دعوة : بنوتات اللي زواجها اول إجازة الصيف تدخل،، تحت شعار : خلونا نستفيد من بعض

بنات الرياض

فتونة وبس

اي وحدة فيكم تفيدني بالمواعين

تراي حايسة ولا ادري وش ابدي

الله يوفقكم ساعدوني

ساعوني

تراي بمووووت

(((((((وحده تهدد ))))))

هلا عيونى تقى ...

من ناحية اوانى الطبخ ... اقصد القدور ... صراحه انا احب اروح للعويس ..

التوستر - القلايه - المكوى ... الخ رحت لاكسترا او العويس وقت التخفيض بس المشكله انهم مايخفضون الا بشعبان

ملاعق التحريك - قطاعة سلطه - ... الخ من الادوات المساعده للطبخ عندك ايكيا - سيتى بلازا - او العويس او بودوم

لو انه غاااالى وهو بالمملكه والفيصليه وهوم سنتر بالتحليه ...

وانا افضل سيتي بلازا وايكيا وبودوم وهوم سنتر لانك تلاقين قطع غريبه

طقم الشاى والقهوة عندك خيارات كثير الهديه بالثلاثين وفيه له فرع بالملك فهد مركز الثمانين وبالثلاثين
وله فرع ثالث بس مدرى وين واحسنهم حق الثلاثين وهذولى تخفيضهم وقت شعبان وصراحه يسوون تخفيضات
هاااائله ...

وعندك الفريد بالثلاثين ... معقوله اسعاره

وعندك العبدالوهاب بالسيراكون وبمجمع الثمانين بالملك فهد ...

متجر الميناء بشارع العليا .... مايعجبنى مررررره

السيد بالعليا مول معقوله اسعاره

الخنبشي بالعويس واصحارى معقوله اسعاره

اوانى المائده بطيبه حلوووو وسعره معقول ....

قلعة الكريستال والمبتكر والعبدالكريم بالعويس معقوله اسعارهم ..

باخشوين ميجاستور ...

الامل بالعليا العام وطيبه معقوله اسعاره ...

رويال دلتون بالتحليه بس مايعجبنى ...

اطقم وادوات المائدهانا عموما احب سيتى بلازا او السوانى وميجا ستوراكثر شي

واللى اذوب فيه بس انه نااااااااااااااااار ادوات المائده بالثلاثين

لانهم مو بس يجيبون الكلاسيكات زى السيد والفريد وطقتهم

ادوات التنظيف عندك ساكو ولا السيف يعجبونى ...

مممم مدرى وش بعد ....وترى ممكن تلاقون اوانى غريبه اقصد صوانى وشي زى كذا بمحلات الاثاث

وبسسسسس

هلا بنات الرياض الي تعرف شركة تجهيز حفلات اسعارها حلوة تدلني الله يوفقها؟؟؟

عندك الحفل ناس جربوه وكان حلو

بليار مممم يعنى ماعجبنى الا ان كنت تحبين الديكورات الهنديه وكذااا

مارياج حلووو

وفيه ناس كانو مسوين عند وحده الظاهر اسمها قمرا او سهير

بس ضييييعت الرقم وبالاحرى هو ضاع مع جوالي الللى انسرق

وفيه لمسات المساء والمبدعات وفيه الظاهر بالنخيل في الدور الاول فوق