شوفي حبيبتي انا كنت كاتبه رد غير هذا بس لما شفت ردك للاخت طواري وفرحتك وتلهفك بتغيير لهجته
غيرت ردي لاوضح بعض الامور 0
بسم الله
اولا فوزيه الدريع تقول اخذي اصابعك العشره وحطي اليمين محاسنه واليسار مساؤيه وانتي بناء على هذا تققررين الاستمرار من عدمه 0
خلينا نشوف مساؤيه
1-مايصرف عليك
2-مايصرف على البيت
3-مايدفع الاجار
4-مايعدل بالفراش
5-مايجي عندك الا سويعات متقطعه على مدار الشهر
محاسنه 00
1-ساعات كل شهر للجلسه والنومه (رغم اني اعتقد ماهي حسنات
طيب نرجع للرجال نقول لماذا يتزوج الرجال00
1-يكون عنده طاقه جنسيه زايده ووفره بالمال
2-يكون عنده وفره بالمال وتكون ثقافته هو ومجتمعه ان الرجال هو اللي يعدد
3-يكون عنده مشاكل او ماحب زوجته
4-يبي يادب زوجته لاي سبب كان 00ماتحبه 00ماتعطيه فلوس 00نضرتها له دونيه 000
ويبيها تعرف ان هناك من تبيه وتقدره وعلى فكره هذا يجيه قوه وطغيان على الزوجه الثانيه فوق ماتتخيلين 00لانه يبي يداري ضعفه
5-يبي يقلد ويجرب ومايهمه بنات الناس 00 وهذي يسويها حتى الضعاف جنسيا
الان نرجع لزوجك انا من رائيي ان ابو طبيع مايجوز عن طبعه وانه 00دوني 00للاسف
واللي مثله مايطلق لانه موري زوجته انه يقدر يتزوج وانك موجوده تحت امره يجيك وقت مايجي وتدفعين له فوق هذا وانك احسن منها
يعني انتي سيف مسلطه على راسها
رغم انها هي اللي يحبها وهي اللي يعطيها حقها الشرعي بالفراش وبكل شي بس ماتضبط معه الا فيك
نرجع لك انتي 00
تقولين لحضات سعيده وانا والبنات ماحنا شايفين اي لحضات سعيده بس ارجع واقول صدقتي هي لحضات بالشهر
وليش سعيده لانك محرومه مثل الارض العطشى عندما يهطل عليها المطر
وعلى فكره هو مايحرمك بس مايرويك لانه زاهد والحاجه اللي تربطه فيك متعته معها هي
ومحاولتها المحافضه عليه
واخيرا اقولك راح يرجع لك وينفذ طلباتك ويمكن يعدل الفتره الجايه ويخليك تحملين وساعتها تبدا الدوامه من جديد والضحيه هالصغير اللي بيتلتله اذا مادفعتي
لانه نفسيا مايقدر يدفع لشي مايبيه وهذي من طبيعه الرجل
كان دليل الحب عند جداتنا وامهاتنا مقدار عطاءه لها
تقولين طيب وش الحل اقول الحل بيدك انتي
شي ثاني ياليت تاخذين قرض وتشترين بيت مايدري عنه الا ابوك واللي بيزود مصروف شخصي لك
والله يسهل لك امورك
اتمنى انصاف منكم من الغلط انا والا زوجي.... بليييييييييييز ساعدوني
متابعة النقاش، صفحة 51