شاركي في النقاش

سجلي الدخول لإضافة تعليق.

التعليقات

1,459

  1. @moooon_2

    ام عبدالرحمن
    الف الحمد لله على سلامة وليدك والله يحفظه لك ويصلحه..

    المحتارة بالإسم
    الله يعظم أجرك ويعينك عليهم.. أنا وحدة ومهبلة فيني الله يصلحها..

    دنيا غريبة
    بنتي تقريبا ولدتها بنفس عمر بنيتك الله يحفظها يعني بالاسبوع 27 وأنت 26..
    الحين بنتي كملت 3شهور واسبوع وش أعطيها غير الحليب؟
    وهل الينسون مفيد للإمساك؟ ومتى بنتك بدت تعرفك أقصد إذا مريت من عندها تبدأ تصيح؟
    وعندي سؤال عن لون البشرة: أنا بنتي أول ماطلعت من الحضانة سمرا بقووووة وأنا بصراحة خفت لأن ابوها ابيض وأنا حنطي فاتح والحين تفتح لونها شوي الحمد لله بس اطراف اصابعها حول الاظافر جايه على سواد هل هو طبيعي؟؟ لأني سألت الدكتور وقال أغلب الخدج يصير لونهم فاتح مش زي لون بنتك!!:16:

  2. @alordh_albydaaa_4

    أحلى ملف اتعمل يساعد كل أمهات الخدج الي حاسين انه اطفالهم غير باقي الأطفال في كل التعاملات و كل تطور نموهم المختلف عن الطبيعيين

    بنتي اسمها غاليه و عمرها الآن سنه و شهر و هي احلى حاجه في حياتي و هي ان شاء الله اول الخير ولدتها في الأسبوع 32 و كان سبب الولاده غير مطروح ضمن الأسباب الطبيه المذكوره في اول الملف وهوانه كان حملي طبيعي لنهاية الشهر السابع و أول ما دخلتالشهر الثامن و عند المراجعه للدكتوره اكتشفت انه الماء الي بتتغذى منها بنتي بدأت تقل بنسبه كبيره( 90 % ) عن الطبيعي وقالتلي لازم بكره تولدي و بدون تأخير أو لاسمح الله ما نلحقهاو بعد ما ولدت سألت عن السبب (لأنه لم يكن واضح في فترة الحمل ) فقالي الدكتور بأنه حالتي حاله نادره وهو وجود لييف في الرحم نمت مع الحمل و اتغذت من غذاء الطفل و كبرت معاه و بعد ما كملت الأربعين رحت للدكتور عشان اراجعه و انه ممكن اعمل عمليه لشيله قالي انه اليف اختفى و هذا النوع يطلع مع الحمل فقط و انه امكن تكون حملاتي كلها بنفس الطريقه يعني كل اطفالي حيكونوا خدج و لازم المتابعه الدائمه و الدقيقه و الله يعينا عليهم و يكبرهم بصحه و عافيه يا رب

    و احب اطمن كل المهات بعد سؤالي الملح و الدائم عن الخدج فدائماً الردود تكون مريحه و اولهم دكتور بنتي لما سار عمرها تقريباً 5 أو 6 شهور قالي بأنها ما شاء الله عليها ذكيه و الكل يقول انه الخدج بيكون في شئ يميزهم عن الأطفال العاديين بأنهم أكثر ذكاءاً و اطول من العاديين و يكون عندهم مواهب و مهارات مهي موجوده عن التانيين ( سامحوني طبعاً مو تقصير في الأطفال الطبيعيين ) و سامحوني ايضاً على الإطاله بس حبيت اضيف هذه المعلومه الي ممكن تكون غافله عن الجميع و ممكن الوحده فينا تحطاط من الي سار معايا

    و اذا في أحد حاب انه يستفسر عن أي حاجه ممكن يراسلني على الخاص امكن سبحان الله افيده ( يوضع سره في اضعف خلقه )

  3. @almhtarh_balasm

    يعطيك الف عافيه يادنيا غريبه دائماً مشاءالله عليك تطرحين المفيد
    بس المستشفى ماأحس انه يبرد كبدي كل شي عادي طبيعي مافيه مشكل مافيه خوف << لان الدكتورالمتابع له هندي
    يعني انا ودي اعرف الوزن اللى يعتبر مثالي للخدج اللى بالعمرعيالي يعني 3 شهورو4 ايام
    لاني والله ماأقارنهم باللى جايين بالشهر 9
    لاني اصلاً الحين ماأشوف أحد ماأطلع من البيت من جو عيالي الله يصلحهم
    ............
    Moooon*
    الله يعين والله حايسه حوس فيهم
    شكل بنتك كبر عيالي
    الله يكون بالعووووون

  4. @almhtarh_balasm

    بس أبسأل أو ل كشف بعدالحضانه كيف يعني بس يحط السماعه على صدرالطفل بس لان يوم يكشف على حمودي بس حط السماعه قال سليم مافيه شي :06: انا ماأعجبن ودي يكشف عليه كشف كامل << تشرط:hahaha:

    وبالنسبه للى يستفرغ كيف أسوي معه
    ولدي يستفرغ مثل النافوره والله يضيق صدري
    يعني يطلع كل اللى شرب
    وش أسوي معاااااااااااه
    أوديه للمستشفى
    أو
    أعطيه رضعه ثاني على طول
    وإلاأقدم وقت الرضعه الثانيه
    علموووووووني الله يرضى عليكم
    .آآآآآآآآسفه على الاطاله

  5. @moooon_2

    المحتارة بالاسم

    أنا كانت بنتي من اسبوع ترجع مثل النافورة وتبهذل ملابسي وملابسها وشكيت انه برد من المكيف ودهنت بطنها ورجولها بزيت زيتون دافي ولفيتها والحمد لله صارت أحسن بكثير.. إذا مافاد معك لازم تروحين للدكتور لان هذا مو طبيعي وبينقص أوزانهم اسم الله عليهم..

تابعي تجارب أخرى من هذا القسم.