شاركي في النقاش

سجلي الدخول لإضافة تعليق.

التعليقات

87
  1. صاحبة الموضوع
    هلا فيكم اليوم جايبتلكم بعض الوصفات وكل ماتذكرت شي رح احطه
    بس ابي منكم تحطون وصفات عشان نستفيد ونفيد

    اختي
    kkll
    والله مدري بنتي لسى عمرها شهور ماعندي خبره لكن بشكل عام اضغطي عليها لازم تاكل
    وشوفي انا لاحظت ان الاطفال بعد السنه يحبو الملوخيه حطيها فوق الرز وقلبيها
    بالملعقه وعطيها رح تاكلها يعني استغلي الملوخيه وحطي فيها اي شي مغذي بتحسبه ملوخيه وتاكله
    مثلا اخلطي خضار مسلوقه لحالها بعدين صبيها فوق الملوخيه واعطيها رح تاكلها ان شاءالله
    كمان الزبادي مع الرز
    اعطيها فخذ دجاجه حطيه بيدها شوفي يمكن تاكله
    اوغمسيه في اي شي لبن ملوخيه اي شي وعطيها
    اذا سويتي ايدام اوصينية خضار نقي لها الخضار الي تحبها واعطيها
    بطاطس مقليه الاطفال يحبوها
    اذا تبينها تاكل خذي وجبتها واجلسي جنبها بحيث تشوفك
    ولاتعطينها ولاتبيني لها انو لها اجلسي مثلي انك تاكلي من صحنها طنشيها
    وتلذذي يعني قولي مممممم الله حلووو دخلي الملعقه بفمك
    الين تجذبينه رح تجي ركض عندك

    ان شاءالله اكون افدتك
    خواتي بالنسبه للطفل قبل السته شهور ماتعطينه اي شي غير الحليب والمويه والتمر واليانسون
  2. صاحبة الموضوع
    اذا سلقتي دجاجه بمويه بس بدون بهارات خذي من المرقه شويه وقطعي فيه شوية خبز
    او حطي بدال الخبز شابورة الاطفال موجوده بكل مكان وحطي نقطة ليمون عشان يتقبلها

    كمان في اكله تعجب الاطفال نص خياره وقطعه دجاج صغيره مطبوخه (من غداكم مثلا)
    حلوه وتمشي البطن يعني تسهل الهضم وتساعد الطفل على سهولة الاخراج

    الفواكه كيف ياكلها؟

    اللينه زي العنب الكيوي البطيخ قطعيها صغااااااااااار مره
    ولقميه حبه حبه لاتحشرينها بفمه
    والقاسيه زي التفاح والكمثرى اسلقيها نص سلقها بس وقطعيها بنفس الطريقه
    والافضل تعطين الطفل وجبة الفاكهه على الريق على طول تنظف بطنه وتفتح شهيته للوجبه الرئيسيه

    انصحكم ماتملو من المحاوله حتى لو تعبتبي انتي قاعده تبني جسم طفلك للمستقبل
    لانو لو ماتعود ع الاكل الحين مارح يشتهيه لما يكبر ولارح ينمو نمو سليم
    رح يبان اصغر من عمره بكثير وماحتكون عنده مناعه
    والله بنتي جننتني ماتاكل الابعد ماتبكيني من القهر
    بس شسوي الله يعين عليهم
    وهذا انا كل يوم اخترعلها طريقه عشان تاكل






تابعي تجارب أخرى من هذا القسم.