شاركي في النقاش

سجلي الدخول لإضافة تعليق.

التعليقات

768
  1. @am_khald_2006_2

    السلام عليكم......

    كيفكم؟؟

    للحين وأنا اعلم ولدي مافي أي تقدم لاني وقفت اسبوعين تقريبا علشان البرد بيتنا مرررررره بارد
    وأنا اخلي بالـ (كلوت بيبي جوي) علشان أسهل لما نروح الحمام...

    رجعت بديت مره ثانيه بدايه الاسبوع هذا اوديه الحمام (الله يكرمكم) اول ما يقوم الصباح ويتبول..ونغسل ونخلص نسوك الاسنان
    ونطلع أفطره واخليه يلعب وكل ساعه ادخله الحمام (الله يكرمكم) بعض الاحيان يكون مسويها بالكلوت ويبدا الزعل
    المنع من اللعب واذا سواها بالحمام طبعا انواع الوناسه والرقص ونفخ البلونه( عندي كيس بلونات)
    كل مره يدخل الحمام ويسوي شي انفخ له وحده :)..
    بعد الغدا بساعه أو أكثر ويسوي الكاكا( الله يكرمكم) ويكون فرحان ويقول ماما حلاص ماما حلاص وأغسله
    وأطلعه وتبدأ الحفله وبعد ربع ساعه يكملها بالكلوت جوي !!!!!!!!!!!

    مافي تقدم وش اسوي منعته من العابه ومن التلفزيون <<<لما يقعد عليه ينسى نفسه
    واذا سواها عطيته الألعاب والحلاه والبلونه بس ما في تقدم

    عطوني رآيكم....
  2. @am_alhton_1

    صاحبة الموضوع
    حبيباتي..


    انا اشوف ان افضل وقت للتعليم هو بعد السنتين ونص .. لأن الطفل يقدر يستوعب كلامج أكثر.
  3. @am_alhton_1

    صاحبة الموضوع
    أم خـالد 2006
    السلام عليكم...... كيفكم؟؟ للحين وأنا اعلم ولدي مافي أي تقدم لاني وقفت اسبوعين تقريبا علشان البرد بيتنا مرررررره بارد وأنا اخلي بالـ (كلوت بيبي جوي) علشان أسهل لما نروح الحمام... رجعت بديت مره ثانيه بدايه الاسبوع هذا اوديه الحمام (الله…
    اولا ما كان لازم توقفين عقب ما بديتي .... لان الطفل يتخربط ويحسب ان السالفة مب جد .... ولو انج حطيتي دفاية في البيت كنتي تغلبتي على مشكلة البرد.

    على كل حال اللي صار صار وحصل خير ان شاء الله.

    بس ديري بالج مرة ثانية ... وما دام بديتي فلا توقفين مهما كانت الاسباب.



    الحين تقولين انه مرات يسويها في الحمام.

    الله يسامحج يا ام خالد ... وتقولين مافي تقدم؟؟؟؟ .. والا تبينه خلال اسبوع واحد يسويها في الحمام كل مرة؟؟؟؟؟


    انا اشوف ان وضع ولدج طبيعي حالياً ... بس انتي الله يهديج اللي مستعجلة وتبينه يتعلم بسرعة ... ولو خذتي السالفة بالتدريج بتعرفين ان وضع ولدج طبيعي جداً.

    تذكري يوم بدا يتعلم يمشي ... هل شفتيه فجأة نط من مكانه وقام يمشي مثلنا؟؟ ... لا طبعاً .. الا كانت مشيته في الاول مب متوازنة .. وشوي يقدر يوقف وشوي يترنح .. ويمشي له خطوتين وعقب يطيح .... وهكذا.

    نفس الشي بالنسبة للحمام .. مرة بيسويها في الحمام ومرة بيسويها في ثيابه ..... هذا عادي لانه بعده يتدرب .. يعني حتى لو فهم فكرة الحمام وفرحان بنفسه الا انه محتاج وقت عشان يقدر تحكم في نفسه 100% .... وانتي نبفسج بتشوفين الفرق عقب فترة بس لا تستعجلين وعطيه وقته.


    المطلوب منج انتي تستمرين على مبدأ الثواب والعقاب .. وواضبي على انج تودينه الحمام مثل ما تسوين الحين .. ولو اني اشوف ان ساعة هي فترة طويلة خلال الاسبوع الاول والثاني وحتى الثالث .. يعني لو تودينه الحمام كل نص ساعة بيكون افضل وأتصور بتقل الحوادث شوي .... وعقب ممكن تزيدين المدة.
  4. @bnt_alasol_10

    انا بنتي عجزت منه ماتسويها بالحمام تمسك نفسها ولا تسوي شي طول اليوم واذا سوت بالارض تعالي شوفي الصياح والصراخ والخوف اذا شافت شي ينزل منها تعبت معها من خوفها صارت تمسك نفسها وش الحل الله يعافيكم

تابعي تجارب أخرى من هذا القسم.