مرت سنة كاملة على بيت الحب والإيمان

ربهام ازيك ياجميل الاختبار حلو اويي طلع لي 35 يالا انا كنت متوقعى يطلع 70 ولا حاجة هاهاها

ام البنات:
حبيت يكون كلامي لك منفصل.

ما شاء الله تبارك الله ، بجد كلامك البارحة واليوم يعمل عمايل ويدخل في النفس ويطمئن به القلب، وترتاح له الروح ، ربنا يزيدك من فضله وإن شاء الله تصلي ونحن معك للشخصية التي نريدها.
كل شئ في الحياة ممكن. مادمنا معا، فاننا سوف نقود بعض يديا بيد في كل يوم وفي كل لحظة ، نشجع بعض ، ننصح بعض.
فكرتك حلوة اوي إن شاء الله كلنا نجتهد وكل واحدة تبدع بما لديها من افكار حتى لو تقتبس من المنتدى بعض الأفكار ولكن يجب ان نضيف إليه لمساتنا التي تعبر عن شخصيتنا.
انا قبل فترة اقترحت ان نعمل منهجا نسميه منهاج بيت الحب والإيمان وكل واحدة مننا تكتب افكارها وجدولها ونجمعه في النهاية بجدول شامل بس بصراحة ما لقيت تفاعل بس من حبيبة ، المهم مش مهم
بس انت بحكم منصبك في الوزارة يعني كلامك يكون تاثيرا كبير علينا ولازم كلنا نسمعه واللي يخالف ينطرد من الوزارة ولا ايه، مش كدة ،
بجد يا بنات المرة دي عاوزين همة ونشاط مش طبيعية ومنافسة ولازم معالي الوزير يحدد موعد بتقديم الإقتراحات والجداول، وقد اعذر من انذر.

ربنا ما يحرمناش من كلامك الحلو يا هدهد ، وربنا يشفي باباكي ويقر عيونك بصلاح بنات ويرزقهم الازواج الصالحين.

في امان الله.

يا صباح الفل علي كل الحبايب القمرات بجد بحبكم كلكم
مني وام البنات ورشا وروني وميرو ومي والرمال وارجو عفو ربي وريهام وايناس وكل الي غايب والي حاضر

معلش انا مانمتش من امبارح غير ساعتين بس وحاسه أني خلاص مش شايفه قدامي

بس طبعا مااقدرش اقوم من غير ماارد علي كلام ام البنات واقولها ربنا يباركلك ويجعله كله في ميزان حسناتك

بصو انا هقول الافكار ألي عندي دلوقتي والي فعلا ابتديت بتطبيقها

اولا صيام الايام المتأخره وانا للأسف عليه كتير وشكلي محتاجه فتوي عشان كنت تعبانه اوي في حملي

ثانيا نحاول نستفيد من الوقت الضائع في كل شئ
يعني مثلا نعمل اكل يومين او تلاته ان امكن ونحطه في التلاجه ويكون بردوا كذا صنف بحيث انه يبقي كل يوم اكل جديد والي بيحب الاكل صابح ممكن يعمل الشئ الاساسي زي اللحمه او الفراخ وممكن تحضير لباقي الاكل
يعني مثلا النهارده سلقت فراخ ولحمه وعملت مسقعه ناكلها النهارده مع رز بشعريه وفاصوليا ناشفه بكره وممكن اعمل شوية رز جنبها علي السريع وعملت صينية مكرونه بشاميل وضيفت علي الكريمه جبنه رومي وكرافت وحطيتها في الفريزر لبعد بكره وممكن ابقي احط فرخه مشويه في الفرن جنبها وممكن لأ حسب الظروف

المهم أني كده اختصرت شغل 3 ايام في يوم واحد وكمان لسه فيه باقي اليوم النهارده ان شاء الله انضف الشقه
غسيل للحمام وتنضيف وتلميع علي السريع وبس

طبعا بكره وبعده ان شاء الله فاضيه يعني ممكن نخلي الاربع يوم التنضيف العميق وانا عشان شقتي صغيره ممكن المها بكره علي السريع ويبقي باقي اليوم فاضيه
وكمان عندي الخميس والجمعه دول الويك اند
الخميس في اكل والجمعه بنجيب سمك جاهز

وان شاء الله السبت هعمل نفس النظام بتاع الاكل وهيبقي اليومين الي بعده بتوعي اعمل كل الي انا عايزاه

طيب كده في وقت فراغ كتير استثمره صح ازاي ؟؟؟
اول حاجه ارجع اقرا ورد يومي للقرءان ومااقطعوش ابداااااا
ارجع احفظ تاني ولو هحفظ كل يوم ايه احسن من هجر القرءان والعياذ بالله
ارجع اقرا كتب زي الاول وسبحان الله نزلت النهارده الصبح كتاب صديقي لا تأكل نفسك الي زوجه مصريه قالت عليه
يعني لما نقرا في الشهر كتابين او تلاته او حتي كتاب واحد مش وحش
وكمان ياريت نهتم بالثقافه الدينيه كنت فاكره في واحده معانا اتكلمت قبل كده عن الموضوع ده
يعني نقرا في السنه النبويه طبعا كتاب الرحيق المختوم
قريته قبل كده ارجع اقراه تاني
نقرا في الفقه وكمان عن الصحابه وعن نظرة العالم للاسلام وعن الدار الاخره وعن علامات الساعه
يعني نقرا في كل حاجه ونركز اوي علي ثقافتنا الدينيه
ونشترك في مواقع اسلاميه والحمد لله دي كتير
وايه رأيكم كمان ممكن نخصص يوم نتكلم فيه مع بعض علي المسينجر ونقول محصلة الاسبوع من القراءه والمعرفه وكده نبقي بنشجع بعض ونفيد بعض كمان

طبعا انا اولادي لسه مش بيتكلمو بس ممك ابدأ مع يوسف انه مثلا يتعلم حركات الصلاه هو بيقلد بس انا عايزاه يتقن التقليد ممكن اعلمه ازاي يتوضا الاذان هو بيفهم طيب ليه ما اشغلوش بكل ده

والي عندها ولادها كبار شويه تركز علي حفظ القرءان وحفظ حديث شريف في الاسبوع وتطبيق عملي ليه ونعلمهم يروحو هما الي يدو صدقه مثلا او اي حاجه تنفع غيرهم
وطبعا اكيد انتو كمان عندكم افكار تانيه كتير احلي بس انا حبيت اكتب بكل الحماس ألي جوايا وفي الاخر ان شاء الله ننظم افكارنا اكتر ونعمل جدول مرتب وعملي

وكمان ياريت ناخد الموضوع محمل الجد جداااااااااااااااااااااا
لأن من نعمة ربنا وفضله علينا اننا مع بعض بنعين بعض علي الطاعه وده في حد ذاته فضل كبير ومسئوليه عايزين نبقي قدها

علي فكره ممكن تحسو الكلام مثالي وصعب تحقيقه بس ان شاء الله مافيش حاجه صعبه طول ما احنا مع بعض ايد واحده
يالا مستنين باقي كلامكم واقترحاتكم عشان نبدأ بسرعه