الأكل الحاااار أو الفلفل ..هل له علاقة بالحمل؟؟ تعالوا شوفوا قصة سلفتي وخواتها!!

مساء الورد .. ومساء الخير لأحلى عضوات ..

بنات في شي غريب لاحظته في سلفتي (مرت أخو زوجي) .. هي وخواتها ..
ويا ريت تقولوا لي هذا الموضوع هل له علاقة بالحمل أو لاء ..

سلفتي وخواتها ياكلون أكل حااااااار مليااااان فلفل .. من كل أنواع الفلفل ..
خصوصا المرقة .. ما تنحط على اللسان من حرارتها .. ياكلونها وكأنها شوربة ..
كل شي يحطون فيه فلفل .. وكل أكل ياكلونه حااااااار ..وبهارااااات ..
كل عيلتهم كذا .. الأكل الحار ياكلونه بالوراثة ..
والفلفل الأخضر الصغار يقرمشون فيه العصر ..تخيلوا !!

وما شاء لله كلهم يحملوووون بسررررعة ..
وبس وحدة تقرر انها تحمل بنفس الشهر هي حامل ..
مع إن سلفتي وزنها 160 كيلو .. وسمييييينة لأبعد حد ..
مع ذلك تحمل بأي وقت تقرر ..(الصلاة على النبي محمد) ..

هل الأكل الحار منشط للمبايض أو منشط للهرمونات؟؟
هل في اعتقادكم الأكل المفلفل الحار له علاقة بالحمل أو لاء؟؟

مع كل تحياتي ..

..دانة الدنيا..

54 تعليق 81,882 مشاهدة

شاركي في النقاش

سجلي الدخول لإضافة تعليق.

التعليقات

54
  1. @nor_alzyn

    بسم الله الرحم الرحيم

    ماشاء الله عليهاا

    سمينة سلفتك ؟؟؟؟ بس غريبة يقولون ان الفلفل الحار يضعف ويساعد على حرق الدهون

    بعض الاحيان احس ان هذا الشي ينطبق على اجسام واجسام لا

    سبحان الله

    اما انه الفلفل منشط للمبايض الله اعلم

    دمتي بود
  2. @amgad_omnar

    الي اعرفه ان اكل الفلفل الكثير يسبب موت خلايا الاحساس في الفم عشان كذا الي ياكلو فلفل ما يحسو بالحرارة ويعجبهم يزيدوا ياكلوا فيه عشان اللسعة تكون خفيفة

    اما انه منشط للمبيض اعتقد انه الفلفل الاسود من اهم مكونات تنشيط المبيض عشان كذا كثير خلطات فيها فلفل اسود اعملي بحث بالنت وشوفي

    وبشكل عام ما استبعد ان الفلفل يفيد في تسريع عملية الايض وتحريك الدورة الدموية وتنشيط عملية التبويض

    الله يكتب الخير

    وبالعافية على سلفتك واهلها ماشاء الله تبارك الله
  3. @shr7000

    انا اسمع كثير انا الفلفل الحار يسبب الاتهابات والوحده ماتحمل بس ماادري هذا صحيح اولا
  4. @am_krar_3

    ما شاء الله عليهم

    اممم
    ما ادري بصراحه
    بس احس انك تتكلم عن عائلتنا
    هههههههه

    نحن نحب الاكل الحااااار مرررره
    ومثل ما قلتي الفلفل الاخضر الحاار نقرمشه قرمشه
    اممم

    بس انا الهرمونات عندي سليمه وللحين ما حملت
    ما ادري بصراحه
    لاتشجعيني اكثر منه هاليومين
    هههه

تابعي تجارب أخرى من هذا القسم.