شاركي في النقاش

سجلي الدخول لإضافة تعليق.

التعليقات

1,559
  1. am marium
    حمل اعلي الجنان لم يكتمل يا دينا ربنا يرزقها ويرزقنا جميها

    السلام عليكم ورحمه الله وبركاته

    ازيكم ازيكم وحشتونى كلكم ... عاملين ايه يا حبيباتى .. شايفين الجو النهارده كان عامل ايه بالنهار .. كان كله تراب وعفره وهوا ساقع تلج .. خلوا بالكوا على صحتكوا الله يكرمكم لاحسن انا واخده دور برد يارب ما يكتبه على حد ومحبش حد فيكوا ياخدوا ابدااا .. عموما كله بذنوبى ربنا يعفو عنى .. بصوا بقه لو الدنيا فضلت تعفر كتير انا هحرمكم من انسى وطلعتى البهيه :16: يمكن الجو يتعدل اصلها مش ناقصه بقه :35:

    دينــــــا
    .. الله يبارك فيكى يا حبيبتى وبعدين ولا متاخر ولاحاجه كأنك باركتى لى يومها ربنا ما يحرمنى منك ولا من حبايبى التانيين ابدااااااا :27:.. بس عاوزاكى تنشطى الذاكرة شويه لاحسن لما تحملى وتبقى زى حلاتى كده هتنسى اسمك ... طيب احكي لكوا على حاجه تضحك .. امبارح وانا باخد العلاج قبل ما انام طلعته وجبت كوبايه الميه جمبى وشربتها والحمدلله وبعدين جايه انام ببص فى ايدى لاقيت القرص لسه موجود :confused: .. ساعتها معرفتش ان كنت اخدت قرص واللى فى ايدى ده زياده مثلا ولا انا مش اخدته اصلا :blink:.. نسيت ان كنت شربت الميه لوحدها ولا بالقرص .. شفتوا المرحله اللى انا وصلت لها .:icon810:.. يالا مش هتقولي لنا اخبار العلاج معاكى ايه .. اشتقت اليك سألتك واستنيتك تطمنينا بس شكلك ما اخدتيش بالك يا حبيبتى

    أوشى حبيبه قلبى
    .. والله انتى ماشاء الله عليكى عرفتى تخرجى نفسك من الكأبه اللى كنتى فيها دى على طول وده بجد عين العقل .. برافو عليكى تستاهلى الف بوسه بس انا هوكل المهمه دى لزوجك بقه هو يوصل لك الالف بوسه .. مش برده يبقى احسن :33:

    سمسمه
    .. ليه بس هتغيبى عننا .. يارب يبقى خير .. عموما لو هتغيبى اسبوع واحد يبقى اوكيه لكن تزودى عن كده وترجعى تنسينا تانى مش هرحمك .. هطلع لك بالليل زى العو .. :07::bkh:

    اشتقت اليك
    .. ازيك يا قمرر .. عامله ايه يا حبيبتى .. اخبار الدايت ايه لسه ماشيه عليه ؟؟ يالا البنات نسيو الدايت باين عايزاكى تنشطى كده وتقولى لنا بتعملى ايه علشان باقى البنات تتشجع

    الهدى والنور .. لسه برده مش طمنتينا عليكى .. ربنا يكرمك ويحفظك فين ما تكونى
    نيـــفو .. حبيبتى ليه مش شفتك النهارده .. الانترنت لسه مقطوعه ولا ايه .. يالا بقه تعالى مفتقده كلامك ومشاركاتك ..
    بوبــــــــا .. انتى فين النهارده يا قمررر .. اختفيتى ليه .؟؟ لا احنا ما اتفقناش على كده يا جميل .. اظهر وبان عليك الامان
    وطماطم كمان
    .. فينك يا حلوة .. احنا هنبدأ نهزر بقه ولا ايه .. يعنى ولا تبقى انتى موجوده ولا نيفو يعنى كفايه علينا غياب نيفو لكن انتى كمان لا كده مش هقدر اتحمل .. ده انا على طول اقول انك خليفه نيفو فى الملاعب ... اتفضلى مشكورة سمعينا صوت حضرتك علشان وحشتينى اوى اوى اوى
    ام مريـــم
    .. ازيك النهارده .. عامله ايه ونفسيتك ازيها .. يارب تكونى بألف خير .. مش هتقولى لنا ناويه تعملى ايه الفتره الجايه دى ؟؟ عايزين نطمن عليكى يا حبيبتى ..
    ام انس .. حبيبتى ازيك يا سكر عامله ايه .. يارب تكونى بخير وتمام ... ودايما منورانا ومونسانا معاكى كده
    مميــــــــزات
    .. حبيبه قلبى سالتك قبل كده انتى وصلتى لفين دلوقتى فى الحمل بس شكلك مش اخدتى بالك .. طمنينى عليكى لاحسن لما بتغيبى يوم عن الملف بقلق واقول لنفسى لاحسن تكون بتولد ولا حاجه .. طمنينا الله يكرمك وتابعى معانا اليومين دول كل يوم علشان ما نقلقش وعلشان لو بتولدى كلنا نعرف ونقعد ندعيلك يا قلبى ..

    هوبه وكوكر ... ازيكم يا حبايبى عاملين ايه .. وتوتا انتى ليه غايبه عننا بس.. باقى البنات الغايبين من زمان انا مش هنده عليكوا تانى لان انتوا وحشتونا اوى والمفروض يعنى اننا كمان نكون وحشناكم صح ولا ايه .. عموما اتمنى ان الكل يبقى بخير وتمام وده المهم
  2. @ashtkt_alyk

    صباح الخير على البنات الحلوين.....انا صاحية النهاردة من الساعة 6...بس قلت أخلص اللى ورايا و آجى أصبح عليكم....يا ريت تهلوا بقى ورا بعض.....ة تورونى ضحكتكم الحلوة علشان موجة الكآبة اللى اجتاحت المنتدي تنقشع بلا رجعة...(حلوة الحته المثقفة ديه مش كده؟)

    أما بالنسبة لى يا أم فستك يا حبيبتى فأنا مستمرة على الريجيم....و فعلا جسمى بدأ ينزل بشكل ملحوظ جدا...بس انا مش راضية أكرر التجربة المريرة و أوزن نفسى عند الصيدلية...هاحاول اشتري ميزان و ربنا يستر من الهسهس و ماطلعش عليه كل ربع ساعة...ز

    طبعا يباقى البنات أنا حاسة انكم مستعبطين و اللى مطنشة و اللى استخبت فى التلاجة...لكن انا وراكم...و أدينى خلصت اللى ورايا و فقتلكم تانى....

    صباحكم فل يا قمرات
  3. @rrryham

    اهلا وسهلا بكم فى التجمع بالاسم الجديد

    اهلا بوبا
    اهلا مميزات
    اهلا رمال
    اهلا طمطم
    اهلا ام انس
    اهلا كركر
    اهلا امه الله
    اهلا اوشى
    اهلا بكم جميعا وحشتونى جدا جدا
  4. @boba_boba

    صاحبة الموضوع
    ررريهام
    اهلا وسهلا بكم فى التجمع بالاسم الجديد اهلا بوبا اهلا مميزات اهلا رمال اهلا طمطم اهلا ام انس اهلا كركر اهلا امه الله اهلا اوشى اهلا بكم جميعا وحشتونى جدا جدا
    صباح الخير يابنات
    ازيكم

    وحشتونى

    تعالوا بقى لما احكيلكم اللى حصل معايا اليومين اللى فاتو دول

    انا طبعا كنت قولت لكم انى حاسة بإلتهابات وبعد ما اخدت التحميلة مرة واحدة بس سالتكم
    لانى كنت خايفة انها ممكن تضر لو ربنا كان رايد بحمل الشهر ده
    وزى ماقولتلكم طبعا كل شهر بيكون الامل موجود
    وفعلا عملت بنصايحكم وما اخدتهاش تانى وبدات التشطيف بماء دافئ والتنشيف وكل الحاجات دى

    ومن يومين كده جوزى قالى انه حاسس بالتهابات وحرقان فقلقت
    قولتله لازم اروح للدكتورة عشان نطمن بدل ما لموضوع يكبر عن كده
    المهم فعلا اخدت تحاليليى اللى كنت عملتها قبل كده للالتهابات
    انا كنت عملت قبل كده مسحة من المهبل وعينة من عنق الرحم
    الله يسامحهم بقى عينة المهبل ضاعت منهم
    اما عنق الرحم فالحمد لله طلعت سليمة
    ولما اخدتهم للدكتورة المرة دى قالتلى اللى يهمنا عينة عنق الرحم والحمد لله سليمة
    واديتنى تحاميل وبودرة تشطيف ومضاد حيوى
    وقالتلى المضاد الحيوى ده اخد منه انا وجوزى هو عبارة عن اربع كبسولات بس
    ليا واربعة ليه ناخد اتنين بعد الغدا واتنين بعد العشا لمدة يوم واحد
    فا اانا قولتلها انا خايفة من التحاميل دى لحسن يحصل حمل الشهر ده
    قالتلى لا انا التحاميل دى بكتبها للحوامل عادى مابتضرش
    واخدت منها امبارح مع انى قلقانة من كلامها

    تعالو بقى للى حصل معايا انهاردة
    المفروض انهاردة الصبح انى عندى موعد لعمل تحليل خاص بهرمون الغدة الدرقية
    رحت عملت التحليل ونتيجته هتظهر بعد اسبوع وكان المفروض انى ما اقابلش الدكتورانهاردة
    بس انا دخلت له وقولت له انى حاسة بألم فى رقبتى زى مايكون فى حاجة خنقانى
    وكمان رقبتى بدأت تورم مش عارفة من ايه مع انى ده عمره ماحصل لى قبل كده
    وان ده بدا من اول مابداتاخد علاج الغدة
    فلقيت كده على وشه قلق وراح شاف رقبتى وقالى فعلا انتى مين كتبلك على علاج للغدة اصلا
    قولتله حضرتك ؟!!!!!!!!!!!!!!!!!! قالى نتيجة تحليلك كانت ايه قولتله
    قالى دى نسبة بسيطة جدا
    طيب عملتى التحليل تانى بعد النتيجة دى قولتله لا
    قالى ازاىالمفروض كنتى تعمليها مرتين تلاتة علىالاقل قبل ماتبداى فى العلاج
    قولتله حضرتك يادكتور اللى كتبتلى على العلاج بعد ماشوفت النتيجة على طول
    قالى مش يمكن تكون النتيجة غلطة معمل؟؟؟؟
    تتصوروا بقى انا رد فعلى كان ايه
    مابقتش عارفة ارد عليه اقول له ايه
    وتنحت وفضلت باصة له مش عارفة اقول له ايه
    وبعدين فوقت وقولتله يعنى ايه قالى روحى بسرعة اعملى تحليل غدة
    يمكن ماتكونيش مريضة غدة اصلا قولتله انا لسة عاملاه والنتيجة بعد اسبوع
    قالى خلاص اوكيه
    قولتله هو ايه اللى اوكيه يعنى اكمل على العلاج ولا ابطله قالى لا عادى كملى
    ولو مش عاوزة تكملى براحتك بس عادى حتى لو كانت سليمة
    واخدتى العلاج بالغلط ممكن نديلك علاج تانى ينزلها لمستواها الطبيعى
    بصراحة انا مصدومة ومش عارفة اتصرف
    طبعا مضطرة استنى النتيجة بعد اسبوع بس مش عارفة اعمل ايه
    فى الاسبوع ده اخد العلاج ولا ابطله

تابعي تجارب أخرى من هذا القسم.