وصلت حدي من ام زوجي.....

والله فكرتيني بنفسي ولا عندي سرعه بديهه في الرد ( والله قهر)
حتى زوجي يقولي انا لو اسيبك لااهلي ياكلونك وانتي ساكته و ماعندي غير لما ارجع البيت اقول ياريتني قلت كذا وكذا بس بعد ايش
والله يعينك والله لو ام زوجي عايشه معايا في نفس البيت كان طقيت ومت ومن زمان

الله يعينك اختي

امبي الله يعينج عليها والله انقهرت من هالعجيز
حاولي تقربين منها وتكسبينها وتدعين ربج

وجع الله ياخذها والله هالعجيز وش دخلها هالفتانه الله يعينك وياخذها وتفتكين منها اكيد هذي شاااااااااااااويه :p

يا قلبي عليك الله يعينك


ام الزوج يا قلبي ما هي غوله هي أم تدرين وش معنى ام وانتي ام


عامليها كأنها امك لو مهما بدر صدقيني مع الايام بتغغير معاملتها لكي بأذن الله لانها رح تقارن بين تصرفاتها وتقبلك لها وتعرف طيبة قلبك وراح تعاملك مثل بناتها واحسن

انا عشت معاناه رهيبه مع ست الحبايب اللي هي ام زوجي في بداية زواجي عشت معهم لفتره في نفس البيت بالرغم اني ولله الحمد كنت عند بيت اهلي اتعامل كاني اميره

في البدايه حسيت اني عدوه لها لكن شغلت مخي وعقلي وتفكيري وضميري ما بلغت ولا خبرت زوجي باي تصرف كانت تتصرفه معي ويالمني حتى اني كنت بسويلها ولزوجها القهوه والفطور وادخله غرفة نومهم بالرغم من وجود الشغاله

اذا خرج زوجي عمله في الصباح كانت تخلي الشغاله تدق عليّ الباب تصحيني

تبا باب الغرفه مفتوح ما يتقفل ابد وزوجي ما هو في

تباني اذاكر للعييال بالرغم من ان عمي ابو زوجي مدرس

تباني انظف غرفتها مو الشغاله

اول ما يرجع زوجي ما تباه يدخل عليّ الغرفه يروح لها وتقفل الباب وما ادري وش يصير

ممنوع يشتريلي شي واذا اشترا يا ويله لازم يجيبلها مثله حتى لو قميص نوم عرايسي

المصروف ما كنت اشوفه000 ملابس عطورات ابد ما اشتري

وهي مندوبة افون كانت تجيلها البيت تجيبلها كل شي

يا ربي لك الحمد

لاني ما حملت وتأخرت في حملي عيرتني وكانت تقنع زوجي انه يتزوج علّي تبا تشوف اولاده

8 سنين عقم عانيتها الم وحسره مو من احد الا منها هي لان المعيار يحطم ويفتت الصخر كلمة عاقر يوم تسمعينها من احد وش تحسين فيه

كانت تقول للناس يوم ادق على اولادي ولا بناتي يردون اودهم يقولون لي كيف حالك يا جده ومسكين ولدي ذا كل ما يشوف عيال اخوانه الدمعه تنزل من عيونه 000 مع العلم وربي الشاهد انه كان راضي بالنصيب والقضاء والقدر وهو كان يصبرني

ما شكيت ولا حكيت بل التزمت بالصمت والاستغفار لان زوجي ربي يحفظه ويخليه يحبني ويقدرني وبالتالي كان يعرف تصرفاتها لانها نفس التصرفات مع حريم اخوانه لكن الفرق ان ذولاك يسكنون لوحدهم

بعد فتره ما هي بسيطه طبعا وبعد ما استقريت في بيت لوحدي اعترفت بنفسها لبناتها وجاراتها وكل من تعرفه بأني احب حريم اولادها لنفسها وان قلبي الطيب يا ربي لك الحمد ما شافت مثله


تدرين ليه يا قلبي لاني ما كنت اشوفها كأم زوج كنت اشوفها بعيوني كأم


حاولي تطاوعينها بأي شي تقولك عليه اصبري يا قلبي ما بعد الصبر الا الفرج

وراح تشوفين مع الايام كيف العز والحب والتقدير لكي وحدك

ربي يكون في عونك ويصبرك ويحنن ام زوجك عليكي مثل ما حنن ست الحبايب ام زوجي وخلاها تشوفني مثل بنتها واعز