مرت سنة كاملة على بيت الحب والإيمان

كهرمانة : ربنا يعينك على الصيام ويسهل عليك ويكتب لك الأجر ، اخبار حبيبة إن شاء الله بخير.
بس حبيت اصحح لك معلومة ، مش ميرو اللي كان زوجها طالع من البيت ، كانت فيميل ,ربنا يصلح حالها ويبلغها غايتها.

ام البنات:
حبيت يكون كلامي لك منفصل.

ما شاء الله تبارك الله ، بجد كلامك البارحة واليوم يعمل عمايل ويدخل في النفس ويطمئن به القلب، وترتاح له الروح ، ربنا يزيدك من فضله وإن شاء الله تصلي ونحن معك للشخصية التي نريدها.
كل شئ في الحياة ممكن. مادمنا معا، فاننا سوف نقود بعض يديا بيد في كل يوم وفي كل لحظة ، نشجع بعض ، ننصح بعض.
فكرتك حلوة اوي إن شاء الله كلنا نجتهد وكل واحدة تبدع بما لديها من افكار حتى لو تقتبس من المنتدى بعض الأفكار ولكن يجب ان نضيف إليه لمساتنا التي تعبر عن شخصيتنا.
انا قبل فترة اقترحت ان نعمل منهجا نسميه منهاج بيت الحب والإيمان وكل واحدة مننا تكتب افكارها وجدولها ونجمعه في النهاية بجدول شامل بس بصراحة ما لقيت تفاعل بس من حبيبة ، المهم مش مهم
بس انت بحكم منصبك في الوزارة يعني كلامك يكون تاثيرا كبير علينا ولازم كلنا نسمعه واللي يخالف ينطرد من الوزارة ولا ايه، مش كدة ،
بجد يا بنات المرة دي عاوزين همة ونشاط مش طبيعية ومنافسة ولازم معالي الوزير يحدد موعد بتقديم الإقتراحات والجداول، وقد اعذر من انذر.

ربنا ما يحرمناش من كلامك الحلو يا هدهد ، وربنا يشفي باباكي ويقر عيونك بصلاح بنات ويرزقهم الازواج الصالحين.

في امان الله.

ام سوسو اسعد الله صباحك وحفظ الله لكى زوجك وبناتك ووالدنا الفاضل
كل الكلام الحلو دة ليه ربنا لايحرمن منك ولامنكم فعل يام سوسو

ان شاء الله اسمى البرنامج منهاج بيت الحب والايمان
برنامج رجب وشعبان قدامكم ان شاء الله لحد 15/6
وبرنامج رمضان لحد 15/ 7
لانى رمضان ممكن بنبتدى نفرز اطعمه وخضار من شعبان بجد ان شاء الله كل واحدة تكتب فى الموضوع ده تعتبرة صادقه جاريه زى العلم الذى ينتفع به على ادارة المنزل لما ان شاء الله لما نوصل لبرنامج صح هيبقى فى بركه فى الوقت للعبادة للتربيه للحديث مع الزوج للصله الرحم المجتمع بيبداء من النواة الى هى الاسرة اسرة منظمه مجموعه عائلات منظمه نوصل لمجتمع منظم كل الاحبه فى الله دة هدف نتجمع ليه ام يوسف اول وحدة تفاعلت على الخاص وبعدين ام سوسو توءمها وان شاء الله انا مستنيكوا

انا لله وانا اليه راجعون يارب صبر اهله وماتوريناش حاجه وحشه ولا توجع قلبنا علي ولادنا
سبحان الله الولد ده كنت بحبه اوي من صورته ......... يارب صبر امه وصبر ابوه علي فراقه

لميا يا بنات مختفيه حد يعرف عنها حاجه

يومياتي:
نظفت الطابق السفلي كله ومسح السيراميك والمطبخ وغسلت الحمام تنظيف عميق وغسلت الحمام العلوي على السريع ، ومسحت الأخشاب كلها.
عندي اكل من امبارح رز ابيض ومرقة الكوسة باللحمة المفرومة بس اعمل سلطة .

من ثلاث ايام عندي البيرود والمرة دي كتيرة اوي ، ربنا يسهل وصراحة محتاجة اكلات فيها حديد .

اه صحيح نسيت اقول لكم قبل ايام اشترينا ثلاجة جديدة نوع ارستون لان اللي عندي كانت مغلباني كتير وقديمة ، والحمد لله كلما افتحها اقول الحمد لله الذي رزقنا هذا من غير حول ولا قوة،

يا بنات اللي عاوز يخس من غير ريجيم يجي عندي لان ما شاءالله الحر بدا بشكل رهيب وخاصة في اوقات تتطفا فيها الكهرباء يعني عندي في البيت حمام ساونا وببلاش كمان، ربنا يعدي الصيف على الخير ويصبرنا .

في حاجة تانية كمان ، لما اشتريت الثلاجة كان مغلفة بالفلين والنايلون بس لما فتحناها كان عليها سواد من التخزين، حاولت امسحها بكل الطرق دون فائدة ، حتى البيكاربونات مش نافعة ، المهم اخر شئ جربت وحطيت شريحتين ليمون على الإسفنجة ودعتها وراحت بكل سهولة ،
ومن يومها صرت ادعك الليمون حتى القدور لما اغسلها والنيتجة نظافة وانتعاش، يعني ما تكبوش الليمون بعد عصره ، انا بحطة في الطاسة اللي فيها اسفنجة وفيري وبتدي ريحة طيبة اوي.

اسفة طولت عليكم بس ده اللي في بالي.

في امان الله

صحيح يا ام يوسف وانا كمان لسة كنت حاسال على لميا مختفية من يومين ، على ما اظن هي كل يوم إثنين بتروح بيت حماتها .
يارب تكون بخير .وترجع بالسلامة.

يا بنات شكر خاص لزوجة مصرية لانها دلتنا على كتاب (صديقي لا تاكل نفسك) ، بجد كتاب روعة وانا اول مرة اقرا لعبد الوهاب مطاوع وحتى اول مرة اسمع فيه ، اسلوبه روعة في الكتابة وواصل للقلب.