ناقله لبيت اريد افكاركم للمساعده

السلام عليكم ورحمة الله

خواتي الغاليات

محتاجه مساعدتكم بحكم خبرتكم

انا ناقله لبيت ايجار سبق وانسكن كم مره ولون البويه ابيض وباين انها وسخه لونهاا على رصاصي خاصه من تحت

ومفاتيح المبات كيف انضفهاااا بسهوله وهل ممكن ترجع بيضاء مرررره

وللعلم اول مره اسكن في أرضي ومو جديد ......

عطوني طرق سهله وسريعه للتنظيف ......

ومالي الا الله ثم انتم

الفزعه الله يخليكم بكره ناااااااااااقله ...

الله يفرج هم من تفرج لي ...
:06:

10 تعليق 1,092 مشاهدة

شاركي في النقاش

سجلي الدخول لإضافة تعليق.

التعليقات

9
  1. @am_aazan_1

    انا اقترح تجيبين لك 2 من العمال

    وتعطينهم الي الله يكتبه

    وخليهم ينضفونه ويصبغونه

    وزوجك يوقف على راسهم

    والله يسهل اموركم
  2. @ryaan_1

    حبيبتي شوفي اذا البويه ممكن تنمسح

    امسحيها بماي وكلوركس

    جيبي لك سطل وعبيه ماي وكلوركس وشوي فيري ولازم يكون وياج حد يساعدج

    وجيبي فوطها ماتبيناه واغمسيها ومسحي ومفاتيح اللمبات نفس الشي صدقيني بيرجع لونها

    وممكن تفركين الجدار من تحت بالمخمه الصغيره اغمسيها في نفس الخلطه وافركي فيها

    ولما تخلصين كبي الماي في باقي البيت وافركيه فيه واشطفيه

    ونسيت اقولج عقب ماتخلصين من فرك الجدران بالكلوركس جيبي فوطه مبلله بماي ومسحي الجدران بها مره ثانيه

    صدقيني بيطلع يلق لق وانا سويت هالشي في بيتي وتوني ساكنه فيه من اسبوع
  3. @aaros_alsham

    على حسب نوع الدهان.. بعض أنواع الدهان رخبصة و بس تمسحيها بكلوركس تطلع معك و تصير مثل البقع
    جربي على مكان صغير بالأول ورى الباب بعدين كملي

    بس رأيي بصراحة, بما إني عانيت مثلك و جربت أسكن بشقة وسخة, بينهد حيلك و ما بتحسي بالنظافة يلي تتمنيها
    الحل الوحيد إنك تدهني الشقة كلها من أول و جديد و مفاتيح الكهرباء جيبي تنر يلي بيخففوا فيه الدهان و البسي كفوف ضروري حتى لا تنعدم بشرتك.. و امسحيها بالتنر.. بس لو عندك ربو انتبهي من الريحة بتتعبك كتير.. غطي أنفك بقماش.. و بعد ما تمسحي مفاتيح الكهرباء جيبي تيب كبير أبيض يلي يستخدموه الدهانين و لزقي مفاتيح الكهرباء من كل الجهات, حتى العمال ما يرجعوا يوسخوا مفاتيح الكهرباء بس تدهني البيت

تابعي تجارب أخرى من هذا القسم.