هنا يوميات جزء (3) - تجمع لـ شعر أجمل أطول أنعم !!

حبيبتي هبة البنات ماقصروا لمن رجعت للصفحات الخلفية لقيتهم رادين عليك وهذي روابط الردود :

هذا رد ليالي هادئة :
http://forum.hawaaworld.com/showpost.php?p=28609155&postcount=728

هذا رد لولا :
http://forum.hawaaworld.com/showpost.php?p=28605248&postcount=717

هذا رد رشا :
http://forum.hawaaworld.com/showpost.php?p=28598832&postcount=704

أما ردي :


اما ردي ياقلبي جربي تحطي مع خلطاتك خاصه الزيوت بذر القطونا تنعم الشعر وتهديه هذا الي اعرفه عنه وانا استخدمه حاليا ونعم شعري وثقله ..
ممكن تغليه بمويه شوي الين تطلع خلاصته حيصير مثل الجل عبيه ببرطمان وحطيه بالتلاجه وبعد الدش اعمليه لشعرك مثل الكريم ولفيه او ضفريه او لفيه مكر او بنس الي يناسبك وبعد ماينشف فكيه وان شاء الله يثقل مع الأيام بس واصلي عليه ..

اما انه الشعر يحتفظ بالموية لتاني يوم هذا شيء مفروض مايزعلك انا كنت كذا ومره صاحبة ماما قصت لي شعري قبل كم شهر وكان شعري ايامها تعبان مره فكانت ترش مويه وتقص وشعري ينشف بسرعه وانا ماكنت اعرف انه مو كويس قالت شعرك ينشف بسرعه انا فرحت قالت انتبهي شعرك مره تعبان الشعر الصحي يحافظ على رطوبته مده طويله فلا تزعلي وعلى فكرة صاحبة ماما كوافير وفاهمه بالشعر ..
واعطيك طريقه كل كم ساعة كذا فكي شعرك وارجعي لميه وهكذا الين ينشف انا حاليا شعرري بدأ يحتفظ برطوبته من الصبح لليل يعني الحمد لله رجعت له صحته ..

بالنسبة لخفة الشعر من قدام يبغاله اي علاج مداومه انا جاني هالفراغ من قدام للجوانب ولي من رمضان للحين اهتمام وصدقيني ماطلع لي شعر الا نهاية شهر الحج يعني بعد اربع شهور بس الشعر الي طلع والحمد لله قوي ..
فانتي ممكن تستخدمي مع زيوتك الثوم او الزنجبيل الطازح اغليه او اعصريه واستخدميه مع خلطاتك ويبغالك اعتناء مكثف ابتدي يوم ايوه ويوم لا لمدة شهر بعدين خليه يومين لا ويوم ايوه واستمري الين ماتوصلي للنتيجة الي تبغيها بعدين براحتك خلي خلطاتك مرة بالاسبوع او مرتين وعندي زيت انا استخدمه حاليا ريحته مقبوله وكثير مدحوه انه يطلع شعر خلال ثلاث اسابيع شوفي :
خذي ثلاث حزم بقدونس وجففيها الين ماتنشف مره واطحنيها وحطيها بزبديه واضيفي لها اربع ملاعق حناء مطحونة وحاولي تكون اصليه مش مغشوشة ولو تلقي حناء مش مطحونه افضل خذيها واطحنيها ناعم وخذي مثل ماقلتلك اربع ملاعق وحطيها على البقدونس وخليها على جنب ..
خذي زيت زيتون واذا ينشف شعرك خذي زيت سمسم وتكون كميه من ثلاث اكواب لأربع او الي يعبي لك قارورة كبيرة قزاز وخليها على نار هادئة وحطي عليها الحناء والبقدونس وخليها الين تغلي وحتفوح مثل الحليب انتي وطي النار مره وحركيها عشان ماتطيش على العين وخليك حق كم دقيقة كذا وطفي عليها وغطيها الين تبرد وصفيها بقارورة قزاز واستخدميها مثل ماقلت يوم بعد يوم شهر بعدين خليك كل يومين لا الثالث ايوا وهكذا الين تشوفي الي يرضيك بعدها خليك مرتين او مرة بالاسبوع الي يناسبك ..
وبما انه شعرك فراغات بالبدايه انصحك تضيفي لزيت عند كل استعمال شوي توم لا تكثري او زنجبيل وممكن لمن يكون الزيت ع النار انك تبشري زنجبيل وتحطيه مع الزيت يغلي يكون افضل وبكذا تكوني اضفتي للزيت الزنجبيل وان شاء الله يفيد شعرك ..

وعلى فكرة دوري القطران او زيت القطران عندكم ان لقيتيه اشتريه بدون تردد وخذي فنجال قهوه او كاسة شاي وحطي القطران بمعدل ملعقتين وصبي عليه من زيت البقدونس والحناء الكمية الي تكفي شعرك وحركيه وحطيه على شعرك اهم شيء الجذور واعملي مساج عشر دقايق وغطيه بكيس نايلوا وفوقه كاب صوف وبعد اربع ساعات غسلي شعرك وباذن الله تشوفي نتيجة جدا طيبة ..

واهم شي ياهبة ماتكوني زعلتي مننا مع انه مايرضينا كلنا ايو حدة مننا تزعل والله يطرح البركه في خلطاتك وتفيد شعرك يالغلا ..

هلا بنااات

انا توني غسلت شعري كنت حاطة مجموعه زيووت مع محلب عشان المحلب يطول الشعر


وبس وكيفكم بنات التجمع وش جديدكم

الله يجزاك الخير ياقلبي والله لا يحرمني منك كلكم اخواتي واحبكم في الله ..



تمام ياعسل .. أخبارك انتي ؟؟
اممممممممممممممم فيها طريقة تعطير شعر خخخخخخخخخخخخخخ مادريت برجع للصفحات ادورها :p
اي والله لازم اصبر والله مايضيع الأجر ..



ياقلبي بالنسبة للكامينو موتو دايم يكون متوفر بالصيدليات المتحدة ان كانت عندك فروعها اتوقع موجوده اول صيدليات تدوري فيها هي المتحده لأنها ان ماخاب ضني هي الوكيل حتى اسعارهم كويسه علبتين كبار تكفيك شهر المقوي والمسرع بـ 130 او 140 لأنه الصيدليات الثانية حتى لو لقيتيها حتلاقيها على اغلى كل علبة يزيدو بالثلاثين والاربعين ..
بس تأكدي انها عندهم كثيرة او خذي كم علبة عشان تطمني وعلى فكره هي مايبغالك تغرقي شعرك لا بالابرة خذي ثلاثة ملي كفاية وحطيها ع الجذور وسوي مساج واستخدميها مرتين او مرة ولو مرة خليها قبل النوم لأنه الشعر يستفيد اكثر ..
وان شاء الله اكون افدتك حبيبتي ..