شاركي في النقاش

سجلي الدخول لإضافة تعليق.

التعليقات

1,847
  1. صاحبة الموضوع
    رشا طيب مافكرتي تعملي تقشير للبشرة عشان رقبتك ..؟
    اعتقد يساعد فتوحيد اللون
    (
    )
    واختي دلوعة حيل طول فترة حملها كانت تستخدم خلطة دكتور عبد الباسط تبع التفتيح
    وماشاء الله الوحيده من اخواتي اللي مااسودت بعد الحمل والولادة وجسمها ماشاء الله لون واحد ومنور
    والخلطة هيا( فول + ترمس+ عدس بمقدار متساوي ) مطحونه تخلطها بموية اللي يخلهالها قوام كريمي وتضيف لها اي زيت عندها ( جونسون لللاطفال او اللوز او خلطة زيوت خروع ولوز وجنين القمح) يعني مقدار ملعقتين كدا من الزيوت وبعد مااتكون زي الكريم المقشر
    المهم توزعها على جسمها وتنتظر لين تنشف وللعلم ماتجلس خمس دقايق الا وهيا نشفت بعدين تبدأ فرك بحركة دائرية وتنزل كل الكتل من على جسمها ومرة بعد مرة مااشاء تزيل كل السواد بس يبلها استمرار
    والله يساعدك ويبارك لك فبنااتك
  2. صاحبة الموضوع
    يعني خلطة الكركم والفازلين اللي فالرابط ممتازة مع النشاء لان الفازلين موجود فيها..؟
    وتنصحي فخلطة شسالفه لاني تعرفي ورانا زواج نبي نلق من النضارة >> مو شرط البياض
    اهم حاجة الصفاء والنعومة واللون يكون مشرق خخخخ
    (
    )
    والموية انا محافظة عليها والحمد لله وخاصه اول مااصحى من النوم
    بجد حتى جسمي احسه ينظف من الداخل
    وانا مااخد كوب لا يمكن تلاته اكواب خخخخ مع ان المفروض اخدج اربعة عالطريقة اليابانية
    بس تلاته خير وبركة والحمد لله محافظة عليها بدرجة معقولة وممكن فاليوم اكون شاربه اكتر من تمانية كاسات
  3. رشاااا :06:

    الخطوط البيضا انتي شوارع ، انا مخططات في جسمي :06:

    مع اني توني بنت لاحمل ولا ولاده ، بس السمنه بعيد عنكم :(


    فيني في يدي بعد

    وهالايام افكر بالليزو او جراحه او عمليه او اي بلااااا

    اهم شي تروووووووح

    ماعندكم فكره عن ازالتها بالجراحه او الليزر ؟؟؟؟
  4. صاحبة الموضوع
    والله ماادري صراحه
    طيب مااجربتي لسان البحر مع الخل يقولو يقضي عالخطوط البيضاء
    ابحاول اشوف افتكر في خلطه كريمات فيها كمان زبدة الكاكاو وجلسرين وجنين قمح ومعاهم خل تفاح ولسان البحر كل ليلة قبل ماتنامي تفركي بها المناطق اللي فيها الخطوط والصباح تغسليها ويقولو تختفي
    انا ناسية بصراحه فين قرأتها بس ابدور عليها عشان اخاف اكون نقصت حاجة
    تمنيت لو اني نسختها كعادتي وحطيتها فمجلد وورد عشان يسهل عليا المراجعة
    لكن شكل بس اكتفيت بقرأتها ومريت عليها مرور الكرام
  5. ايييه والله ياامووله دوريها

    تسوين خير فيني

    انا حالياً احوووس وادور ، قالوا عن كريم مدحه الدكتور عبد الباسط بس ماشريته

    اسمه كريم البانثينول ، ما ادري اذا الازرق او الاخضر

    ان شاء الله بأجيبه ، وبيكون آخر محاوله

    بعدها مابيكون عندي الا خيار الليزر ، هذا اذا كان فيه علاج بالليزر :(

تابعي تجارب أخرى من هذا القسم.