هنا يوميات جزء (3) - تجمع لـ شعر أجمل أطول أنعم !!
متابعة النقاش، صفحة 123
شاركي في النقاش
سجلي الدخول لإضافة تعليق.
التعليقات
1,320*-*لولا الامل *-* ايوا رشاا انا شفت هذا الموضوع وحفظته عندي وقلت بعد ماانتهي من الزيوت اللي عندي ابرجع له مع اني دحين انا محتارخ بين موضوع (اقسم بالله)وموضوع حور ( اتحدى ..) احس كل الوصفتين احلى من بعض ونتيجتهم حلوه لكن ان شاء الله ابستخير واشوف ارسي على اي…
شوفي انا في البدايه استخدمت زيت هندتلر والله عدملي شعري وهواساسا خرب بعد الولاده و هذا في نصف محرم تقريبا وبعدين غيرت على وصفة حور وكنت استخدمها مع وصفة ثانيه احسها ساعدتني كثير وهي(جبت زيت الورد ترى مره ريحته حلوه ويصلح تحطيه لوحده زي تونك الفازلين وسوي بحث عنه بنات كثير يمدحوه _وانا اعرفه من زمان كنا نستخدمه واحنا صغار بس بديت فيه من شهر صفر تقريبا ..وحطيت معه (ملعقة نوى تمر محموص ومطحون-20حبه هيل -وزيها قرنفل-ملعقتين فلفل اسود مطحون )وكلهم مطحونين واحطهم زي تونك الفازلين هذي الطريقه اخذتها من صاحبة الوصفات الي قلتلك عليها بس انا اخترت زيت الورد واضفت نوى التمر هي تقول كوب زيت خروع وكوب زيت زيتون ..والنتيجه تبان بعد شهر جربتها وحسيتها حلوه ..
وصفة (اقسم بالله) الحناء حقتها روعه بس انتي روحي لعطار ممتاز وتأكدي من الحاجات انها جديده عشان هي كثيره وتقعد معك فتره طويله ..او خذي كميه بسيطه وجربيها ..وبخبرك انا اخذت ربع كيلو من كل نوع وطحنته بنفسي وطلع مشاء الله كثير..
وصفة الزيوت حقتها الكميه مره كثيره وتقعد معك فتره طويله بس ماشاء الله ناسبت بنتي كثير..بس تأكدي من التاريخ
بس ايش رايك بلحظ :)جيت اسوي بحث عن زيت النارجين وقبل مااسويه لقيت في القسم موضوعين عنه ..مع اني والله ماكتبته قي الطلباتهيــون يواسطة ليالي هادئه...هلا وغلا بهيون والله لك وحشه مررررره طولتي الغيبه اقسم بالله انكم انقطعتو فجأه حتى صرت يالله ارد على البنات صرت احس ان فاضي مافيه احد من التجمع الثاني الا القليل والله موتقليل فيهم بس فرق عن اول الحمد لله انك رجعتي ي…
الأخت هيون
الله يفرج همك وكربك ويسترها معك اللهم أميييييييييييييييييييييييييييييين- ماااشاااء الله عليك يارشاا يااااربي الحظ دائما يكون ماااشي معاك وماتطلبي حاجة الا وتجيك وماتتعبي فيها
والله صادقه الحمل والولادة دمار الشعر الله يعطيكم العافية انا شفتها في اخواتي
لكن لازالوا مصممين مايحنو لسا جالسين وراء الصبغات
مع اني ارسلت لهم الروابط عشان يتحمسو ونشجع بعض
لكن ربي عوضني بكم اخوات واهو اتشجع معاكم
لان بجد مو ناااويه عزيمة تفتر واتخلى عن العناية
انادحين ابستمر فالعناية المكثفة لشعري ويارب يتحسن ويعوضني فيه خير
لان انا الاسبوع اللي فات لما رحت لاخواتي لاحظو لمعة شعري ورطوبته مع انه كان مر عليا اسبوعين من بدأت احنى وازيت واساوي ماسكات
والحناء مرة عجبتني ان شاااء الله ابروح العطار بنفسي المرة الجاية واشوف اش يطلع معايا
لكن تقترحي عليا اروح المرواني او الحيدري>>اخويا متعامل مع الحيدري كل اغراضنا يجبها من عنده وقاهرني ضحك على اخويا يقوله المشاط هو الاملج ولما شفت موضوع المشاط عرفت انه خلطه لوحدها
نفسي اجرب المرواني ماادري احسه مشهور ومعروف لكن ماقد رحت له
او تعرفي عطار احسن من اللي قلتهم؟؟ *-*لولا الامل *-* ماااشاااء الله عليك يارشاا يااااربي الحظ دائما يكون ماااشي معاك وماتطلبي حاجة الا وتجيك وماتتعبي فيها والله صادقه الحمل والولادة دمار الشعر الله يعطيكم العافية انا شفتها في اخواتي لكن لازالوا مصممين مايحنو لسا جالسين وراء الصبغات مع اني …
شوفي حبيبتي انا قبل العنايه ماكنت اروح لعطار معين كان فيه واحد جب بيتنا وكنا نجيب منه حاجات خفيفه (يانسون ..كمون...بهارات...الخ)هذا في المدينه
بس المرواني عندنا هنا كمان..بس مالقيت عنده حاجات كثيره ابغاها ..فوداني زوجي اليوم واحد يقول عنه مره قديم وماشاء الله تحسيه فاهم حتى حنته عجنتها قبل شوي تحسيها لونت في المكان الي جاء على يدي ..
انا لما جبت اغراض حنت بنتي لقيت واحد توه فاتح فستبشرت خير وقلت اغراضه جديده واخذت من عنده معظم الاشياء بس كنت عارفه شكلها من النت لاني لو اشوفها ما أعرفها..
انتي اكتبيها بورقه واكتبي جنبها وصف لها واسماء ثانيه لها(مره سأل زوجي عن زيت اصغر على555) ورجع زعلان يقول العطاريضحك يقول مافيه شئ زي كذا فرحت للنت وبحثت عن اسماء ثانيه ولقيت (زيت ابونخله) فلما سأل عنه لقاه على طول)
انتي روحي للي عند بلال اوقباء(ابو خشيم) اسمه كذا ..هذولا احس اغراضهم تتجدد عشان الزائرين يأخذوا منها بأستمرار..
المشاط جبته ريحته مره روعه ..الأملج ماجربته بس يمكن احطه بعدين بدل الكثيره لانهم يقولوا لازم تنحط بنسب معينه فيها مادة خطيرة..
أهم شئ خذي اشياء ماهي مطحونه وانتي اطحنيها الله يعنيك- والله فكرة ان شاء الله بكرة بنروح الحرم نصلي المغرب وراح امر على بلال من هنااك فرصه
الله يجزاكي خير يااااارب
بس جد ضحتك على زيت اصغر>>هههههههههههههه الله يسعد ايااامك يارب
مواضيع مشابهة
تابعي تجارب أخرى من هذا القسم.