شاركي في النقاش

سجلي الدخول لإضافة تعليق.

التعليقات

164

  1. @amyroh

    صاحبة الموضوع
    ~.الأميرة.~
    مرحبا اختي عندها ولد مسوي له عملية قوقعه له 4شهور والى الان مايميز اي صوت حوله ولا حتى يلتفت لصوت وهي محبطه جدا وخايفه:44: ياليت تطمنينا كم يبيله وقت علشان يعرف فيه صوت حوله او لا
    هلا أختي ..
    بشري أختج قولي لها ولدها من بعد زراعة القوقعة صار طبيعي جدا
    والمرحلة اللي يمر فيها ألحين بنتي مرت بها ....
    المهم أننها تخلي السماعه عليه على طوووول ما تشيلها أبدا ..
    الا وقت النوم ..

    قدر الامكان تخلي السماعه عليه وما تشيلها أبدا .. علشان يسمع الأصوات أكثر
    وتكون استجابةالعصب السمعي افضل ..

    هاي أهم نصيحة اقدمها لكم في هاي المرحلة ..
    وهالله هالله بجهودكم مع الطفل في مرحلة التأهيل .. مهم جدا لتطور اللغة والنطق عنده ..
    تابعيني بهذا الموضوع يمكن تستفيدين أكثر ..

  2. @amyroh

    صاحبة الموضوع
    bmr
    بعد ذلك اتنومت في المستشفى أسبوع طلبو مني كرت التطعيمات ومروا عليها عدة دكاترة منهم دكتور الأنف والأذن والحنجرة ودكتور الأعصاب ودكتورة التغذية ودكتور النفسية وسوى لها اختبارات ذكاء وقلي شوفي ممكن تتغير نفية بنتك بعد العملية لأها كانت تعيش …
    أختي .. ننتظر التكملة بشوق يالغالية لا تتأخرين علينا ..

    والصراحة الله يعينج ..
    عقدوج وايد بخصوص العملية
    والعملية جدا عادية حالها حال أي عملية ثانية ..
    ماله اي داعي هالخوف والقلق كله ..

    واذا لها أي مخاطر
    فهي حالها حال أي عملية ثانية ..

    وبالتوفيق لج يالغلا ...

  3. @amyroh

    صاحبة الموضوع
    أختي نجمة الليل .. كما وعدتك أكمل لك الأساليب التي تساعد أبنك
    من أجل تأهيل أفضل ..
    بما ان ابنك في شهوره الأولى من بعد اجراء العملية ..

    حاولي في البداية تستعينين بصور الحيوانات.. وكل صورة ولها صوتها ..
    مثال :
    صورة البطة و تقولين له .. بطة واك .. واك .. واك
    صورة القطة : قطو .. ميااو .. ميااو .. مياو..
    صورة البقرة : بقرة .. موووو .. موووو
    صورة الكلب : كلب ..هاو.. هاو .. هاو
    صورة ثعبان : ثعبان سسسس .. سسسسس
    حاولي تاخذين لعبة بيبي صغيرة .. ومثل اللي تنومينها في السرير وتقولين له : أشششش .. أششششش
    أستعيني بصور الحيوانات وبمجسمات الحيوانات .. وحاولي توفرين له لعبة فيها اصوات الحيوانات
    ولا تنسين بعد المواصلا السيارة والقطار والطائرة اللي ذكرتهم في البداية مع الصور ..

    هذا التمرين تحتاجين تستخدمينه معاه عدة شهور ..
    أذكر بنتي طولت لين ما حفظ كل أدة وصوتها ..

    ونصيحة مني لج ..

    هني ما بقول لج قعدي معها ربع ساعه يوميا ..
    ولا بقول قعدي معاه نص ساعه ولا ربع ساعه ..

    بقول لج طووول ما هو معاج لا تسكتين عنه .. تكلمي معاه على طوووول
    لا تقولين ما يدري وما يعرف
    لاااااااا ..
    هذا الكلام مرفوووض ..
    أمسكيه من ايده وين ما تروحين خليه معاج .. أفتح الباب وقولي له باب
    تفتحين الثلاجة قول لي له ثلاجة ..
    لاحظي أن كلمة واحدة فقط
    مو كلمتين ..

    الهدف هو تعريفة باسماء العناصر اللي تحيط به..
    تفتحين له العصير قول لي له عصير ..
    كثر ما يسنع كلمة باب
    ثلاجة
    عصير
    ماي

    شوي شوي بتشوفينه يبدأ ينطق
    يمكن ينطق بكلمات غير مفهومه
    ولكن أعرف أن هاللي ينطقه له معنى عنده ..
    وشوي شوي الكلمات بتوضح عنده ..

    خلي الهدف عندج هو تنمية وزيادة عدد الكلمات اللي ينطقها الولد
    اذا زاد عدد الكلمات تقريبا الى 75 كلمة أو أقل ..
    بتشوفين أن يعطيج كلمتين مع بعض ..
    يعني جملة من كلمتين

    مثل افتح باب
    اقتح عصير
    افتح حلاوة ..

    أركب سيارة
    اشرب ماي
    ..........الخ ..

    هني بتزيد محصلة الطفل من ناحية تكوين الجملة اللي من كلمتين ..
    بيتطور بعدين الى تكوين جمل أطول ..

    وبعدين بتشوفينه يحاور ..
    وبصير ان شاء الله طبيعي جدا ..

    لا زال عندي الكثير من الاساليب ..
    أنتظروني..

  4. @ngmallyl_2

    مشكووووووووووره اختي اميييروووه ما قصرتي بالنسبه لولدي يموووووت على التلفزيون يعني لو بغيت ادربه حده ربع ساعه ويمل يعني شلون احببه في التدريبات ومتى نطقت بنتش اول كلمه لها بعد العمليه بكم................

تابعي تجارب أخرى من هذا القسم.