حقلك على رقم مستشفى جامعة الملك المركز الطبي الخاص(6401000)وتحويلة الخاص(4) حترد عليكي وحده سوي حجزك عندها للدكتوره سماء ناظر وهما حيقولو لك متى مواعيد دوامها
اما رقمها في التخصصي خذيه من الاستعلامات905 ويعطيكي العاااافيه:26: :26: :26: :26:
أختي توتا.... كم تكاليف الولادة فقط في مستشفى التخصصي عند الدكتورة سماء؟ وإيش رأيك بالدكتورة عفاف توفيق أيضا استشارية في التخصصي لأن زوجي يشتغل في شركة الخطوط السعودية وهي الطبيبة الوحيد التي تستقبل الشركات,, فماذا تعرفين عنها؟ الله يسعدك جاوبي على سؤالي بسرعة لأنني حجزت عندها يوم الثلاثاء القادم وإذا كانت مش ولا بد أغيرها.
انا سالتلك عن تكاليف ولادة الدكتوره سماء ..طلعت 7الاف ريال والدكتوره عفاف 6300ريال
اما بالنسبه عن الدكتوره عفاف ماكذب عليكي انا اول مره اسمع عنها بس انا موعدي مع الدكتوره سماء يوم الثلاثاء الصبح فانا حسالها عن الدكتوره عفاف واقلك الرد على طووووووووول او ل ماوصل البيت....ولاتخافي الدكتوره سماء على خلق يعني ماحتقلي شي مو صح عنها وانا واثقه من ذا الشي فلاتخافي..
وانابحاول ا سال الدكتوره سماء قبل الثلاثاء عن الدكتوره عفاف عشان موعدك واول مايجيني الخبر برد لك على طول ان شاء الله:26: :26: :26: :26:
توتا بالنسبه للدكتووووووووووره سمااااااء انتي قلتي تكاليف الولاده 7000 ريال بكج كاااااااامل ولا ايش بالظبط.... يعني شامل مراجعه من اول الحمل بولاده ببنج بغرفه خاصة وكم يوم تكون الغرفه؟ يعني اذا تكرمتي ابغي التفاصيل الممله زي اسئلتي الممله واذا كان قيصري الله لا يقدر كم تكلف؟ معليش طولت عليكي وحتى مستشفي الجامعه نفس الشي؟