"" بعض حلوياتي المقليه ( لقيمات & بلح الشام & أصابع زينب) رووعه و بالخطوات المصوره ""

السلام عليكم و رحمة الله و بركاته

أقدم لكم اليوم بعض الحلويات المقليه اللذييييييذه
و هي علي التوالي اللقيمات و بلح الشام و أصابع زينب
و أتمني أن تنال اعجابكم

بسم الله نبدأ

أولا : اللقيمات ( أو العوامات أو لقمة القاضي أو الزلابيا )



المقادير

1 كوب دقيق منخول
1 ملعقه كبيره حليب بودره
ذرة ملح
1 ملعقه كبيره سكر بودره
1/2 ملعقه صغيره خميره
1 بطاطس مسلوقه و مهروسه ناعم
ماء دافئ للعجن

شيره
( 2 كوب سكر + 1 كوب ماء + عصير نصف ليمونه صغيره كلها علي النار و تقلب حتي تغلي ثم نضع القليل من الفانيليا و تترك لتغلي لمدة 10 دقائق ثم تترك لتبرد بالثلاجه)

الطريقه

نضع علي الخميره القليل من السكر و الماء الدافئ و تترك لتخمر لمدة 10 دقائق
نضع الدقيق و الملح و الحليب و السكر البودره و تقلب ثم نضع البطاطس و تفرك بالأصابع لتوزيعها في الدقيق كله
ثم نضع الخميره اللي خمرناها مسبقا و نعجن بالماء الدافئ لغاية ما تحصلي علي عجينه لينه غير متماسكه و غير سائله و كل ما تعجني فيها يكون أحسن
و ده شكل العجينه قبل التخمير



و تترك لتخمر لمدة 1/2 1 ساعه تقريبا أو حتي يتضاعف حجمها
و دي صورة العجينه بعد التخمير



نسخن الزيت و نخلي النار هادئه و نشكلها باليد نضغط علي العجين باليد اليسري و نأخذ العجينه بالملعقه الصغيره و نسقطها بالزيت ( و يجب تغميس الملعقه بالزيت حتي لا تلتصق بها العجين أثناء تشكيل اللقيمات)



و تفضلي تقلبي باستمرار حتي تحمر من جميع الجهات
و تنشل من الزيت و نضعها في القطر أو الشيره البارده
( و يجب أن تكون الشيره تقيله حتي تطلع اللقيمات مقرمشه)

و دي صورة اللقيمات و هنا رشتها بالسمسم(ممكن ترش بجوز الهند أو الفستق المجروش) حسب الرغبه



و دي صوره فتحت واحده علشان تشوفوها من الداخل فاضيه مش عجين



و ده الشكل النهائي



و بالهنا و العافيه

ثانيا : بلح الشام



المقادير

1 كوب دقيق منخول
1 كوب ماء
1 ملعقه صغيره ممسوحه بيكنج بودر
ذرة ملح
2 بيضه
1 ملعقه كبيره زبده

الطريقه

نضع الماء في قدر علي النار و نضيف الملح و الزبده حتي الغليان



نضع البيكنج بودر علي الدقيق
أول ما يغلي الماء نضع الدقيق و نقلب جيدا حتي تتكون العجينه



يتبع أرجو عدم الرد حتي يكتمل الموضوع

249 تعليق 62,354 مشاهدة

شاركي في النقاش

سجلي الدخول لإضافة تعليق.

التعليقات

237
  1. @am_aabd_almnaam

    صاحبة الموضوع
    تترك لتبرد لمدة 1/4 ساعه ثم يرب البيض بالشوكه مع القليل من الفانيليا و يضاف للعجين



    و يخلط بالعجان الكهربي حتي يمتزج الخليط جيدا



    ثم يوضع القمع الخاص ببلح الشام في كيس حلواني ثم نضع العجين داخل الكيس



    و يشكل بلح الشام في الزيت و يكون الزيت بارد(يعني تشغلي النار و تبدأي علي طول التشكيل مش تستني لما يسخن و تخلي النار متوسطه ) و يقلب باستمرار حتي يحمر من جميع الجهات
    و دي الصوره أول ما شكلت بلح الشام في الزيت



    و دي بعد ما بدأ الزيت يسخن
    شوفي ازاي نفش بلح الشام



    و بعد ما يحمر ينشل من الزيت و يوضع في الشيره البارده المذكوره سابقا
    و يرش بجوز الهند ( حسب الرغبه)



    و دي كمان



    و عن قرب



    و بالهنا و العافيه

    ثالثا : أصابع زينب



    المقادير

    1 كوب دقيق منخول
    1/2 كوب دقيق سميط ناعم
    1 ملعقة كبيره سمن
    1/2 ملعقه صغيره خميره
    1/3 كوب ماء دافئ



    يتبع
  2. @am_aabd_almnaam

    صاحبة الموضوع

    الطريقه

    نضع الخميره + شوية سكر و ماء دافئ و تترك لتخمر لمدة 10 دقائق
    نخلط الدقيق + السميط + السمن جيدا
    ثم نضع الخميره و تعجن بالماء الدافئ جيدا حتي نحصل علي عجينه متماسكه



    و تترك لتخمر لمدة 1/2 1 ساعه
    و دي صورة العجينه بعد التخمير



    تشكل كرات صغيره و تفرد كل كره علي مصفاه مع الضغط عليها لتأخذ شكل المصفاه



    و تبرم لتأخذ شكل الأصابع مع الضغط القليل في نهاية اللفه حتي لا تفتح معاكي أثناء القلي
    و دي شكلها قبل القلي



    و تقلي في الزيت الساخن و تكون النار متوسطه و تقلب حتي تحمر من جميع الجهات
    ثم تنشل من الزيت و توضع في الشيره البارده و تصفي منها و تقدم









    و بالهنا و العافيه



تابعي تجارب أخرى من هذا القسم.