شاركي في النقاش

سجلي الدخول لإضافة تعليق.

التعليقات

1,459

  1. @dloaa_gdh_1 عضوة نشيطة

    #30253341
    السلام عليكم اخواتي الغاليات

    بصراحه اشكر لك من قام على اقتراح الموضوع وتعب عليه ومن شارك فيه من امهات

    انا اول مره اشارك في الموضوع وبكون اختكم اللي راح تستفيد من خبراتكم

    حملت كان اول حمل وتؤام بنت و ولد وتعبت كثيرررررررر لين ولدت

    ولدت في اول اسبوع في الثامن الولد عاش والبنت اتوفت ونفسيتي مره تعبانه على البنت اقول الحمدالله

    ان عاش ولدي بس ماتدرون اني اخاف عليه مره لان اخاف افقده زي مافقدت البنت الله يجمعني فيها

    في الجنه الله ماراد يجمعني فيها في الدنيا لكن اطلب من الله ان يجمعني فيها في الاخره يارب في الجنه

    والله اكتبلكم وانا كلي دموع كل ماتذكرتها ولاني طلبت منهم اني اشوفها وصورتها مو راضيه تغيب عن بالي

    ولدي الله يخليه ليا عمره الحين سته شهور وكان في الحضانه لانه ولد كيلو 800 وبعدين نزل وزنه في

    الحضانه كانو اللي مايخافون الله يحممونه يوميا وكان الاجهزه عليه كثير القلب والتنفس وغير ما اعرفها

    والحين معاه حساسية بداية ربو لانه كان يتعرض للهواء الله لايسامحهم ويكح ويطلع من فمه ومن خشمه


    والحمد الله على كل حال

    والله ويخلي كل طفل لامه ويرجعلها بسلامه ويكبر قدام عينها لاني عشت معاناة كل ام منكم .

    وابي منكم خدمه الله يسعدكم ابي حل للبلغم اللي في صدر ولدي و اش افضل اكل ابدا اكله من الحين لان

    وزنه ضعيف

    شاكره لكم جميعا

  2. @am_aabdalrhmn333 عضوة نشيطة

    #30253828
    ابتسامة عشق
    السلام عليكم كيف حالكم وكيف حال خدجكم ****لله بخير اختي ام عبد الرحمن ****لله انتي والكتكوت بالف خير الله يحفظه ويحفظ جميع الخدج بس حبيت اسالك ماهي المشاكل الى واجهت ابنك لما كان في الحضانه وهل الاكسجين كان له تاثير على السمع اوالبصر لان …
    هلا بك ابتسامة عشق.....المشاكل اللي واجهت ولدي بالعناية اول شي جلس اسبوعين على الاكسجين كان ياخذ 40 بالمية بعدين صار ينقص الاكسجين وكانوا يرفعون له وماكان يستجيب للاكسجين الى ان وصل نسبة الاكسجين اللي ياخذه الى مية بالمية وماهو مستجيب وسبب له نزيف بالرئتين والدماغ وكانت حالته حرجة جداً جداً الا ان رحمة ربي سبحانه فوق كل شي بدا يستجيب شوي شوي للاكسجين ونزلوا عنده النسبة شوي شوي،، بعدها سبحان الله جاه تعب بالكلى ماادري وشو بالضبط بس رجعت تردت حالته من بعد ماطمنونا بعدين طلع عنده التهاب بالجلد وسووا له عملية برجله شالوا الجزء الملتهب،عشت ايام جعلها ماتمر على احد، طبعاً كل زيارة كانوا يقولون على حاله ماتغيرشي وخلي املك بربك كبير،هذا كل اللي صار بالتفصيل،وطبعاً الى الآن فيه تأثير للأكسجين مثل عيونه فيها حول شوي (بس حولته هي اللي محليته بعيني هههههه) وقبل فترة تنوم كان صدره تعبان ولمن سوينا له اشعه للرئتين يقول لنا ان فيها بواقي نزيف بس ان شاءالله تروح مع الوقت،راجعت فيه دكتور متخصص بشبكيات الاطفال يقول مااقدر افيدكم بشي الان الا بعد سنة ومع المراجعات يبين كل شي،،الان هو له كل اربع شهور موعد مع دكتور العيون...والله يشفيه واطفالكم وكل مسلم يارب.


    **اختنا اللي تسأل عن الاعشاب ترى الاطفال يختلفون من جسم لجسم ومن مناعه لمناعه انا ولدي الحين عمره خمس شهور وشي ومايتحمل اي شي حتى التمرة مايتحملها .....ياامهات اهم شي انهم بخير وسليمين من بعد التعب اللي مروا فيه والباقي مايهم يعني الصحه ان شاءالله يعوض شوي شوي لاتستعجلون عليهم.



    **ادعوا لولدي تكفون صدره تعبان واخاف يرجع يتنوم ويتبهذل مثل ذيك المره،،الله يستر بس والله يلطف بها الجو اللي تعبنا جد.

  3. @abtsam_aashk عضوة نشيطة

    #30256580
    الف شكر اختي ام عبد الرحمن على الرد والله يشافيه ابنك وتشوفيه معرس ****لله والله يحفظ اولادنا وجميع الاطفال الخدج وتقر عيون امهاتهم ****لله اختي قايين مشكوره على الرد والله يجمعك بابنك باسرع وقت ****لله

  4. @am_mazn_15 عضوة جديدة

    #30262779
    أم مـــازن
    مرحبا يامهات الخدج... انا انضميت الى ملفكم من جديد لاني ام لخديج عمره 15 يوم وولد بالاسبوع 30 ووزنه كيلو وثلاث ميه.. من قراتي الملفات الخدج الثلاث لاحظت انكم تعطونهم بعض الاعشاب وياليت تقولولي متى ابداء اعطيهم مثلا الحلبه واليانسون و…
    محد رد علي :06:

  5. @am_mazn_15 عضوة جديدة

    #30262871
    صمت~~
    صباح الخير... مشكورات حبيباتي على كلامكم... ام مازن حبيبتي انا بعد لي 15يوم والده وولدي بالعنايه وزنه كيلوا و200وماعندي احد ابد وهذا بكري اش رايك نتساعد بالبحث والاشياء المهمه....................على شان خدجنا الله يحفظهم ويحفظ عيال المسل…
    هلا حبيبتي اوكي نتساعد وانا بعد هذا بكري بعد عقم اربع سنوات تقريبا

    الله يخليهم لنا نفرح فيهم يارب متعافين وسليمين ياارب

تابعي تجارب أخرى من هذا القسم.