شاركي في النقاش

سجلي الدخول لإضافة تعليق.

التعليقات

345
  1. @kaaan

    *المــاسيـــــــه*
    انا من رايي عاد لاتشدين بزياده فينقطع الي بينكم وتتدمين.. كان رديتي عليه برساله جاده وقلتي اذا تبي تفتح صفحه جديده على قولتك انت عارف وش ابي منك ... وقولي له انا مثلك ابي افتح صفحه جديده بس بحقوقي ونكون سعداء وماحد يقصر بحقوق الثاني .. وال…
    شوفي حبيبتي انا كنت كاتبه رد غير هذا بس لما شفت ردك للاخت طواري وفرحتك وتلهفك بتغيير لهجته

    غيرت ردي لاوضح بعض الامور 0

    بسم الله

    اولا فوزيه الدريع تقول اخذي اصابعك العشره وحطي اليمين محاسنه واليسار مساؤيه وانتي بناء على هذا تققررين الاستمرار من عدمه 0

    خلينا نشوف مساؤيه

    1-مايصرف عليك

    2-مايصرف على البيت

    3-مايدفع الاجار

    4-مايعدل بالفراش

    5-مايجي عندك الا سويعات متقطعه على مدار الشهر

    محاسنه 00

    1-ساعات كل شهر للجلسه والنومه (رغم اني اعتقد ماهي حسنات


    طيب نرجع للرجال نقول لماذا يتزوج الرجال00

    1-يكون عنده طاقه جنسيه زايده ووفره بالمال

    2-يكون عنده وفره بالمال وتكون ثقافته هو ومجتمعه ان الرجال هو اللي يعدد

    3-يكون عنده مشاكل او ماحب زوجته
    4-يبي يادب زوجته لاي سبب كان 00ماتحبه 00ماتعطيه فلوس 00نضرتها له دونيه 000

    ويبيها تعرف ان هناك من تبيه وتقدره وعلى فكره هذا يجيه قوه وطغيان على الزوجه الثانيه فوق ماتتخيلين 00لانه يبي يداري ضعفه
    5-يبي يقلد ويجرب ومايهمه بنات الناس 00 وهذي يسويها حتى الضعاف جنسيا

    الان نرجع لزوجك انا من رائيي ان ابو طبيع مايجوز عن طبعه وانه 00دوني 00للاسف

    واللي مثله مايطلق لانه موري زوجته انه يقدر يتزوج وانك موجوده تحت امره يجيك وقت مايجي وتدفعين له فوق هذا وانك احسن منها

    يعني انتي سيف مسلطه على راسها

    رغم انها هي اللي يحبها وهي اللي يعطيها حقها الشرعي بالفراش وبكل شي بس ماتضبط معه الا فيك

    نرجع لك انتي 00

    تقولين لحضات سعيده وانا والبنات ماحنا شايفين اي لحضات سعيده بس ارجع واقول صدقتي هي لحضات بالشهر

    وليش سعيده لانك محرومه مثل الارض العطشى عندما يهطل عليها المطر

    وعلى فكره هو مايحرمك بس مايرويك لانه زاهد والحاجه اللي تربطه فيك متعته معها هي
    ومحاولتها المحافضه عليه

    واخيرا اقولك راح يرجع لك وينفذ طلباتك ويمكن يعدل الفتره الجايه ويخليك تحملين وساعتها تبدا الدوامه من جديد والضحيه هالصغير اللي بيتلتله اذا مادفعتي

    لانه نفسيا مايقدر يدفع لشي مايبيه وهذي من طبيعه الرجل

    كان دليل الحب عند جداتنا وامهاتنا مقدار عطاءه لها

    تقولين طيب وش الحل اقول الحل بيدك انتي

    شي ثاني ياليت تاخذين قرض وتشترين بيت مايدري عنه الا ابوك واللي بيزود مصروف شخصي لك

    والله يسهل لك امورك
  2. @shybh_mrtzh

    لا تكفين وش هذا مو معقوووول؟

    أتوقع انه ماسكك من يدك اللي توجعك وهي الطلااااق

    ويدري انك ما تبين تتطلقين لأنك تطلقتي سابقا

    لكن ادري ان الطلاق مو عيب وان خفتي من كلام الناس خافي على مستقبلك مع هذا الجشع

    والله الطلاق أرحم من أسلوبه الأبتزازي

    وخير ياطير خلي الناس تحكي محد بيقدر يكمم افواهم الا اللي خلقهم

    لكن زوجك هذا قولي له يوم انك تبي حرمة تصرف عليك ليش تتزوجني

    ياحيف بس على الرجال اللي يتطفسون لفلوس حرمة

    صدق معاد للرجال في هالزمن رجولة ولا مرجلة

    راحت ايام رجال الهيبة وجوا رجال الخيبة

    شوفي اذا انتي مستعدة تصرفين عليه طول حياتك وخايفة تتطلقين ادفعي الايجار بدون مناقشات وبدون مايتمنن عليك انه تزوجك ولا يهددك بالطلاق

    لأنه صدق مذلة ادفعي ولا بطلقك عشتوا !!

    الله يعينك على غثاك
  3. @am_hsh_ozyad

    حبيبتي زوجك هذااسغلالي متزوجك عشان فلوسك واذا وافقتي على دفع الايجاركل يوم بيهددك بالطلاق اذابغى شي لاتعطينه وجه واذايحبك صحيح بيرجعلك ولاتتنازلين عن حقوقك :27:الله يكون في عونك
  4. @lots_24

    بصراحه انتي طيبه بزياده وهو واضح انه مايستاهل ...ليش يتزوج حرمه ثانيه وهو مو قد المسؤليه ..خليك قويه وواثقه من نفسك و خليه يعرف قيمتك وانه غلط في حقك كثير
  5. @kaaan

    لـوتـس 24
    بصراحه انتي طيبه بزياده وهو واضح انه مايستاهل ...ليش يتزوج حرمه ثانيه وهو مو قد المسؤليه ..خليك قويه وواثقه من نفسك و خليه يعرف قيمتك وانه غلط في حقك كثير
    وعلى فكره فيه زوجه اولى معها الصراف حق راتب زوجها عشان تضمن انه مايصرف على زوجته الثانيه وتقول وش تبونه يسوي مصروف مايعطيها ونوم ماينام عندها وماهي راضيه تروح لهلها 000يعني فاضحتها والناس كلهم يدرون 000يعني اذا كنتي خايفه من كلام الناس تراه فيك 00فيك

تابعي تجارب أخرى من هذا القسم.