زوجــي أهملــني لذلك انا أهملتـــه بالمثــل فهل اطلب منه الطلاق لأني لا احس بأنه زوج

متابعة النقاش، صفحة 6

شاركي في النقاش

سجلي الدخول لإضافة تعليق.

التعليقات

32
  1. @ghad_alryad

    ما ازيد على كلام اختنا حره على كف صقار
    قالت النقطه الاساسيه في هروب الزوج من البيت
    وهي الخلفه المتتاليه
    وقلناها قبل
    من تزوجتو ماشافك الا حامل ولا نفاس ولاترضعين

    وبرضه نقطة الماده.. ترانا كلنا جتنا ايام ناكل خبز وجبن
    وشوي شوي كوننا انفسنا وبنينا بيوت ملك وشرينا وسافرنا
    لكن الصبر ثم الصبر ثم الصبر
    قسما بالله انو جتنا ايام مايعلم فيها الا ربي
    اتسلف الثياب من خواتي
    علشان نكمل ونعمر بيتنا الملك

    الطلاق بيدمرك انتي وعيالك
    ولا هو بيرتاح من حنتك وصجة عيالك
    ويمكن يدور عروس تفهم وش يبي وتتفادى اخطائك

    وانتي تقعدين تطحنيني الهم في بيت اهلك


    لاتزعلين مننا .. حنا هنا خواتك ونخاف عليك
    ولو قسينا بالحكي عليك
    نبي نصحيك من غفلتك
  2. @um_noof_1

    المشاركة المقتبسة غير متاحة.

    ههههههههههههههههههههههههه
    ضحكتيني وانا مافيني الضحكه
    تصدقين لو اقولج انه قصتج نفس قصتي مع ختلف بسيط عندي بنت وولد وحامل
    ولكن عايشة في بيت هله وهي هي المشكلة ودايمنا حق ربعه لااله الا الله هب ريح
    بس مشكلتي وايد تتطوت التلفونات اللي كان يقول هي رفيجي يبي مني ويبيي طلع
    يكلم بنات حرام مع الاسف اشتد الخلافات ليييييييييييييييييييييييييييييييييييين وصلت مرحلة حتى بيت هلي وطلبت الطلاق
    شوفي وش سوي راح وتزوج علي يبي يقهرني... ولكن انا مابيه هلي ارفضوا اني اطلاق والسبب اني حامل

    بدل لايحرق قلبي قمت وحرقت قلبه وافقت اني ارد له

    شوفي بقولج شيء ترى محد راح ينظلم غير اليهال وبنسبة لزوجج انتي كلميه وخلي احد من هلج يكلمه مافي فايدة راح تضطرينلا انج تلجين للمحكمة علشان النفقة وانه يلتزم انه يحط لكم اغراض بس عزيزتي لاتسوين مثل ماسويت انا خليت البيت وطلبت الطلاق ونهايتها راح تزوج ترى الرجاجيل مايصدقون على الله وبنت الحرام وايد ترى
    حافظي على بيتج وريلج وعيالج والله يحفظج
  3. صاحبة الموضوع
    شكرا لكم ريحتوا قلبي وخصوصا كلام حرة جميل جميل جدا الله يوفقك يااختي في دربك ان شاء الله



    وباقي البنات ما بذكر وحدة وحدة كلكم طيبة واخلاق اللي ردوا عليي وحتى اللي ماردوا دعوا الي ان شاء الله في ميزان حسناتكم



    اني اللي لاحظته اني لما اكون حامل لازم افكر في الطلاق زوجي ما ينعاب والله ما ينعاب حتى في ناس كثير قالوا



    لي زوجج ذهب وكان هالكلام بداية حياتي انا لو اطلب شنو يعطيني لكن الصبر الصبر وتعرفون في الحمل خلاص ما في صبر




    ولا نفسية اصلا وكلامج حرة بغيت اعلق عيه شوية وهو اني ما حنيت عليه بالمشروع هو بروحه قاعد يتحرك



    فيه الحمدلله لأن هو قال مرة وسكت على بالي خلاص سكت عن الموضوع لكن انا ما جبت طاري فقط شكيت لكم




    احيانا يصير جيبه على الصفر ولو اقوله ولدك ما عنده حليب وهو يعرف ان هذا اكثر شىء ضروري في البيت



    والحمدلله يتدبر عشان ولدهولا يخليه بدون حليب او حفاظ .حتى البقالة يقولي اخذي اي شىء اللي تبينه



    وهو مسجل ومو بس جدي حتى عندنا كفتيريا فاتحين حساب وقالي وقت ما تبين ريوق او اي شىء منها اخذي وسجلي



    لكن انا ما احب اخذ من البقالة لان الأسعار فوق فوق وهو يكسر خاطري ونفس الشىء ولامرة رحت الكفتيريا




    لأن اكلها مو عاجبني فماابي اخسره على الفاضي وحتى هالمرة صار علينا قسطين الروضة مال شهرين لبنتي




    ودفعه كامل ومن جدي فلسنا عاد اناا قمت ابكي قدامه قال ليي ليش انتي ما تفهمين ان علينا ديون قدري




    انا احيانا اجوع نفسي عشان اوفر لكم ثياب ما اشتري لي هذي العبارة اللي خلتني ابكي اكثر واقدر ان زوجي يتعب عشانا




    قلت انا ما ابكي لأني مو مقدرة مقدرة وفاهمة لكن احنا ما عندنا وانهديت في البكاء ما قدرت اكمل كلامي




    عقب قالي لا تقولين ما عندنا احنا عندنا ان شاء الله بس صبري لين يتعدل الوضع وضعنا قرض مال السيارة




    وهي سيارتي .انا مو من نفسي طلبت الطلاق لأني احبه ومقدرته ولو اطلب شنو اذا عنده ما يبخل




    وهو ما خلى البيت فاضي الا انه ماعنده بس اللي كان مضايقني هو صافي الراتب ما يتبقى منه شىءمن جدي




    قمت اتشكى ان بيتنا فاضي فوق كل هذا ما يقعد معنا زي قبل .نكمل وعقب ما طلع من البيت اتصل لي وقال مو هاين عليي اطلع وانتي زعلانة علي




    قلت ان شاء الله بيرزقنا .وشكرا لكم على ردووودكم الله لا يحرمني منكم .




    وحتى قمت اكلمه بالهدوء لأني لاحظت اني احيانا اعصب عليه من غير شعور وكل بسبة الحمل



    ادعوا لي يابنات ان الله يهديني ويهديه لأني ما اتصور حياتي بدونه حتى لو ما يطول قعدته في البيت


    واذا قال بيسافر كم يوم ازعل من كل قلبي لأني اضيع اذا مو موجود فمابالكم بالطلاق ما اتصورها وهو سفرات كثيرة يخليها عشانا


    لأني احسسه انا حنا نضيع بدونه وهو يفرح بهالشىء بس اذا كان لشىء ضروري انا ما امنعه


    لكن تفكيري وكلامي هذا كان ناتج عن موقف صارت فيه مشادة كثيرة وشلت قي خاطري عليه وضليت كم يوم مخاصماه لكن مع الوقت حاولت اني اتكلم اياه بالرغم



    اني قلت هالمرة الخصام شكله بيطول لأني كنت شايلة في خاطري عليه .



    أم نو ف الله يفرج همك ياااارب اللي يشوف مصيبة غيره تهون عليه مصيبته
  4. فكري ايجابي
    فكري انه يمكن تشتغلين ويتحسن وضعج

    لاتفكرين في الطلاق مدام عندج عيال
    لو لا سمح الله تطلقتي وش بتستفيدين
    صدقيني نفسيتج بتتعب الطلاق ماهو شي هين فلا تفكرين فيه ابدا
    الدعاء والتقرب من الله هو الحل عسى الله يفرجها عليج ويصلح لج زوجج
    وتفاءلي بالخير خليج دوم متفاؤلة

تابعي تجارب أخرى من هذا القسم.