شكرا على ردودكم بنات ويا ريت تجربوا وتقولولى لو فية عيب ارد عليكم وفى كمان طريقة لعمل ايس كريم مانجو بما ان المانجو متوافر اليومين دول ورخيص وهى عبارة عن 2 او 3 حبات مانجو تضيفى عليهم شربات خفيف من غير ليمون يعنى ما ء يحلى بالسكر تحلية كانك حتعملى عصير مانجو عادى وتسبية يغلى ربع ساعة تلت ساعة المهم بيبقى خفيف وتضيفية لما يبرد على قطع المانجو فى الخلاط واضربى وممكن تعملى اية تضيفى الشربات بالتدريج من فوق فى فتحة الغطاء اللى فى الخلاط بيبقى سمكة زى العصير او اقل شوية احسن وبعدين ضيفى كيسين كريمة مخفوقين واضربى كمان كويس وخلاص حطية فى الفريزر انا عارفة انكم عايزين الطريقة بالظبط وبالصور
انا اسفة معنديش برنامج فو توشوب فى حاجات كتير عايزة انزلها صور مش عارفة وفى مواضيع كتير نفسى اكتب عنها الصور بتمنعنى وفى حاجة كما ن بالنسبة للمانجو اما تشترى مانجو وتلاقية فى الياف تدخل فى الاسنان وممكن طعمة مش حلو اعملية عصير ازاى اغسلية كويس وقطعية بالقشر واضربية فى الخلاط مع كمية مناسبة من الماء والسكر وبعدين صفية فى المصفى الطعم حيتغير كتير انا عن نفسى بعمل كدة فى مصر مع المانجو الزبدة بالرغم ان طعمها حلو وكبيرة لكن فى العصير بطريقتى خطيرة وفى انواع ما تتعملش عصير بالطريقة دى زى المانجو السكرى يعنى ممكن نقول اللى بتقدرى تقطعيها لقطع وتكون ناعمة وغالبا صفراء اللون بتقطعيها عادى بعد ازالة القشر وتضرب بالخلاط مع كمية مناسبة من السكر والماء
ومهم عند عمل ايس كريم الفاكهة ما تحطيش ماء خالص على الفاكهة فى الخلاط الشربات والكريمة فقط وطبعا لازم المانجو اللى نوعة تقدرى تقطعية مش الياف
ايس كريم خفيف هش وبدون بيض وطعم لذيذ
متابعة النقاش، صفحة 5