صدقيني اذا شغلتي نفسك في شي ينفعك تزداد ثقتك بنفسك وماتحتاجين

    اطراء من احد او مدح بلعكس تكونين عارفة قيمة نفسك اكثر وعلى فكرة كل تاخيره فيها خيرة
    يعني مو شرط انك تاخرتي انها مشكلة يمكن ربي بيرسلك عريس افضل من توقعاتك

    ماتدرين وش في الغيب :35:

    ياعسولة بقولك على بنت خالتي هذي قصة حقيقية مو عشان اريحك ماتزوجت الا بعمر الثلاثين وكل الي الفترة الي فاتت حطت حرتها في الرسم الين صارت رسامة معروفة بالرغم اني قريبة منها اشوفها محبطه احيانا تبي تتزوج بس ماكانت تحط يدها على خدها وتستسلم بالعكس كانت ترسم وتسوي معارض لين جاء واحد خطبها ماشاء الله مهندس محترم جدا وهي في قمة السعادة الان وتموت فيه بعد:o الله يسعدها وين ماكانت

    واذا على الشات سالفته تافهه مجرد تنشغلين ماعاد تفكرين فيه اصلا :hahaha:
  3. @ampgoooodyamp

    بعدين حبيبتي كل ابن آدم خطاء
    بس العيب ان الانسان يتمادى في الخطأ
    وبما انك حاسه انك خطأ فمعناه انك راح تتجاوزين هالشي صدقيني
    واضح من كلامك انك انسانه نظيفه من جواك وانك متربيه تربيه حلوه
    يعني احمدي ربك فيه كثير غيرك تسوي بلاوي وماتشوفها عيب او حرام! لأنها ماصارت تفرق بين الصح والغلط
    وخليك متواصلة مع هالمنتدى واشكي همومك دائما
    صدقيني الوحدة والانعزال ومحدودية التفكير تخلي الانسان مايشوف ولا يسمع الا كلام نفسة
    وهذا غلط
    وانا ما الومك من اللي شفته بعد التخرج فراغ وملل واكتئاب وعزله وووو وماتوظفت وانشغلت الا بعد سنتين والحمد لله
    وانصحك لازم تقرأين وتقرأين وتقرأين وتنمين مهاراتك وتشغلين مخك اكيد راح تلاقين الحل
    عندك معاهد انجليزي- كمبيوتر - دورات تجميل -ادخلي مدارس اهليه كمتدربه في رياض الاطفال مثلا

    والله يوفقك ويارب نسمع منك اخبار حلوة
  4. @ampgoooodyamp

    وكمان انا اؤيد الاخت اللي قبلي
    فعلا الشات شي تافه والله بس علشانك فاضيه الحين تشوفين نفسك ماتستغنين عنه
    ولا انا وغيري دخلناه وملينا منه
    اعطيك مثال زي التلفزيون نتابع ونتعلق فيه ويجي يوم ونمل منه لان مافي جديد في البرامج
    يعني لاتخافين واتركيه بالتدريج
    والصلاة وامور دينك اهم شي وان شاء الله راح تنتظمين عليها وتنور لك حياتك
    والله يوفقك
  5. @alaanod30_1

    كل ما كنتي ودي تدخلين الشات تخيلي نفسك والله كأنك تطلعين مع شباب وتجلسين معهم
    ادعي بهذا الدعاء دائم
    لا إله إلا الله الملك الحق المبين وربي دعيت والله ضااااااقت كثير مره وتزوجت وتوظفت في نفس السنة ما شاء الله ولله الحمد ادعي لك يا أختي من قلبي

تابعي تجارب أخرى من هذا القسم.