دعوة للنقاش>>>الزواجات المتاخرة الي متى؟؟

نوني عيوني

وتهلل البهيه
شاكره مروركم
الله يهديهم ويغيرون اوقات بدايه الزواج لانها بالفعل سيئه ولاتصح بأوقات كهذه

فعلا ظاهره للاسف كل مالها في ازدياد
تنصحين مين والا مين
الله يهدي الجميع
لقيت افضل حل مقاطعة الزواجات قدر الامكان خصوصا الي مو قرايب ضروريين
مو ناقصنا ذنوب
الزواجات اصلا صارت كلها من اولها لاخرها ذنوب في ذنوب من تدخلين من الباب تشوفين اللبس العاري الى الطرب والمعازف وصولا الى السهر الى الفجر
اذكر صديقة لي ايام الجامعه عزمتني على زواجها واعتذرت منها يوم دريت ان فيه طرب
عاد اسال صديقاتي متى زفوها قالوا على الساعه ثلاث
واسولف مع صديقتي العروس اقولها ليش الزفه عندكم متاخره تعب عليك وانتي عروس قالت ياحليلك اصلا مادخلت اتروش الا الساعه 10 !!!!!!!!!!!!!!!
والكوافير يالله جتني 11 وشوي !!!!!!!!!
خير ماصارت ومن العصر اجل وش قاعدين تسوون ؟؟؟؟
والا عرس ثاني رحت له مره مع حمولتي في المدينه وصلنا القاعه يمكن عشر ونص او اكثر بشوي
والله يابنات ان لمبات القاعه مطفيه ومخلين شوي اضاءه في المدخل !!!
انا وربعي استغربنا قلنا شكلنا غلطانين القاعه هذه مافيها عرس الليله
بس شوي ونشوف ام العروس نازله من غرفة العروس تشيك على صحون الضيافه وصلت او لا وشافتنا وشكلها تفاجات وتقول بنفسها وش هالناس الي طابين علينا بدري خخخخخخخ

معقوله عرس يبدا 12 خير ان شاءالله النا س متى ترد بيوتها بعدين اعوذبالله يعني رقص وطقطقه بالثلث الاخير من الليل

الناس تطلب الله وهذولا يروقصون الحمدلله ماعندنا هالسوالف حنا بالكثير الساعه 1 خالص العرس

بس معقوله فيه اعراس كذا !!!!!!!!! ياربي لك الحمد

بعدين المعرس متى يشوف العروس اذا اول ماتجي تبي تتوضا لصلاة الفجر

يعطيك العافيه عالموضوع