ربع زوجي عقدوني...ساعدوني

سلام بنات

حابة اطرح هالموضوع واشوف اذا هو ظاهرة منتشرة والا انا بس اللي كذا
الله يسلمكم عانيت بعد شهر العسل اللي كان من قلب حلو واستانست حدي

رجعنا لاراضينا طبعا بس المشكلة اللي متعبتني اول ايام وللحين بعد شوي ومضايقتيني
انا من النوع اللي حدي استحي المهم زوجي
كان تقريبا 3 او 4 مرات في الاسبوع يروح عند واحد من ربعه واللي كان يقهرني ان وهو
رايح ما يقولي وين بيروح لين يرجع واساله وما يقول على طول بعد لين اسال اكثر من مرة
وانا عادتن ما اكلمه وهو برى عشان اقول خله مع ربعه
ومره بينتله اني اتضايق وصار كلا يطلعني ويوديني ويجيبني بس الحين رجع لربعه
هل هذا الشي عادي
وهل لازم اكلمه وهو برى ولازم قبل ليطلع يقولي وين رايح
ساعدوني بنات هو طيب وحنون ومافي احسن منه
بس هالحركات واجد تقهرني وانا حدي من النوع الشكاك اللي كل شي افسره بنظرة سلبية فانصحوني وعلموني

14 تعليق 2,181 مشاهدة

شاركي في النقاش

سجلي الدخول لإضافة تعليق.

التعليقات

13
  1. حبيبتي هو متعود على ربعه قبل الزواج بايام العزوبيه ..فمن الصعب انك تجين انتي تغيرين روتين 20 سنه في كم شهر ..المسأله مسألة وقت فقط .. وبإذن الله يتعود على الوضع الجديد ..
  2. @ansanh_bhk

    حبيبتي عااااااااااااادي ولا يضيق صدرك ولا يهمك الوضع عااااااااااااادي وعلى فكره ترى الشاب اياكان نوع شخصيته مايحب حد يساله وين رايح؟ ولمن؟ والى متى؟لانه من كان عزوبي ومحد يساله وبيحس فجاه ان الوضع تغير عليه وبيتضايق""
    حبيبتي عاااااااااادي اقولها مره ثانيه هذي بداية الحياة الزوجيه وبكرى ان شاء الله راح يحس با الوضع الجديد ويكون زي ماتحبين
    حبيبتي شي ثاني احب اقوله لك:لاتكثرين زعل صدقيني وخلي لزعلك قيمه ""معليش حبيبتي احس اني كثرت شوي عليك بس صدقيني تراني معتبرتك اخت...
    تقبلي مروري

تابعي تجارب أخرى من هذا القسم.