ام عبودي الله يعينك من جد
انا عكسك ام زوجي وامي نشبوا في حلقي لين علمت بنتي على الحمام
بس من جد المساله مره صعبه وحلوه انه بديتي اللحين احسن توقيت
اول ماتقومون من النوم وتفطرينه على طول دخليه واجلسي معه ابو ثلث ساعه واقري عليه قصص جيبي قصص اللي فيه صور حيوانات وحركات عشان تشده وهو جالس على القيصريه حقت الاطفال
لانها مرررره مهمه تشجعه وخليه هو بعد اللي يختارها من الصيدليه
وتكلمي معه زي ماتتكلمي مع الكبار عادي ترا يفهمون زين
اقولك وسوي نفس الشيء بعد الغداء
هذا بالنسبة لنمبر تو اما نمبر ون الله يعينك مالها اوقات معينه ههههههههههههههههههههه يعني بتصير السالفه خيطي بيطي
بس ماعليه استخدمي الكلوتات المشمعه
نجي لخالتك ام زوجك
اذا هي كذا حبيبه صدقيني بتتقبل منك بس باسلوب
يعني مثلاً اذا نزلتيه قولي خالتي تكفين ساعديني عليه خلي الشغاله توديه للحمام كل ساعه يفضي
يعني عطيها شغل وحطيها اهتمام وكانك تعطيها دور بالموضوع لانها واضح تحس بفارغ والدليل انك تقولي توها صغيره
واذا قالت شيء قولي الطبيبه ناصحتني انه هذا انسب وقت عشان اذا تعدا هالوقت مافيه امل يتعلم
الحريم الكبار يصدقون كلام الطبيبات ههههههههههههه
والله يعينك ياحياتي
انا ببنتي والله تعذبت بالاول بس ارتحت بالاخير
لان امي كذا موعدتني من احنا صغار
عكس عيال خالاتنا وعمانا
والله يساعدك يارب
ولدي مدلعته ام زوجي وش اسوي وانا ابي اعلمه على الحمام
متابعة النقاش، صفحة 3