ايتها الطباخات الحلوات
السلام عليكم
سوف اسدح لكم هنا طريقة عمل شيش طاووق لذيذه وسهله جدا
(..تذكرت فلونة..)
معليش بدون صور الين اتعلم سامحوني
المقادير
2/صحن دجاج صدور مخلي من الجلد والعظم ((فيهاحوالي 8 قطع))
1/ حبة طماطم كبيره
1/ علبة زبادي
4-6/فصوص ثوم
1/ قرن فلفل حار (ممكن الاستغناء عنه)
2/ ملعقة صويا صوص
2/ ملعقة دبس رمان
4/ ملاعق خل
شوية كزبرةخضراء
3-5/ملاعق زيت زيتون
3/ ملاعق زيت ذره
ملح
فلفل اسود
اعواد شوي
بصل وفلفل بارد مقطعه كبير
الطريقة:
- غسلي قطع الدجاج وقطعيه مكعبات
- حطي (الطماطم +الثوم +الفلفل الحار+الكزبرة )في الخلاط
الين يصيرون ناعمييييين
- اضيفي لهم الباقي(الزبادي+الصويا+الدبس+الخل+الملح+الفلفل الاسود+زيت الزيتون+زيت الذرة)
- تبلي الدجاج بالخلطة واتركيها 3-4ساعات او ليله كامله
- شكي الدجاج في الاعواد بالتبادل(..حلوه بالتبادل..) مع قطع البصل والفلفل البارد
- رصيهم في صينية وصبي عليهم التتبيله وغطيهم بالقصدير
-دخليهم الفرن واتركيهم الين يحمرون من تحت
-شيلي القصدير واقلبي القطع عشان تتحمر الجهة الثانية
**وكلوه بالهنا والعافيه وخلوا اصابعكم لا تاكلونها**
وسلامتكم
الله الله بالردود الزينة
:)
شاركي في النقاش
سجلي الدخول لإضافة تعليق.
التعليقات
23مواضيع مشابهة
تابعي تجارب أخرى من هذا القسم.