شاركي في النقاش

سجلي الدخول لإضافة تعليق.

التعليقات

119

  3. مصباح الحب
    الله يعينها اخاف يكون زوجها يبي يختبرها تقول لها وترتاح اقصد زوجها
    كلام صحيح 100% ممكن يكون زوجها صاحب الفعلة إنتي ذكرتي إنه شكاك ويبغى يتأكد إذا كانت بتخبره أو بتخش عليه الأمر..

    أنا لمن كنت مخطوبة من واحد قبل لا أتزوج كان خطيبيx مسافر وعطى رقمي لصديقه وخلاه يطرشلي مسجات ويدق علية عباله راح أخونه والله أذكر عطيت الموبايل لصديقتي ولمن كلمته قالت له إنها مب صاحبة الرقم قالت له إنها صديقتي وهي ماتباه يسوي مشاكل وحزتها صديق خطيبي لمن لقى إني ماتجرأت أكلم أي رجال سواء في وجود خطيبيx أو سفرته ولقى إني عطيت رفيجتي ترمسه انصدم وقال لصديقتي بصراحة أنا أشوف صديقي مايستاهل صديقتج على وفاها لأنه كيف أمن صديقه على خطيبته وعطاه رقمها ؟

    والله لمن سمعت كلامه انصدمت وسحبت الجوال عن صديقتي وسألته أنا صاحبة الجوال الحين تكلم خطيبي هو اللي مطرشنك تتصلبي ؟
    فقال لي : بصراحة مدري وش أقول بس هيه هو اللي عطاني علشان يتأكد إنج ماتخونينه ولمن سمعت هالكلمة إكتفيت وقطعت الخط في ويهه ..
    وعلى فكرة ترا رفيج خطيبيx ماكان يدري إني كنت أسجل صوته ..

    ولمن ثاني يوم خطيبي قعد يتصلبي أكثر من مرة وماكنت أرد عليه لحد مارجع من السفر وجانا البيت وقال للوالد إني ماأرد على مكالماته والله إني حزتها كنت معصبة وطلعة عليه جدام هلي وعطيته كلام في الصميم وقلت له اللي ماعنده ثقة في وحدة بتكون زوجة المستقبل مابتكون عنده ثقة فيها عقب الزواج وأنا أطلب الانفصال ..

    وسألني خطيبي إنتي ليش زعلانه و ثاني شيء وش تقصدين إني ماعندي ثقة مافهمت ؟

    ووقتها جبت الجوال وسمعته الحوار اللي صار بين صديقه وبين صديقتي وسمعته إني كلمت صديقه وأنا أسأله عن الحقيقة لمن إعترف لي إنه من طرف خطيبي وقلت له إنه مايشرفني والله حزتها إنقطعت العلاقة وأذكر كان يبكي كثير بس للأسف اكتشفت إنه كان متحدي أصدقاءه إني ماراح أخونه في سفرته وهو تراهن معاهم وعطى رقمي لصديقه علشان يجربني بس بصراحة أنا ماكنت متوقعة إنه يتجرأ ويخلي صديقه يرمسني اللي تهون عليه العلاقة من البداية ماينفع يكون زوج ..

    والحمدلله بعد ماانفصلت عن الأول بثلاث أشهر ربي رزقني بزوج صالح وزميل يدوام وياي بنفس المكان بس أنا ماكنت متوقعة إنه راح يكون من نصيبي والحمدلله على كل شيء..

    والله ياأختي كلمي صديقتج تخبر ريلها وتقول له أنها تبغى تغير رقمها وإذا سألها خبريها تقول له إنه في واحد يتصل على رقمها ويطرش مسجات ويزعجها يمكن هو مغلط بالرقم بس هو مستمر في الإزعاج ومن هني إذا كان هو مطرش الريال راح يتطمن ان زوجته ماخبت عليه وإذا كان مايعرف الشخص بعد ماراح يشك فيها بإذن الله ..

تابعي تجارب أخرى من هذا القسم.