السلام عليكم
وعدتكو أعطيكو عمل مصور بالسايكوت والخطوات ..
والمشكلة ما كنت فاضي ..
فبدأت بعمل قبل ثلاث ساعات .. وريحة اللكر والمواد لسا طالعة .. صورتلكو اياه بالخطوات
البرواز عبارة عن تحفة رممتها من خشب قديم وبرواز مخلوع .. شوفوا النتيجة النهائية قبل الخطوات ..
المشكلة ما عندي خلفية حلوة أعرض عليها .. المشغل عندي كلو كركبة
طيب أبدا بالخطوات والشرح
بس انتبهوا خلال الشرح رح أشرح برضو عن ميزات بعض المواد فانتبهوا لما بين السطور
شوفو .. أول اشي سايكوت
والبديل عنو .. شفت عنكو مواصفات لعجينة ورق .. أنا صراحة ما استخدمتها .. لكن إذا كانت فيها بروز .. وما بتكسر لما تنشف وبتشكل عازل .. وبتقبل الاوان الزيتية والمائية .. وما بتقبع بسهولة .. وتلتصق على أي سطح ناعم أو خشن .. فالعجينة تشكل بديل جيد عن السايكوت .. ولازم هاي المواصفات تتوافر إذا بدكو عمل عمرو طويل .. يعني مو بس للتصوير .. وبعدين مع الايام يهتري العمل أو تروح ألوانو
ولاحظو مع المواد لو خشب تقريبا حجمو 60في 80 ..
ولاحظو مع المواد ورقة لونها نحاسي بس هي بلاستيك لبرواز مخلوع
طبعا هذا للي بعرف الشغل الصيني .. انا ما بحب هاي البراويز .. لانها جاهزة ..وما فيها لمسة عمل يدوي .. لكن شوفو بعد التعتيق كيف صارت
ومع المواد خشب بسمو قشرة .. إذا رحتو عند نجار هذا بكون خشب للكبب ولكن في شغلنا أحلا .. واذا ما لقيتو زيو جيبو صحارة خضار خشبية وخلعوها .. أهم اشي يكون خشب قديييييييم
وبعدين دبابيس طبع نحاسية للتعتيق وتثبيت الخشب القديم
وهاي صورة الخشب القديم
شاركي في النقاش
سجلي الدخول لإضافة تعليق.
التعليقات
49
وهاي صورة البلاستيكة الي مخلوعة من برواز صيني
هلا نبدا في العمل
هاي صورة لظهر البرواز .. عشان يكون ظهرو نظيف غلفتو بجرايد
انا بهمني التشطيب الكويس لانو اغلب الزباين بهدوا البرواز لناس .. فبصيروا ينفلوا في القطعة تنفيل اذا فيها عيوب
هلا بلشت دهان في السايكوت ..
لاحظوا اني بطبع تطبيع في الدهان ما بمشي بشكل مرتب عشان تطلع لمسة التعتيق على البرواز
بعدين بلصق الورقة على السايكوت .. بدون اي مادة لاصقة لانو السايقوت بلصق زي الغرا بالضبط ..
بعد ذلك بكسر الخشب بدون نظام محدد زي ما بتيجي معك .. وبعمل قطاع داير ما يدور البرواز ..
بس لاحظو اني جبت آثار سايكوت على اطراف البرواز عن قصد عشان ما تقبع اطرافو وعشان ما يبين البرواز قطعة اضيفت لاحقا.. يعني حتى يصير جزء من الخشبة
وهلا بجيب زي وصلات من نفس الخشب لكن برفعها اكتر حتى نوصلها بين القطع الكبيرة
- بعدين بحط الدبابيس الطبع النحاسيات .. للتثبيت والتعتيق في آن واحد
هلا تابعو معي لانا قربنا على مراحل الدهان
بس بعد هاي الخطوة ظلت خطوة للتشطيب على هاي المراحل من البرواز
هاي الخطوة رش البرواز كلو بسايكوت مخفف بالماء ..
والسبب حتى يطلع التوزيع الوني لما نعتق .. والوان الدهان فيها انسجام .. وما يطلع جزء من البرواز مثلا الو لمعة وجزء لا ..
طبعا لازم برضو ما نضيع التفاصيل للخشب القديم أو تطبيع السايكوت .. عشان هيك رشيت السايكوت بشكل خفيف رش مو دهان بالفرشاي .. ولا كل شغل التعتيق الماضي بروح
وبعد ما خلصت مرحلة الاساس .. اتركو البرواز اقل شي ساعة في الحر أو تلات ساعات اذا ما كان حر لينشف
ودايما لا تستعجلوا على النشفان لانو شغلكو كلو بيخرب وبتسيروا تتندموا - هلا خدو نفس عميييييييق عشان مرحلة الدهان
بس للدعاية .. انتظروا هذا العمل مشروح بالصور ان شاء الله بس ينشف
طيب خلينا نتابع ..
هلا بس نشف السايكوت بدي ارشو كلو بلون أسود .. لكن أسود ستيل ( يعني شفاف ) مو مائي
شو السبب
حتى تتركز المعة في المراحل القدامة .. واللون الشفاف يبقي على التفاصيل الي طلبتها زي ما هي ..
وبشكل عام اللون المخفف بتنر أخف من اللون المائي .. لانو ما الو كثافة .. حتى ما تضيع تفاصيل التعتيق والخشب
طيب هذا أول وجه لون ..
يتكون هذا اللون من لون أسود ستيل مع تنر .. مع لكر عشان اللمعة..
بس للمعلومة أحيانا بشوف أخواتي بخلطو بين اللكر والورنيش
مع العلم انو في فرق هائل بين المادتين
اللكر طبعا احسن من الورنيش .. وبتخفف بس بالتنر .. والورنيش ممكن يتخفف بالتنر والنفط الي هو الكاز .. واللكر اثبت وأسرع نشفان .. والقطعة في ارقى للي بينتبه للتفاصيل
وهيك اللوحة جاهزة للتعتيق
رح أعتق بترابة ..
أتوقع كتير ما بعرفو الترابة
هي صورتها
هاي ترابي نحاسية .. هاي غالية شوي لكن بتمد معك كتير .. يعني بتعملي في الوقية منها كميات منيحة
كيف ندهنها ؟
بنجيب لكر مخفف بتنر .. تقريبا نص بنص .. مو سي نسبة الرش لانو التعتيق لازم يكون اثقل من الرش
يعني مثلا في علبة نيفيا زي هاي .. حطو معلقة شاي صغير ترابة لون نحاسي
- ماشاءالله أبدعت اخي الفاضل شغل مرتب وشرح بسيط وواضح
الله يعطيك العافيه
متااااابعه
مواضيع مشابهة
تابعي تجارب أخرى من هذا القسم.