هنا يوميات جزء (3) - تجمع لـ شعر أجمل أطول أنعم !!

حبيبتي دائما حطي الزبادي مع الحنا او ايخلطه عندك لان فوائده عضيمه وبما انك تستخدمي القطران لاتضفين اي زيت لانه هو كافي لانه يعطي الليون واللمعه والنعومه وان شاءالله مع المواصله تلاقيه يطول
بالنسبه لزيت الخردل انا خلط معه ملعقتين من بذرة القطونا وزيت الاس مع جردل مطحون بس وممكن تضيفين زيت النارجين بس لنا ما حطيت لاني امسح على شعر بعد الاستحمام وما ابغى يطلع ريحه طبعا وهو مبلول
والزيوت الي فيها ريحه احطها يوم الزيت وبس اغسلها احط زيت الخردل او الفازلين

حبيبتي رشا
يله قوليلنا الفرق بين الاصلي والمغشوش علشان البنات يستفيدون
وقشطة الميرات يمحونها في قسم البشره

ياعمري يا شوشتاى الله يسعدك ع الدعاوي الحلوة مثلك ..

بالنسبة للقطران ماظن انه يسوي تساقط هذا انا والبنات واختي كمان نستخدمه وكلمة روعه قليلة عليه بس يمكن حور قصدها القطران الثقيل مره هو الي يسوي تساقط لأنه عند غسله صعب مايطلع ابد الا بعد كذا غسله وتمشطيه عشان يخرج فاكيد يخرب الشعر احنا نستخدم الزيت تبعه يعني خفيف ومافي اي قطع صلبه منه تمسك بالشعر عرفتي وطبعا الموضوع بالاول والاخير يرجع لك يالغالية ..
والله يسعدك وينولك كل الي نفسك ليه ويخلي لك خطيبك ونشوفك قريب عروسه ياقمر ..



هلا وغلا لولا اولا ياقمر احب اشكرك على هاذا النشاط الرائع الله يديمها عليك وعقبال ماشوف كل بنات التجمع بهالنشاط والحيوية بس اهم شيء انتبهي لا تملي وتبدي تكسلي .. ( وحده تعقدت من تكسل البنات وغيابهم :06:)

ولا لقافة ولا يحزنون واي استفسار ببالك ياعسل واكون اعرف له ابشري مالك الي الي يساعدك .. انا القطران الوالد جابه ليه من الجنوب والي جابه طلع مره مره خفيف حتى لونه خفيف وطبعا انا الحين بالطائف عند اهلي وما شاء الله هنا في عطارين يبردون القلب وقدامى يعني لهم بهالكار من قبل مانولد والمهنه ماخذينها ابا عن جد ما شاء الله المهم رحت له امس وطلبت قطران فقلي خفيف ولا ثقيل قلت هات الثنين اشوفهم طلع الخفيف مثل الي جابه الوالد والثقيل يالله مره مره ثقيل فاخذت علبتين وقلت بزيدها على الجالون الي عندي وارجه واصير استخدمه ..
طبعا اعطاني قاروره نفس قارورة الخل الاسود تبع البليله اذا كان تعرفيها بـ 10 ريال .. وكمان اتذكر لمن طلبت قطران قلي بتستخدميه للشعر خذي الخفيف احسن .. وان شاء الله تلاقيه عند العطار بسهولة ..



ما شاء الله تبارك الرحمن من جد ياقمر حمام الهناء .. الله يحميك وينولك الي ببالك ان شاء الله ..


انا استخدمته فترة ولمن خلص بطلت طبعا ماشفت نتيجة ما ادري يمكن عشان شعري كان تالف ويادوب كان يتحسن نفس الشعر وحاليا انا مادور الطول ابغاه يكثر اول بعدين ابتدي اطوله على خير وسلامه ..



الزيت الي اخذتيه تبع النارجين اصلي .. بالنسبة للحناء اضيفي الزبادي مره روعه .. انا اضيف الخل والليمون كلها ..

بالنسبة للزيت انا اتوقع لو تضيفي الزيوت الرئيسية مع الخردل والنارجين مثل السمسم الخروع اللوز الحلو والصبار يكون تمام التمام عشان تستفيدي كطول وقوه وثبات للشعر وعدم التساقط ولو تبغي النعومه ممكن تضيفي ملعقتين بذر القطونا ..




بالنسبة للقشطة في ناس مدحتها كبياض بس سمعت انه فيها كريمات فيها زئبق وكورتيزون فبعد فترة لمن تسيبيها يرجع السمار اقوى من اول غير الضرر الي تسببه للبشره من كثرة استخدامه فخليك ع الطبيعة احسن ..
والله خوفتيني انا دايم اشتريه مع شامبو ثاني استخدمه باستمرار من رمضان طيب تقدري توصفي اكثر شكل الكلمه او تكتبيها ووين تكون اسفل العلبة نفسها او الكرتون ولو تقدري تصوريها يكون افضل ياقمر ..



ياقلبي ياروح تدري انا سويت بحث عنه كثير مدحوه النوعيه القديمه ومنع فترة بالسعوديه ورجعوه بس يقولوا مو بنفس الفايدة والنتيجة والله اعلم .. انتي ياعسل خليك ع الاشياء الطبيعيه المعروفه افضل والله يوفقك ..



ما شاء الله بيلسان من جد وحشتني بطاقاتك انتي بس الي تسوي هالحركة الحلوه ولها طعم ونكهه مميزة الله لا يخلينا منك ..

جزاك الله الف خير .. وجمعة مباركة عليك ياعسل .. وعلى بنات التجمع جميع ..



الاملج ان ماخاب ظني هو الأملا الي ضايفينه بزيت دابر .. هو يسود الشعر ياقلبي ويوقف تساقط هذا الي سمعته وكمان ان ماخاب ظني مذكور بالطب النبوي بس سمعت مثل ماقالوا البنات صعب طحنه فانتي لو تقدري خلي العطار يطحنه قدامك افضل ولو ثقة خذيه مطحون ..



هههههههههههههههههه يالحن اجل سببتيلهم انواع الاحباط .. الله يسعدك ياشيخه ..

تدري انتي مثلي تبغي تتخلصي من كل القديم والخفيف انا كذا كل شهر اقص شي بسيط عشان مايقصر مره واكسل ومعد اعتني يعني يادوب سم واحد فعشان كذا طوله ثابت ماتغير بس ماعلي اذا كثر وصار قطعه وحده ذيك الحزة طولته .. وانا قصيته امس ويارب يرزقك الي في بالك وتشوفي شعرك مثل ماتبغي واحسن ..



والله سمعت بنت هنا بالقسم تمدحها وتحلف انها ثقة فاشتري ياقلبي لو مطمنة ع الاقل احس شغل الحريم بالحناء احسن من العطارين انا كذا اشتريه من حرمه تبسط قدام السوق وما شاء الله ياحنتها بس لو جت بقعة صغيرة بيدي وماغسلتها بسرعة تعلم وتقعد يومين غير ريحتها ريحة حناء صح بس فكيت الغطاء الا الريحة عبت البيت ما شاء الله صرت ما اشتري الا منها ..


وعليكم السلام ورحمة الله وبركاته .. كيفك ياعسل ؟؟ وكيف بنتك ان شاء الله احسن ؟؟
وجمعة مباركة عليك وعلى جميع المسلمين ..
والله يذكرك بالشهادة مثل ماتذكرينا دايما كل جمعة بالدعاء والقرآن الله يجزاك الف خير ولا يحرمك من الأجر ..



هلا فيك ياقلبي ..
اما شعري بعد القطران جناااااااااااااان من جد تحسي فثه صحه مي طبيعية اللهم لك الحمد والشكر ..حتى اختي تخيلي شعرها مره ناعم بس مستحيل يتلف ويكون كذا صحي ما شاء الله تغير شعرها معاه صارت نعومته غير وفي نفس الوقت صحه ويتلف معاها وشكل من جد الله يجزاك الف خير انك علمتينا عنه لأنه من جد فرق كبير بين شعورنا قبله وبعده وماراح استغني عنه حيكون على طول مع زيوتي وحنتي ..
والله ريحته مو مثل حق العطار اقوى والي جابه طلع خفيف مره خفيف انا حسبته مويه ورحت العطار عند اهلي بالطائف ما شاء الله عطار ثقه ابا عن جد المهنه ماخذها وبنفس الاسم تبع محلهم من زمااااااااااااااااااان تصدقي حتى ولده الي ماسكه الحين يشتغل صيدلي بمستشفى الطائف ومن ثقته بالاشياء والخلطات الي يسوها يقول لو ضرك تعالي للمستشفى واشتكيني ..
المهم طلبت قطران عشان اضيفه للي جابه الوالد فجابلي واحد ثقيييييييييييل مره والثاني خفيف مثل الي جابه ابوي قلت الخفف هذا زيت قلي ايوه بس لونه فاتح مو غامق يعني مثل لون الشاهي وهو فاتح وقلي لو تبغيه شعر خذي الخفيف قلت لا ابغا الثقيل اخذت علبتين معبيها بعلبة الخل الاسود تبع البليلة اذا كان تعرفيها وبعد شوي بطلع السطوح واصب الثقيل على الجالون الكبير وارجه واصير استخدمه ..
بس الي عندي اكيد مو زيتون لأنه السعوديه ماعندهم زيتون الا اذا مستورد بس القطران المتوفر عندنا ياسدر ياطلح وكلها فيها الخير والبركه ..
ومشكورة ياقلبي على اهتمامك والله يعدي بكرة على خير وسلامة ..

كيفكم صبايا وكيف شعوركم ؟؟

وجمعة مباركه عليكم جميع ..

انا اليوم مفروض احط زيتي مع القطران بس الأخت شرفت :06:مع انه مو وقتها ابد والسبب انه لي ست ايام ما آخذت حبوب منع الحمل وقفتها لأني اخذ مضاد فماراح تنفع فقلت اريح منها مادريت انه لمن اوقفها راح تجي الأخت من جد انصدمت بس ماعلي كله مكتوب ..

امس رحت للعطار واشتريت قطران ثقيل عشان الي جابه الوالد مره خفيف فقلت اثقله شوي بالقطران الثقيل ..

وكمان سئلته عن فرد الحناء وقلتله عن الي جاهزة بالسوق وايش تسوي من تساقط قام طلعلي حناء فرد هو الي يسويها وقالي هذي احنا نسويها من اكثر من 15 سنه ولا تسوي تساقط وعلى مسئوليتي وعلى فكرة العطار هذا موجود من قبل ماتولد ولهم بالكار هذا سنين وسنين وابا عن جد وما شاء الله الحين حفيدهم ماسكها وهو صيدلي وواثق من شغله حتى ورانا مره بطاقة عمله واسمه بالمستشفى تبع الطايف وقال اي ضرر من خلطاتنا او شي تعالوا اشتكوني يعني ما ينخاف منهم ..
قلي جربيها ماراح تندمي واخذتها بـ 50 ريال ولمن فكيته وقريت الورقه تخيلوا طلعت كمان علاج للشعر من التساقط والتقصف وانعدام الشعر وصعوبة تسريحة يعني تبع كله ما شاء الله .. بس لون الحناء اخضر زيتي مو اسود مثل الي بالسوق وكمان ريحتها ريحة حناء مو اعشاب مثل الي لقيتها بالسوق يعني شكلها باذن الله حلوه .. واليوم الوالدة بتسويها وانا راح اسويها بس بعد ما اقوم بالسلامة ان شاء الله ..

وامس قصيت شعري مو كثير بس سم واحد ماكثرت لأني ابغا اتخلص من الاطراف القليلة الي تحت مره قليل شعري من تحت فابغا اتخلص منه ..
ودعواتكم لي خاصه انه اليوم يوم فضيل وفيه ساعة استجابه فدعواتكم لي بأن ربي يسهل لي عمليتي بكره ويطرح فيها البركه لأنه مو معقول كل ست شهور اضطر اعملها ..