خلونا نفرفش شوي مع هدايا الولاده

قصصكم حلوة وتضحك...

انا لما جبت ولدي البكر قبل 3 سنوات، جتني هدايا كثيرة لأن اهلي ماشالله كانو دايما يجاملو الناس ف ولادات عيالهم،، احلى هدية اتذكرها من صديقتي جزاها الله خير، جابت كرتونة كبيرة مرتبة وداخلها احلى الأغراض من بيبي شوب ومحل بودي شوب،، حسيت الهدية حلوة ونفعتني خاصة عطورات ولوشنات بودي شوب.. وصديقة اختي جابت هدية ماكنت اتوقعها حتى اهلي واهل زوجي اعجبو فيها مرة،، تخيلو شنطة السفر الكبيرة بداخلها كل مستلزمات الطفل من بربتوزات ومراضع وشراشف وحفاظات بامبرز، وهدوم ولادية من عمر يوم الى عمر سنة طبعا اشكال والوان تقريبا فوق الـ 12 طقم، ومعاهم ادوات الاستحمام كاملة، وادوات الأكل ملاعق وشوك وصحون واكواب صغيرة حق الأطفال،، بجد كانت هدية حلوة ونفعتني...مدري كم يوم قعدت هالحرمة تجمع ف هالأغراض..! الله يجزاها كل خير...

ابيخ هدية جتني وعلى طول رميتها ف الزبالة،، من حرمة موظفة معاشها ماشالله محترم وزوجها حالته المادية ممتازة وهي تشتغل تاجرة ملابس وعطور وشنط تجيبهم من بانكوك وتبيعهم للحريم،، يعني حالتها ممتازة والدليل ان عيالها ف جامعات خاصة من الي مصاريفها السنوية مرتفعة، طبعا هي موظفة بمستشفى صارلها اكثر من 20 سنة، وانا لما جبت ابني ف المستشفى متعودين يوزعو علب صغيرة من شركة بامبرز فيه نصايح ارشادية للأمهات الجدد وفيه حبة مادري حبتنين حفاظ بامبرز،، طبعا الأخت لما جت كانت جايبة هالعلبة معاها من المستشفى الي تشتغل فيه، وجابت لهاية صغيرة وماهان عليها حتى تغلفها، ومعاهم قميص نوم احمر مشخلع مقاس صغير مع انها تعرف اني طويلة وجسمي مليان ومستحيل المقاس هذا يناسبني..! بجد هدية بايخة.. والي قاهرني ان بنتها ولدت قبل 4 شهور وامي راحت تاخذ لها هدية معتبرة من مذركير،، بس مااقول غير ان الهدية تعبر عن شخصية وذوق صاحبها...انا دايما احب اهدي فلوس ودايما المبلغ 500 ريال، احسه مبلغ لاكبير ولا صغير يعني مناسب وتقدر الأم تشتري الي تبغيه على راحتها..

الهديه مو بقيمتها وفيه حديث عن النبي مااتذكره بس بمعناه انه مانحتقر الهديه ولو كانت كراع شاه

عادي يابنات اللي يهدون هدايا من هدايا جتهم قبلمهم تكون

بس المهم تكون جديدية ما استعملت


انتي تخيلي يجيك طقم حلوووووووووو مرتين او ثلاث خسارة تفتحينهم كلهم خاصة اذا كنتي عارفة احد على وجه ولادة


شكرا ام فونه ع الموضوع الحلو

انا احلى هدية كانت من عند امي سلسة ذهب الله لا يحرمني منها

و ابيخ هدية من اخت زوجي فستان شاريته ولا عجبها عطتني ياه