اللي تبي جسمها أبيض وناعم وعطر وشعرها جنان في ظرف نصف ساعه تتفضل معي ( تجربتي )

مراااااااااااحب :icon35:كيفكم إن شاء الله تمام :2thmup:
أخواتي العزيزات بينما أنا أتصفح مواضيعكم ومشاكل بعض الأخوات وخاصة المتزوجات واللي ماعندهم وقت لأنفسهم .....
أولا ليه ماعندك وقت لنفسك ؟؟؟؟؟ خاصة المتزوجة .... تقولين زوجي عندي 24 ساعه !!!!! أقولك معليش
تقولين زوجي وعيالي ..... أقول لك برضه معليش .....
فكرتي في لحظه ..... وش يدور في راس زوجك العزيز من ناحيتتك .....مثل ليش هيه تغيرت عليه ....ليش ماعادت تكشخ ...... ليه ماعدت بريحتها الزكية ..... وإنها دايم كانت تبهرني بكل شي جديد والآن ماعادة فاضية لي ....
مافكرتي يمكن بعض الجمل عنده تكون منمقه علشان مايجرحك وصابر عليك وأنتي ماخذه مقلب في نفسك ... وماتدرين الا وزوجك أنفجر عليك .... إما بجرح مشاعرك ويسمعك شي تمنيتي الموت ولا سمعتيه .... ولا يجيب لك ضره وتموتين من الحره وتقولين ياليت الوقت يرجع ......... ( لا تقولون فلسفه وفاضيه أنا متزوجه مثلكم صار لي 6 أشهر ) .... عزيزاتي .... كنت أنحرج إني أقعد بمنظفاتي وأقنعتي وكريماتي وأنظف قدام زوجي .... لكن إلا متى ؟؟؟
قمت ونطيت وأخذت قناع وحطيته على وجهي وطلعت عند زوجي ..... طبعا قال لي وش هذا .... قلتله أبد سلمك الله بشرتي باهته وأنت تعرف جو جدة وقرفها وسمومها حبيت أنظف بشرتي علشان أعجبك دايم ..... قال لي دايم تعجيبيني !!!!! قلت بس وش المانع .... وبعدين أنا أحبك وخايفه عليك علشان كذا مانسيتك وبحط لك وأنت أحكم ... بالحوسه وافق ... قمت قلتله وش رايك ليش مايكون مرتين بالأسبوع نسوي تنظيف للبشرة .... قال وين قلت له هنا بالبيت ..... وجبتله من هالنصايح وأقتنع .... ومن جد مشينا عليها أنا وياه وكذا أنا أستفدت وهوه أستفاد... لدرجة أوقات أنسى المواعيد صار هوه يذكرني .... وهذي حيله مفيدة علشان ماتخسرين كل شي
ثانيا ..... إذا دخلتي للحمام للإستحمام أول شي غسلي شعرك وجسمك بماء عادي وغسلي شعرك بالشامبو المفضل لديك ( أنا أفضل بانتين _ ونيفيا جدا روعه ) شطفتيه زين حطي عليه كريم (بانويل بالقمح ) ولفيه بشباصة
وحطي علية قبعة بلاستك .... في هذه الأثناء .... ضعي جل الإستحمام وتليفي عادي وأشطفيه ... بعدين
جيبي كريم ( كاب) لساونا ولتفتيح البشرة ولتقشيرها تلقيه بأي محلات تجميل أنا شريته من ( الرياض مول )
ودهني فيه جسمك كله وخاصة المناطق الداكنه وحتى الوجه بعيد عن العين وخليه لمدة 10 دقائق ...
ويكون عندك ليفة خشنه نوعا ما وأبدئي بالفرك جيدا خاصة الكوع والركب وتحت الأباط وبين الأفخاذ وتحت الثديين وبينهما .... ثم أشطفي جسمك بالماء ...
بعدها جيبي الصابون المغربي السائل ووزعيه على جسمك وخلية لمدة 5 دقايق جيبي نفس الليفة الخشنه وأفركي
جلدك زييين بعدين تشطفي بالماء جيدا ....
ثم أغسلي شعرك جيد بالماء فقط ... ولاتضعي أي شي عليه .....لاتنسين تفرشي أسنانك قبل ماتطلعين ..
إذا طلعتي جففي شعرك بالفوطه وحطي أي تولة شعر عندك وهوه رطبان علشان تمسك الريحة ...
أتركي جسمك رطبان قليلا ثم ضعي لوشم رائحته جميله أتركيه يجف بعدها ضعي بودرة الجسم المعطره على كامل جسمك .... لاتنسين مزيل العرق أنا أستخدم (بينك كراش ) روعه ... ويطول معاك
بعدين إذا حابه تستشوري شعرك براحتك الأفضل تبتعدي عنه بقدر المستطاع ... أنا ماأستشور بس أحب أحط حركات حتى لو كانت طفوليه ... لأنها تعجب زوجي وينبسط عليها ... والله الله بالبس الحلو والتغيير ... صدقيني راح ينبهر وكذا راح تكسبين الوقت والجمال بس عليك المداومه ....
مع خالص تمنياتي لكم بالجمال وطاعة الرحمن .... وأبي الردود ...:26: