لالالا انا مهري........

هلا حبيبتى ,,,,

اول شي حبيبتى غريبه انه كله عليك وانه من مهرك وابوك ما راح يساعدك بشي او خطيبك

لازم ولو حاجه بسيطه المهم

حبيبتى نصيحتى لك حاول انه تكون حفله ضيقه بينك وبين اهلك واهله وصديقاتك انتى وافتحى فيها مسجل وبالنسبه للزفه اشترى شريط فيه زفه او حملى زفه من الانترنت وحوليه في شريط كاست وانزفي عليها

وحاولى انك تكونى مقتصره نوعا ما في العزيمه والباقي من الفلوس حددي فيها لفستان الفرح اختى مافيها شي لو كان فستان الفرح ايجار المهم الفرحه

واشترى في الباقي الذهب وباقي احتياجاتك ,,,

هذا راي اتمنى انى اكون ساعدتك انا او غيرى من الاخوات

<<< لاتنسينى في دعواتك الله يستر علينا ويرزقنا :27:

الله يوفقك ويسعدك ويفتحها عليك يارب والف مبروووووك مقدما حبيبتى

<<< لاتنسين تعزمينا يوم الفرح

ياحبيل القصمان..ولله اني اشم ريحتهم خخخخخخخخخخخ (نصب واحتيال)
شوفي اختي ماراح اقول زي البنات ليش وحرام والمهر شوي وووووو لاني قصيميه واعرف اطباعنا زين
نصيحتي لك
لاتسوين زواج كبير ولا استراحه ولا يحزنون
اذا الرجال يبون يسوون زواج خلي الوالد الله لايهينه يسوي ولا اخوانك
ولا مو لازم
خلوه عشا بسيط بالبيت والحمدلله والشكر تنزفين انتي وياخذك وانتهينا
لايجون اهله ولا اهلك صدقيني ماراح ينفعك جيتهم ماغير نقد ونقيد والفرحه بالقلب مهي بالمظاهر
وبصراحه الحين الفلوس والمهر انتي احق فيهم
واذا جت على الفندق والحجز ياطويلة العمر سوي زي اهلنا
كل واحد من اقاربي يكون بالرياض ويتزوج وحده بالقصيم ياخذها من بيت اهلها ويمسكون الطريق راجعين للرياض
على بيتهم مباشره
ولله انه الزواج المييسر اوسع صدر وتحسين براحه نفسيه
واسالي المجربين
الله يوفقك وييسر لك واتمنى ان كلامي مايضايقك
حافظتس الله ياخيه

شوفي عمري انا بكلمك بالضبط مثل اختي
انتي صعبه تسوين هذا كله من مهرك والله لو انه مو خمسين لو انه خمسميه الف مو مكفي خيررررررر ان شاالله
اما سالفه الحفله والعشاء حريم ورجال صعبه انتي تكلمين ابوك مررره فشيله بيقول وش هالبنت اللي ماتستحي وامك ماتقدر تكلمه او كي خلي واحد من التماسيح الله لايهينه يكلم ابوك ويوقف له بحلقه كأنك انتي ماتدرين ويقنعه يسوي الحفله اياًَ كانت عائلي مو عائلي عشاء بس ولا ان شاء الله اللي هو بس المهم انه يتكفل فيها وتطلعين عمرك من السالفه
وتكاليف الفندق :عسى ماشر خلي المحروس خطيبك هو اللي يتصرف ولا ماالله حد فلوسها انتي اولا تشترين فستان ولا كم طقم توسعين صدرتس فيهم
ووفري فلوسك بالشي اللي للذكرى مصوره ايه ومكياج صاحي زي الناس ايه اما عسى وكلام فاضي حرام

سهارة

منوره اختي

مشكوره على الافكار الحلوه اللي قلتيها وبالفعل قاعده ادور زفات من النت بس ماني لاقيه بدن موسيقى

مشكوره على الرد الحلو
والله يستر عليك دنيا واخره ويرزقك ويحفظك من كل شر

دنيا العجب

ياهلا والله وغلا بأختي اجل تشمين ريحتنا وانا اقول وش هالصواريخ اللي طالعه من الصفحه>>>تنكت هي وجبهتها

بس انا زواجي بالمدينه وابو الشباب بالرياض بعدين ابشرك مايعرف يمسك خط((يعني يسافر بالسياره))
خصوصا ان المسافه بعيده 1000كيلو

يعني لازم طياره

واشوف محد جاب سيرتها يعني عاجبهم قصة الفندق

بعدين لاعمري اسمعك تقولين ان كلامك يضايقن بالعكس والله فرحن مرره الله يفرح قلبتس

الله يسلمتس ويسخر لتس ويجزاتس الجنه>>>كلهن اتس اتس اتس صح علامة الجوده لقصمان


((نجديه))

هلااااااااااا واللله بوخيتي

يالله حييها حلفت ماتقومين والله ان اسلم عليتس وانتي قاعده>>>>عجوز صارت

خخخخخخخ سويتها وقلت للتماسيح الله لايهينهم تدرين الوالد وش قال

((ليش هي ماعندها لسان تجي تطلب))

خخخخ ياحليله الوالد على باله بايعه الحيا بــ.....

اما عاد ابجي واقوله تكفى خل المصاريف عليك والله ياهي صعبه

خصوصا هو عارف انها عليه خخخخ بس يبيني اعتمد على نفسي>>>>لفقتها صح

امزززح عاد

مشكوره على المرور
والله يشرح لك صدرك ويسهل لك امرك ويسخر لك اللي ببالك قولي امين

الله ييسر عليك امور ان شاء الله