السلام عليكم ورحمة الله وبركاته
اولا الف مبروك لينا علي رجوع عروس المنتدي الحمد لله يا حبيبتي افتقدناكي جدا
فيمل واسماء بصو انا بجد مش عارفه افكار تفيدكم اوي لأني اصلا بعاني مع ولادي بس ممكن اقولكم كام اقتراح
نظرا انك بتخرجي يوميا
اولا تجهيز الاكل المسبق يعني ممكن مثلا اليوم الي بتجيبي فيه الطلبات تاخدي اليوم الي بعده اجازه وتجهزي كل حاجه
مثلا الفراخ تغسليها كلها وتتبليها وتشيليها جاهزه علي السوي
تعملي تسبيكه في اكياس للطبيخ
اللحمه المفرومه تعصجي كمية الشهر كلها وتشليها في الفريزر في اكياس
واعملي مينيو الاكل بتاع الشهر واكتبيه حسب ما بتحبه وجهزي منه الحاجه ألي ينفع تشيليها في الفريزر
بالنسبه للولاد اولا قبل ماتنامي تكوني لامه كل اللعب ومروقه الشقه والمطبخ ده اساسي
ثانيا تكوني مجهزه اللبس ألي هتلبسوه كلكم تاني يوم ومحضره كله عشان تلبسي علي طول من غير غلبه
وممكن يا فيمل تخلي بنوتك تحضره معاكي عشان تتعود وتكون راضيه
وممكن تقومي قبل معادك بنصف ساعه دي بتبقي احتياطي لأي تعطيل علي الاقل تخرجي وانتي مش مضغوطه وبتلفي حولين نفسك عشان تلحقي مواعيدك
لما ترجعي طبعا البيت نضيف والاكل تقريبا معمول وانا رأيي انك لو تصحي بدري شويه تحضري جزء كبير من الاكل احسن وطبعا انتي وظروفك وعلي حسب مواعيد جوزك ظبطيها
قبل ماتنامي بردوا لو بتنيميهم مثلا الساعه 10 ابتدي عشيهم هم الاول من 9 وحميهم ونيميهم وبعد كده تقدرو تتعشو وتقعدو مع بعض براحتكم وتقدري انتي كمان تروقي وتلمي الشقه بسرعه
طبعا انا بقول الكلام ده ونفسي اطبقوا بحازفيره بس المشكله ان ولادي لو ناموا الساعه 11 القاهم صحيولي 4 الفجر وسبحان الله الاتنين مع بعض بس ان شاء الله الفتره الي جايه مش هنيمهم بالنهار خالص خصوصا يوسف
ميرو
يارب يكون النهارده احسن وتكون الحاجه ألي خايفه منها ما حصلتش ويكون الوضع بقي تمام
دودو انا اقدر بردوا يا جميل ازعلك ده انت الي في النيه والعين الجوانيه حلوه اوي مقالاتك بتاعة امبارح بس ياريت نعمل بيه
ام سوسو انتي فييييييييين ؟؟؟؟؟؟؟؟؟؟؟ يالا تعالي بسرعه طمنيني
ميوش يا متلخبطه جربي الكيك وبجد هتعجبك اوي
ام عبدالله يا حبيبتي انت تقمر يا جميل ليكي عندي كده حاجتين وانتي عارفاهم
انوج انتي فييييييييين ؟؟؟؟؟؟؟؟؟؟؟ كل ده من النادي ؟؟؟؟؟؟؟؟؟؟؟؟؟
ايجيبتي
اعمل ايه بس ياقمر الاولاد اصلا هم الي بيصحوني ربنا يسهل واظبط نومهم الفتره الجايه
نرمو
اهلا وسهلا بيكي معانا ويارب تستمري يا قمر
مني
انا كده قلقت عليكي اوي انتي فيييييييييين ؟؟؟؟؟؟؟؟؟ يارب تيجي انتي كمان وتطمنينا
اسماء تسلم ايديكم
يارب تكون مريومه النهارده احسن تعالي طمنينا
رشا ام خالد
عامله ايه يا حبيبتي يارب تكوني اتحسنتي عن امبارح
رشا الي مطنشاني
مختفيه ليه يا هانم مشغوله بأيه ؟؟؟؟؟؟؟؟؟؟
باقي البنات بسلم عليكم واحده واحده ومعلش سامحوني لو نسيت حد
اللهم اتنا في الدنيا حسنه وفي الاخرة حسنه وقنا عذاب النار
مرت سنة كاملة على بيت الحب والإيمان
متابعة النقاش، صفحة 248