السلام عليكم ورحمة الله وبركاته
المعذرة مقدما للي يضايقهم الموضوع مع إني ما أقصد أي عضوه والكلام بشكل عاااااام يعني لا تفهموني غلط بليييز
:39: :39:
السالفة ومافيها يبنات خلو عنكم الخرابيط والحوسة في التأثيث والديكور ...
صدقوني الديكوريشن والتأثيث علم وفن زيه زي أي فن ثاني مو خبط لزق وكل ماجت فكرة براسي نفذتها!!!
تنسيق الأثاث مايجي بالصدفة أو بالبركة ,, أسوي حركة تطلع حلوة ؟؟؟؟ <<< مو صحيح
والله إني أشوف صور بهذا المنتدى ومنتديات ثانية و أحزن عليهم !!! من جد والله يعني صرفوا فلوس وتخسروا وبالنهاية النتيجة مو زاك الزود؟؟؟
بالذات العضوات اللي بيوتهم جديدة نشوفها مليااااااااااانة ديكورات والبيت مزحوم من الأثاث مانلاقي متر واحد فاضي إلا وفيه قطعة أثاث أو تحفة ....
يابنات الأثاث لازم يكون محدود !! أيه محدود
ماله داعي كثرة الدروج والرفوف والطاولات والأبجورات والكوشينز اللي مرمى بكل مكان على سنع وعلى غير سنع...
والتحف والله تخرب المنظر ولا تجمله أبدا ... جمال البيت بتصميمه وديكوره مو بالفازات والشموع والنوافير والمفارش والمناظر
لا تصير بيوتنا مثل محلات التحف اللي مجمعه على بعض حتى الجدار ماتقدرين تشوفينه من كثر اللي مرصوص عليه !!!
والبوياااااات وااااااااااااه من البويات أول شي لازم نبطل حركة إننا نصبغ الجدران بنفسنا <<< الله يخليكم لا أحد يزعل مني مو قصدي تجريح بأحد والله يشهد بس هذا رأيي...
الحين إذا عجبتنا بويه ندووووخ السبع دوخات حتى نحصل معلم بوية شااااطر يضبطها ويمكن ماتعجبنا وفي ناس للحين تشتري سطل بوية وتدهن الجدار بنفسها .... ياناس المثل يقول أعط الخبز خبازة ولو أكل نصفه!!!
وجدران بيوتنا صارت كأنها جدران غرفة الفنية بالمدرسة .... رسومات ... وتعتيق ... وتخطيط ....
نصيحة لوجه الله أتركوا التعتيق تراه راااااح ورااااااااااااح زمانه خلاص صار من الماضي .....
حتى الفلفيت أصبروا عليه حده 6 شهور وأعتبروه ماضي....
والله ودي أتكلم عن تنسيق الأثاث بس ما ودي أطول عليكم يمكن أكتبه في موضوع ثاني يعني حسب لو عجبكم موضوعي تشجعت ,,, ولو زعلتوا وهبيتوا فيني بهون <<< مو خوافة أبداً ههههههههه :p
الموضوع مغلق