شاركي في النقاش

سجلي الدخول لإضافة تعليق.

التعليقات

238
  1. السلام عليكم
    الله يفرج همك وجميع الأخوات يارب العالمين وانه يرزقك وجميع المحرومات بالذرية الصالحة يارب العالمين
    حبيبتي ثقي تماما ان هالدنيا هي دار الابتلاء والاختبار وانها زائله كل من عليها فان ويبقى وجه ربك ذو الجلال والاكرام، واحمدي ربك مصيبتك ماهي في دينك او مرض في جسدك شوفي اخواتنا في الاسلام وش يفعل اعداء الله بهن
    والله ان الدنيا ما تسوى ان احنا نضيق صدرنا فيها احمدي الله ان الله رزقك بواحد يخاف الله فيك وانه يحبك ويموت فيك لانه لو ما يحبك والله ما تهميه بيطير بعروسه رضيتي والا متي
    جزاه الله خير انه داراك واخذ بخاطرك وانا وربي ما الومك اكيد الغيره موجوده في كل النساء حتى امهات المؤمنين وجدنها
    لكن حبيبتي لكل شيئ حدود وهذا لمصلحتك
    شوفي انت انسي او تناسي ان زوجك متزوج خلاص وعلشان كذا لا تجتمعين مع زوجته خاصة اذا صار هو موجود لان هذا يزيد الغيره والهم انت انسيهااا مره
    اهم شيء اتجهي لربك وادعي انه يصبرك ويصلح حالك ويسخر لك زوجك ويرزقك بالذريه الصالحه
    وانتبهي لنفسك واجذبي زوجك لك
    كل شيء يتصلح ان شاء الله فأنت اعتذري لزوجك وقولي له لانك انت زوجي وولدي وامي وابوي مالي باهدنيا احد غير الا رب العالمين فلازم اغار عليك وغصب علي وسامحني وووو
    وابدي اهتمي بنفسك خليك كل يوم عروووووس واستقبليه ببشاشه وحركات هالبنات اللي في المنتدى لان هذا له تأثير كبير على الزوج من النكد والتكشير ولا تسأليه عنها ابد ولا كان عنده زوجه واكثري من الاستغفار والتسبيح والتهليل نصيييييحه وبتشوفين كيف بيرجعلك مثل اول او اكثر، وما تدرين حبيبتي يمكن زواجه خيره لك وباب رزق عليكم بان الله يرزقك بالذريه الصالحه اللي تنفعك في حياتك ومماتك
    معليش حبيبتي هي صعبة بالبدايه بعدين بتتروضين واهم شي لا تجعلي الحمل هم عليك او تعيري زوجك فيه ابد
    ان شاء الله ربي بيرزقك وافعلي بالاسباب اكشفي وعالجي اذا محتاجه وطبعا قبل ذا كله عليك بالدعاااااء
    والله يفرج لك وعلى كل المسلمات
  2. صاحبة الموضوع
    السلام عليكم
    شكرا ياحبيباتي على موازرتكم لي وتشجيعم الي انا محتاجته دايم ربي يوفقكم
    واشكر الاخت الي قالت لي على الطريقه الي اتفاهم بها معه بس احب اقلها اني وربي سويتها الف مره معه ماجابت نتيجة تدرين ليه
    لانه يقول انتي نكديه واذا قربت منه ابي احبه ( ابوسه ) دفعني وقال اياك تقربين مني
    عشان كذا انا الحين اتخذت طريقة جديده وهي اني اهتم به بس ماارمي نفسي عليه لانه كم مره صدني وعايرني
    وربي اني مره انحنيت وانا ابكي وحبيت رجله بس صاح فيني وهاوشني وقال خليك تقربين مني مره ثانيه مغير كل شوي وانتي تغلطين وتحببين
    تدون ورب البيت اني متاكدة انه يحبني وباقي علي ولي مكانه بقلبه اكثر منها
    بس تعامله تغير
    تصدقون انه امس مطلعني اتمشى لانها ماهي في البيت كانت عند اهلها طلعني لانها ماتدري ورجهنا قبل لا تجي
    اول امس كنت انا واياها مع بعض قامت تقول الحمد لله انا وفلان ( تقصد زوجي ) سليمين ماحنا عقيمين تقصد يعني العقم منك انتي
    اما تحاليله هو فهو من زمان ياخذ علاج والحين الدكتور يقول له انت الحين تحليلك كويس وتقدر تجيب عيال عشان كذا هي قالت الكلام الي راح
    انا الحين اراجع عند دكتورة وتقول يمكن اعمل لك اطفال انابيب بس انا عملتها 6 مرات مانجحت
    ادعو لي ان ربي يوفقني في هذي المره
    والله لو احمل ليرجع لي زوجي احسن من ماكان بس الرزق عند الله
    رب لا تذرني فردا وانت خير الوارثين
    رب هب لي من لدنك ذرية طيبه انك سميع الدعاء



    اخر الاخبار
    انا باقيه على هدوئي واتزين بيومي واسوي له الطبخ الي يحبه بس وربي محافظة على كرامتي لاني اهنتها كثير معه
    وتدرون وربي الرجال مايدور الحرمه الي هي طايحة عليه
    صرت اعز نفسي شوي والحمد لله هو بدا يتغير بس مدري يدوم على كذا والا لا
    امس خرجت انا وياه تدرون وش قال لي
    قال زوجتي طلبت مني اخرجها بس انا اعتذرت ووديتها عند اهلي وجيت طلعتك
    وربي مارديت عليه الا بكلمه وحده قلت له مشكور يحسب طلعته لي وبيسويها جميله علي مسكين هو مايدري انه خرج معها مليون مره وانا كنت ابكي وانا اشوفهم مايدري انه اول مره يطلعني ويخليها
    والله يابنات اني احبه وباقيه عليه بس حاسه بحاجز بيني وبينه مقدر ارجع مثل اول
    والي تقول مصيره يرجع لك مااعتقد لانه متمسك فيه كثيرلدرجة انه يقولهي طيبه واهلها طيبين مره احمدي ربك ان ماجاك الا هي ماجتك وحده قويه مادرا وش تسوي وكنت اناقشه على تصرفاتها ويقول لي لا هي ماتقصد انتي الي تدورين المشاكل
    بس خليه مصير الايام تعلمه من تكون وانا من اكون
    حتى لو رجعلي الي انكسر مايرجع مثل ماكان يبقا فيه اثر
    اشكركم مره ثانيه والله يوفقكم مع ازواجكم وترا ماهو كل الرجاجيل مثل بعض وربي انا عشت عشر سنين كلها حب وسعاده واقول للبنات لا تعقدون من الرجاجيل وربي يقدر يخليك تعيشين في جنة اذا حبك ويقدر يعيشك في جحيم اذا كرهك
    الله لا يجري عليكم ماجرالي ويوفقكم بحياتكم
    انا معكم متواصله وراح اقلكم الاخبار اول باول بس لا تحرموني من توجيهاتكم ونصايحكم
    تقبلو فايق احترامي وسامحوني على التقصير
  3. نصيحه
    يا اختي لا تلتقين فيها اقصد المره الثانيه أبد الله يستر عليك وعليها لان اغلب لقاءات الحريم تصير همز ولمز وكيف بالله مع الضره؟؟!!

    بنت عمي تزوج عليها زوجها وهو يمووووت فيها بس اخوها (أخو المره الثانيه )اهداها له المسكينه بنت عمي وتخيلي اول ما عرفت زعلت وبعدين واجهت واقعها لكن يوم شافت زوجته انصدمت وبغت تنهار ورجع لها حزن شدييد اقوى من صدمة خبر زواجه مع انها عاديه زوجته الثانيه جدااا لكن تقول ما تحملت يوم شفتها وزوجي معانا فاستخارت ولاعاد شافتها ابد الى الان تقريبا لهم 10 سنين الحين وربي ان رجلها رجعلها وهي بنت عمي صارت اللي تحثه على العدل وتقول له حرام رح عندها اليوم يومها ترى الله بيحاسبك وشوفي ما ضرها هذا هو يقول لو اموت مالاقي مثلك الله يخليك لي يقصد بنت عمي وبالمناسبه هي قريبته بعد الزوجه الاولي وتقول اني ارتحت من قالت مرتكو سوت ويمكن بعد تظلمها بان تغتابها او تبهتها من الزعل والغضب علشان كذا
    تبين السعاده باذن الله
    اذا اجتمعت مع زوجك الله يرده لك لا تجيبين طاريهاا ابدددد ولا كن عنده مره لانك بتفضفضين عليه وهومستحيل ما راح يغلطها عندك حتى لو هو عارف انها غلطانه تدرين ليه؟؟ لانك كل مره بتقولين له انها وانها فهو لازم بيدافع عنها وانت بتغتاظين حسما للمشاكل لا غير واكيد انه يسويه معاها هالشيء
    لذلك لا تشوفينها اذا جمعتك معاها بتسبب مشاكل مع زوجك، لان كل ما شفتيها بتذكرك بالمشاكل
    فالان انت اكسبي زوجك ما اقول ارمي نفسك عليه لا خليك ذكيه خليه ما يشوف منك الا الزين من حسن الكلام واحترام وتزين وطبخ واهم من ذلك كله انك تحتسبيه لله
    واياك اذا زعلتي عليه تحنين عليه بالقيل والقال وتقولين انت تزوجت وانت سويت وانت وانت ووو لان دائما الرجل ينفر من هالنوع
    خلاص الزواج وصار وابدئي حياتك الجديده وخليه يشوفها احسن من الماضيه
    وياليت تطلبين منه انك ما تسكنين بجنبها لانك بتمرضين من المراقبه وداها والا طلعها لا لا
    أما بالنسبه للاطفال استمري بالاسباب اقرئي القرآن وادعي ربك وعالجي وحاولي تسوين عمليه طفل الانابيب او التلقيح الصناعي مره ثانيه لا تجعلين المشاكل تخسرك كل شيء
    اهم شيء فهمي زوجك انك محتاجه ذريه وانه يخاف الله فيك مو عندك مره ما تكمل مشوار العلاج معاي حتى هو يعالج
    الله يرزقك عاجلا غير آجلا وجميع الاخوات
    وعندي لك اقتراح
    انت موظفه الحمد لله يعني شاغله وقتك من الصبح الى الظهر
    اذا صار اليوم ماهو بيومك التحقي باحد دور تحفيظ القرآن واجعلي وقتك مشغول بطاعة ربك
    يعني تروحين العصر الى المغرب في اليوم اللي ما يكون يومك فيه تستفيدين وتحصلين الاجر ويصير لك مفتاح الرزق ان شاء الله ولا تتفرغين لابليس وساوسه وتجمعين بقلبك وتتحسرين واذا صار يومك طلعت هاللي انت حاملته على زوجك فطبيعي انه بينفر من هالشيء
    وانا والله ابدعيلك ولكل الاخوات ياربي تكون ساعة اجابه
    وانا وانا اختك ادعيلي

    :27: :27: :27:
  4. الله يعينك حبيبتي وربي يفرج لك همك و ترجعي انتي وزوجك متل الاول وأحسن

تابعي تجارب أخرى من هذا القسم.