10 كيلو في اسبوع واحد فقط !!!!

هلا زهرة فيكي معنا / نورتي المنتدى / بالنسبة لتساؤلك والله ما أدري / أشوف البنات يشربو بيوم التفاح الأخضر عصيرات وشاي مع إني قريت في الموضوع إنو ناكل تفاح أخضر ونشرب موية فقط / بس ما أدري يمكن عادي

بس أنا هالمرة مصرة أطبق الريجيم بحذافيره / وأتحمل بعدي عن النسكافيه <<<< وحشني مرة / بس والله مليت من السمنة وضعف الإرادة وياما علمت ريجيمات ودمرتها قبل نهاية المدة وأخدت أدوية تخسيس ولا التزمت بالإستمرار عليها لحد ما تعطي نتيجة ملحوظة زي ما قالتلي اخصائية التغذية / كل شي بالدنيا محتاج صبر / لازم لازم لازم ويجب ولابد أن أخس

اصبروا بنات / الحياة جدا جميلة مع الرشاقة / تخيلو شكل قوامكم الرشيق بالفساتين والبناطيل الكاجوال الناعمة / شي روعة

يا بنات

ترى خطر على الصحة نزول 1 كيلو في اليوم فما بالك 10 كيلو بالأسبوع

يعني معدل النزول في اليوم أكثر من كيلو

سمعتوني

ترى أقول ((( خطر )))

ياداليا عادي القهوه والشاهي مافيهم شي تقدري تاخذيهم انا لما كنت اسوي اي رجيم كنت اشرب القهوه والشاهي عادي مالهم دعوه

ما أتوقع إنه أخطر من السمنة حتى ربو صار فيني والدكتور قالي أحسن شي تنزلي وزنك والحين معي آلام في المفاصل والقدمين <<<< الله يعينها من شيل الوزن الثقيل والله خايفة يكون معي روماتيزم لا سمح الله بس الحمدلله آلامي خفيفة / والله حرام بجد حرام علينا اللي عملناه بأنفسنا بعز شبابنا ونعاني من السمنة وآلام المفاصل ولا آلام القدمين ونحس بهذه المعاناة / نبغى نعيش حياتنا زي غيرنا من الرشيقات

وعلى كل حال مشكورة حبيبتي على النصيحة / ومو أكيد إنه خطر وعلى العموم أنا أعمله أسبوع بس واليوم ثاني يوم هانت باقي خمس أيام وبعده بدخل الريجيم الكيميائي أو ريجيم دشتي مع إنه هو يقول إنه مو ريجيم لكن أسلوب حياة لخسارة الوزن ...

لازم لازم لازم ولابد أن أخس وأتخلص من هالشحوم والدهون اللي هلكتني ... يارب أنقص 10 كيلو بآخر الأسبوع / اللهم آمين

بجد مشكورة حبيبتي مشكلتي مدمنة على النسكافيه ... بس أنا عشان السكر الدايت اللي لازم أحطه بالنسكافيه وأنا ما أبغى أي سكريات تأثر على ريجيمي حتى لو كانت بكالوري أقل ... بحاول أصبر على قد ما أقدر ، ولو قفلت معي وتعبت أكثر من الصداع برجع للنسكافيه والشاي بسكر دايت أقل وكميات أقل ويارب نخسر كيلوات أكثر