بسم الله الرحمن الرحيم
السلام عليكم ورحمة الله وبركاته ...
بعد ما هدأت الاعصاب ابي اقول لكل من في هذا التجمع ..والله العظيم يابنات اني ما جتني الشكوك من فراغ ..انا يوم شكيت لان فيه اسباب هي اللي خلتني اشك لان الأمور كان فيها شي محير لي واعتقد معظم البنات لو تمر عليهن نفس ما مر علي رايح يكون نفس الوضع من الشك ..وحتى يوم حطيت الموضوع بالحياه الاجتماعيه لقيت بنات صار معهن نفس اللي صار معي ..
ولا انا اتفهم لو لقيت رد وكلام هادىء .. بس اللأسف لما لقت اول كلام لي ثارت على طول وكانت عنيفه .. كان المفروض حاولت تضبط نفسها شوي ..وتحاول تبين موقفها ..وتترك بعض الكلام مثل قولتها ادعي عليك ..فهي باللي سوته زادت الطين بله وعقدت الموضوع وصعدت السالفه لين صار صعب حلها ..وكل مره احاول ابين موقفي بدون تعصب ..تقوم هي بردها تستفزني ..لين خرج الموضوع عن النقطه الاساسيه ..
وهذا اللي صعد السالفه وصعب حلها والله ثم والله لو كان ردها شوي هادي كان تفهمت ..وكان تدخل منون يساعد في حلها اوعلى الأقل انها تنتهي بدون خرابيط ..عصبيتها تضعف من موقفها ..وانا بعد ما فكرت قلت يمكن والله اعلم ان عصبيتها بسبب ضغوط الوضع اللي هي كانت تعيشه من ما صار لبنتها .. اما بنسبه لي انا والله العظيم ثم والله العظيم ما كتبت فيها اي كلمه إلا بعد ما كثرت الأشياء اللي فعلاً شككتني
وانا والله العظيم اني ماني شكاكه لدرجه اتهم ناس وانا ماعندي شىء يخليني الشك فيهم .. والله العظيم عدة نقاط خلتني اشك بس عاد ماله داعي اذكرها والسالفه انتهت ولانبي نعيد اللي جرى ..وهي ما خلت فرصه تناقش معي ..
انا بس بغيت ابين موقفي من القصه بس ياخساره هي ما خلت اي فرصه وانا ما الومها ..
والله يجزى منون على محاولتها الاصلاح بينا هي مثل ما قالت انا ماني مع احد ضد الثاني كانت حياديه الله يوفقها ..
اما بنسبه لهذا التجمع والله اني كرهته بعد اللي حصل بس انا معكم في التجمع الجديد بأذن الله ..
واقول ،،، كلمه اخيره والله والله ان معظم البنات هنا في المنتدى على حذر لان ممكن ان اي احد يدخل بدافع الفضول ثم تعجبه السالفه وانا شفت كثير من الردود في موضوعي ومواضيع اخرى ينبهن على هذا الشيء ..فالثقه موجوده لكن بحدود مهما كان وخصوصا اذا عدة اشياء دعت للشك ..شك طبيعي مهو شك مرضي ..واقول..المنتدى كبير وياسع الكل ..
انا مقتنعه انا شركاء في الخطاء ..(كل بني ادم خطا وخير الخطائون التوابون )
اللهم اغفر لي ولها واعفوا عني وعنها ..
هذا الكلام ابين فيه موقفي لكل البنات اللي يدخلون التجمع.. ولايحتاج رد
وسلامتكم ..
لثلاثينيات ماهو شعورك عندما تاخر زواجك
متابعة النقاش، صفحة 364