ظلمها اللي كان زوجها

السلام عليكم ورحمة الله وبركاته

أبي أبتدئ وأحكي لكم قصتي وأتمنى تشاركون آرائكم

أنا تطلقت قبل اسبوع بعد عشرة 9 سنوات وطفلين الاول 7 سنوات والثاني سنتين و9 شهور
تزوجت زوجي وا نا أحبه لانه عن طريق زوجة أخوي وهو خالها
أحببته بجنون ولكن كانت معاملته لي سئيه لا يحترمني
عند اي خطأ يتلفظ علي بالفاظ بذئيه وسب ولعن
قلت يمكن لانه عصبي
بس اي حاجه تصير يسوي كذا لو امر تافه
على ان راتبه 7 الاف كان لا يوفر اشياء في المطبخ ولا اطالبه بملابس كان يدرس الجامعه كنت اذاكره
وكم مره ضربني
واخر شئ في رمضان اللي فات حاول يطفشني يبيني انطق الطلاق واقول طلقني لانه تعود ابوي يرجعني ليه بدون هدايا او شئ امام الناس
ولما ياس اني اخرج من البيت طبعا السبب ان قلت ما راح ازعل واترك بيتي لاني عارفه ابوي راح يرجعني
كان عندنا في العيد زواج ولد اخوي طبعا العيد ما اشترى لي لبس للعيد ولما جا الزواج باقي يومين عليه قلت ابي فستان قام وهزاني وسبني
بس في الاخير قبل الزواج بيوم اشتر لي ثوب وخرجني السوق الساعه 10 بالليل يعني ساعه
لما جا اخر الليل قلت ابي 350 ريال للكوفير قال مافيه وكمان سب شكلي واهاني
زوجي عسكري كان عنده استلام قلت بروح لهلي لانك مستلم قال انقلعي
طبعا جا اليوم الثاني ورحت لهلي وتروا شافني لما خرجت انا واولادي
دق على ابوي وقال بنتك خرجت من غير اذني
طبعا ابوي يعرفني لا يمكن اسويها في الاخير قال ابوي اتركها عندنا ونشوف تعرفون قال ما ابي بنتكم
ومن شهر 10 وانا عند اهلي دوبه طلقني قبل اسبوع
وتخيلوا راح خطب بنت وراح يزين البيت اللي انا فرشته بذهبي وكنت اطلبه يسوي الصاله عندي وملكته يوم الخميس وزواجه بشهر 4 تعرفون انا اكرهه بس في نفس الوقت مقهوره وربي بموت طيبه عند هله وشاطره باليت ووالله حسب وحلوه احس بالقهر ابكي من القهر على طول خطب وهو ضيع شبابي لا انا كبيره مره ولا صغيره


والله ياخواتي قلبي يعورني مت من البكا فجأه ضعفت على اني كنت قويه بس اليوم احس بحزن شديد
لكن حسبي الله ونعم الوكيل وكفى وارددها 7 سنوات
الله انصرني على من ظلمني
ورد كيده في نحره آمين
أعـــــــــــــــرف طولت عليكم