شاركي في النقاش

سجلي الدخول لإضافة تعليق.

التعليقات

450
  1. @am_ht_ht

    صاحبة الموضوع
    ام زياد ابشري ياقلبي والله ماطلبتي شي

    هذا اول شي اذا جتك الذبيحة العصر على طول غسليها زين وحطيها بالقدر وجيبي ((بصل وثوم وفلقل رومي )) وحطيهن بالخلاط الكهربائي وزيدهن ماء وبعدين حطي هالخلطة على الذبيحة
    وكثري الكمية
    وبعدين اذا جا المغرب شغلي النار عليه وحطي عليها ( قرون قرفه-ليمون اسود-فلفل حار قرون-فلفل رومي مقطع قطعتين-هيل-بهارات-آجي-ملح-وطماطم هذا اللي بالعلب بدون قشور))وطبعا توصي بالكمية
    امي بالعاده تثلج الفلفل الحار تحطة بعد ماتغسله وتنشفه بالفريزر بكيس وكل مابغت طلعت منه
    وبعدين عاد صبي الماء الحار عليها وخليها يعني الين تحسين انه انظجت
    في ناس ماتحب اللحم يكون ناظج مرة وفي ناس لا تحبه ذايب
    انتي انتبهي بس على المفطح لا ينكسر
    واذا قبل تنظج الذبيحة بشوي حطي الكبد والقلب علشان تقطعينهن اصابع وتزينين بهن الصحن اذا غرفتيه
    طفي عليها النار على الساعه ثمان كذا وخليها بالقدر لا تشيلينه الين قبل تحطين الرز
    يعني الرزيبيله ساعه تقريبا على ماينظج
    المهم انتي ارفعي الذبيحة وحطيها بقدر ثاني وسكري عليه
    واشخلي المرق حقه
    وحطي عاد الرز
    عاد تزيدين موية تنقصين موية هذي على حسب الملح او كمية الرز
    تبينه نثري او مخبوص براحتك
    وسوي عاد زبيب واذا قرب ينظج الرز حطي كشنة الزبيب عليه وسكريه زين
    واغرفيه عاد بعدين وزينية بليمون وباللي تبينه

    ام زياد اي سؤال انا حاظرة ياقلبي

    وترو امي تبلغكن السلام

تابعي تجارب أخرى من هذا القسم.