ღ.•°°•.ღ تـــــجـــــمـــع بـــــــــنـــــــــات كـــــــنــــــدا 2 ღ.•°°•.ღ

ايوه وانا اضم صوتي لاختي بنت المدينه عشان اشوف وش الي اشحنه معي واكلم ابو الشباب واجيبه تكفون لاتردوني

وعليكم السلام ورحمه الله وبركاته
الله الله!!!
كل هذا!!
الأوراق جيبي كل الأوراق المهمه ما تعرفين ممكن أحد يطلبها
لكن دقيق وسميد ما يحتاج في هنا
التمر موجود لكن مو مثل تمرنا
أما القهوه و الهيل أتوقع موجودين ما أدري لاننا راعين شاهي بس
القدور و الصحون مالها داعي في هنا أشكال و ألوان
أدوات المطبخ خوذي اللي ما تستغنين عنه لان ما عندي فكره في أدوات المطبخ بس الاكيد جيبي ثلاجات القهوه و الشاهي لانها مو موجوده حتى الفناجيل
مع إن كثير من أدوات المطبخ موجود بدالها بس يبغالك تعرفين وين تنباع

اول شهر يوليو ان شاء الله باذن الله ... و عقبال رجعه الكل ان شاء الله

إذن انا وانت مع بعض ان شاء الله او انا بعدك بشوي
بس انا على السعودية:27:

مثل ما قالت فيرس كوين

كروت التطعيم هاتيهم خاصه اذا في احد منهم بعده باقي لها تطعيمات لازم تسويها ... و شهاده الميلاد بنتي ..اذكر طلبوها مني مره بس ما اذكر وين..يمكن الحضانه ..ما اذكر بس انا قلت لهم انها مكتوبه بالعربي ما بتفهمون منها شي فطنشوا

و دلال الشاي و القهوه هاتي معاكي ...لان هني نوعيتهم رديئه ....تحطي الشاي بعد 5 دقايق برد ...و الفناجين و الاستكانات

البهارات بشكل عام موجوده تلاقينها في المحلات العربيه و الهنديه و الباكستانيه ....الى اذا عندك بزار ((البهار المخلوط )) هذا مب موجود هاتي النوع الي تستخدمينه انتي

و قهوتنا الخليجيه هاتي لاني ما شفت هني ...تمر موجود ...لكن مافي مانع اذا تحبين تجيبين معك خاصه رمضان جريب ... و بتفتقدين التمر الي متعوده عليه

و الجدور و غيره من ادوات المطبخ مافي داعي تزيدين الشحن ...كل شي متوفر هني و في عندهم محلات كبيييره و متخصصه بادوات المطبخ و كل شي تحتاجينه

و الاثاث بسيط محلات الاثاث متوفره في كل مكان تعالي شوفي حجم الشقه و بعدين دوري لك على الاثاث المناسب ..