شاركي في النقاش

سجلي الدخول لإضافة تعليق.

التعليقات

39
  1. @donat_3

    بالعكس كانت مريحتني لماكنت في امريكا
    وكنت ناويه احطها في بيتي في السعودية بس مالله كتب لان المجلى حقي رخام قال زوجي يمكن من كثر الاهتزاز يتاثر الرخام ويهرب موية
    بس غريبة تطلع ريحه منها ,,,,اسالي الاوفس افضل عن طريقة الاستخدام والتنظيف
    ذكرتيني هذاك اليوم اغسل الصحون ودخل فيها فنجال قهوة وانا مادري
    واشغلها اشوي الا وهي مهنقه وماتدور
    ويالله بدت المعاناه كل شوي احوس بيدي داخلها اطلع اشلاء وبقايا الفنجال ,,,,وكل ساعه ارز بخشتي في المجلى واشوف وش صار ليه مايدور
    واكلم جارتي واشاورها واشكي وابكي عندها ,,,ياوووووووووووووووويلي من الاوفس ان وصلهم الخبر
    قالت لي مالك الا ان تشمري عن ساعديك وتشتغلي سباكه ,,,ماعليه هذا امريكا ومايجي من وراها
    والحمد لله كبيت داخلها سائل صحون وموية حاره وادورها من وقت للثاني واكرر نفس العملية
    الى ان دارت بالسلامه
    وياكثر نوى التمر اللي يروح بحلقها واتشطر وادورها وهي تصرخ ياااااااااااااادوناته النوى ناشب بحلقي ارحمي حالي

    كني كثرت حكي وصدعت راسكم :(
  2. دوناتة
    بالعكس كانت مريحتني لماكنت في امريكا وكنت ناويه احطها في بيتي في السعودية بس مالله كتب لان المجلى حقي رخام قال زوجي يمكن من كثر الاهتزاز يتاثر الرخام ويهرب موية بس غريبة تطلع ريحه منها ,,,,اسالي الاوفس افضل عن طريقة الاستخدام والتنظيف ذكرت…
    لا مااتوقع يستفيدون منها في شي ثاني .. بس انهم يفصلون المجرى حق الآكل عن المجاري الثانية ..
  3. @mhbh_llrhmn

    صاحبة الموضوع
    هههههههههههههههه

    ياحبي لكم ما تعرفونها بس ما قصروا البنات


    على العموم شكلي ما اعرف استخدمها انا بالاساس ما اشغلها الا شوي وعلى طول اطفيها

    تقل خايفه

    بجرب طريقتكم وارد لكم

    والحمد لله بعد عمليه البارح راحت الريحه


  4. @mam_iam

    يحليلكم وراكم سميتوها كسارة <<ما يناسب الاسم.. احلى خلاط خخخخخخ
    هذي يابنات ترى فايدتها مررررررة ممتازة
    زي ماشرحت لكم توته
    واللي تطلع معها ريحا معناه ان الريحة مو منها لأ..من المجرى اللي هي تصرف الطعام فيه ما يتصرف والسبب قلة استخدام الماء معها
    يعني ضروري جدا انك تفتحي الموية اثناء استخدامها..
    وعلى فكرة يابنات هذي الالة ضروري تشغليها كل يوم حتى لو كان صوتها يفزع..
    لأن قلة استخدامها تسبب انسداد بمجرى غسالة الصحون ..لأن الغسالة تستخدم نفس التصريف او الفتحة لتصريف موية الشطف..
    وطبعا هالكلام شرحه لنا صاحب البيت اول ما سكنا..وانا كنت ساكنه قبل ببيت مافيه دش ووشر ولا كانت موجودة وسألنا وقالوا انها هي مهمة للدش ووشر لأنها تخلي الدش ووشر تشطف وتنظف وتجفف بشكل افضل ..بشرط استخدامها بشكل يويمي..لأن التصريف ينسد لو ماشغلتوها..وهذا اللي يسبب الرائحة الكريهة ..
    وبالنسبة للروائح افرمي قشور البرتقال والليمون بها بعد استخدامها وصبي عليها مطهرات ومعقمات مع الموية طبعا وممكن تستخدمين السائل اللي يفتح الانسداد عشان تمشي الاكل المتراكم داخلها..

تابعي تجارب أخرى من هذا القسم.