آبوي والمعاناه،، ورم بالدماغ

آلسلام عليكم اخواتي الغاليات
والله طاقه فيني الدنيا من ضيقه صدري على ابوي اللي بعمري ماتخيلت اشوفه بلحظه بالحال اللي هو فيها الحين
بس مانقول غير الحمد لله على كل حال وجعل مااصابه تكفير ذنوب ورفعه في درجاته
معاناه ابوي مع هالمرض بدأت منذ اربع اشهر ونصف ولاتزال فصولهاا تتجدد وتشتد كل لحظه
بدات حاله والدي شفاه الله بالم بسيط وصداع مستمر تقريبا لعشرين يوم وطبعا ابوي كان يكابر على نفسه وماوضحلنا اي شي لانه كان يظنه مجرد صداع ،، بعدين صار عنده ثقل برجله اليمين ولازال مخفي الامر عنا مره سألته عنها وش فيها رجلك قال لابس مجرد تنميل طولت بالجلسه عليها وامي سالته نفس الشي قال الشطوب مشتبه علي وظل على هالحال كم يوم الى مااجبره اخوي ياخذه للمستشفى يفحصونه فحص شامل وفعلا راحوا وقالوا النتيجه بكرا ،،وجاء بكرا بس حالته زادت سوء وصار مايقدر يرفع رجله ولا يحركه طبعا هالكلام مع طلعه اخواني للمدارس ،،ابوي لحظتها حس بالخوف وقال رجلي انشلت اخذوه اخواني الكبار للمستشفى وظلوا هناك لين 12 الظهر وحنا على نار توقعنا الموضوع جلطه واخيرا قرروا يرقدونه زرناه اول يوم اول مادخلنا عليه قام من سريره بصعوبه وقال ابشركم ياعيالي اموري طيبه وكان يكابر على نفسه وعلينا ،،ااااه يابوي
تنوم بالستشفى اسبوعين وحنا ماندري وش مرضه بالضبط اخواني مارضوا يخبروننا بعدهاا قالوا لازم ننقله للرياض للعسكري هناك افضل واحسن بعدها حسينا ان المسأله اكبر وصارحونا بالحقيقه المؤلمه ،، ابوي عنده ورم خبيث بالدماغ ويوم ورا يوم قاعد يضغط على النصف الايمن والوضع مايستحمل الانتظار اكثر،،،

72 تعليق 21,099 مشاهدة

شاركي في النقاش

سجلي الدخول لإضافة تعليق.

التعليقات

72
  1. @shr_albnfsg

    صاحبة الموضوع
    عرفنا بالورم قبل مانروح نزوره باقل من ساعه انصدمنا وتالمنا بكينا وتمنينا يكون التشخيص غلط قالنا اخوي انتبهوا يعرف ابوي او يحس بالحال ترى ماعنده خبر وقلناله بنحولك الريياض عشان متطمن عليك اكثر وبس بالعربي روحوا وشجعوه واضحكوا معه ونسوه وتعالوا وبينوا له قد ماتقدرون انه طيب ،،، يالله لحظتها شكثر الدنيا ولاتسوى شي وشكثر بلحظه ممكن ينقلب حالك وتتبدل حياتك وشكثر حسينا اننا قدام اختبار كبير اكبر منا ببكثير وشكثر حسيت فيك ياابوي وخفت عليك ،، حاولت ابكي اخلص دموعي عشان لاتنزل قدام ابوي وتفضحنا بكيت طول الطريق للمستشفى بس للاسف ماخلصت ،، لما دخلنا الغرفه عليه انا وامي كان يصلي جماعه مع اخواني ،، كان معطي ظهره للباب ومستقبل القبله وكان صوته اعلاهم في التكبير والصلاه رجعت دموعي تجري غصب عني كان ودي لحظتها احظنه بحراره واطرد المرض عنه اخاف افقدك يابوي ،، ان شاء مااشوف ذاك اليوم يارب ،،الله يخليك لنا ويطول بعمرك
    سلموا وبالقوه حبست دموعي وسلمت عليه بس كان باين علي سالني عن امتحاناتي ،، وعن ولدي ،،، ياعمري انت يابوي
    ـصنعنا القوه بس كان واضح علينا وطول ماكنا عنده وهو يطمنا عليه ولاتخافون علي ومن هالكلام ،
    نقلناه للرياض وسووله عمليه استئصال ونجحت الحمد لله بعدها باسبوعين سووله عمليه ثانيه اصغر منها والحمد لله نجحت ،، بعدها قالوا فيه اجزاء من الورم باماكن حساسه الجراحه خطر عليها بنكمله بالعلاج االاشعاعي وحددوا له 35 جلسه بدوا فيها وطول هالمده حاله ابوي تزداد سوء صار ينشال وينحط مايقدر يشيل نفسه حتئ الحمام اكرمكم الله مايقدر يخدم نفسه وتطور الوضع لحالته النفسيه صار ماله خلق احد ولا يتكلم ،ومعصب وضايق صدره علطول ،،بعدها صار ينسى ويضيع ولايعرف الناس ونايم 70 بالميه من يومه بعدها صار مايقدر يتكلم ولا يعرف الاشياء ولا الوقت والله حالته تصعب على عدوه واذا صحى دقايق يقضيها سرحان وبالفتره الاخيره جته حاله زي اللي يشخص بصره كأنه يشوف احد او شي على مكان فاضي مافيه احد ،،هو الحين خلص الاشعاعي من يوم وطلع الحمد لله واليوم تعب وجاه تشنج ورجفه وصار يستفرغ وانتم بكرامه ويصرخ جبناله الاسعاف للبيت والمستشفى قالوا صحيا حالتع مستقره بس هو موو كذا بالواقع والله اكتبلكم ودموعي على خدي ماوقفت ،،
    ـكفون اللي تعرف او مرت عليها زي حاله ابوي تطمني وتكفون لاتنسونه من دعائكم عساكم ماتشوفون مكروه بغالي
  2. @akbr_shoshh

    الله يشفيه ويصبركم ويجعل مرضه كفاره له
    نفس حاله زوجي الحين بالضبط
    انا كاتبه قصه زوجي مع سرطان الدماغ اقرئيها وشوفي اخر التطورات بمرضه في الصفحه الاخيره
    هذا رابط قصه زوجي وورم الدماغ
    http://forum.hawaaworld.com/showthread.php?t=1647444
    انا اقول لك لو ينفع البكاء كان نفع زوجي بس ادعوا له ودائما خلوه يقول اللهم ااجرني في مصيبتي
    وانتم كمان قولوها .ولا حول ولا قوه الا بالله .وحسبي الله الذي لااله الا هو عليه توكلت وهو رب العرش العظيم
    اسال الله العلي القدير ان يمن عليه بالصحه والعافيه.
  3. @am_ahmd_65

    الله يشافيه لكم يارب ويخيله لكم

    حبيبتي والله ماودي اقولك هالكلام ومو كل الناس زي بعض بس والله كأنك تتكلمين عن اخوي نفس الاعراض بالضبط بدأت الحاله تتدهور كل يوم اكثر بس الايام الاخيرة بدا يصحى فينا ويسولف ولا كانه في شي ووجهه منور كان ماشاءالله بس اخوي الورم ببطنة كان وسببه عين الله يكفينا الشر

    اخوي باقي شهر ويكمل سنة متوفي الله يرحمة ويغفرله

    دعواتكم له والله كان انسان صالح وخاتمته ماشاءالله تبارك الله الله يجعل خاتمتنا كلنا زيه وتوفى يوم الجمعه بين الصلاة والاقامة
    يابخته

    والله يحفظلك ابوكي يارب ولا تشوفون اللي شفناه

    ارجوكي حبيبتي لا تحسبين كلامي انه مافي امل لابوكي
    الواحد مايموت قبل يومه لو الله راد انه ابوكي يتعافى ان شاءالله بيتعافا وماتدرين لو يرجع احسن من اول
    وماتدرون لو انه خير له وتخفيف ذنوب
  4. @shr_albnfsg

    صاحبة الموضوع
    جزاكم الله خير جميعا ،،وبصراحه حنا شاكين ان سبب اللي في ابوي نفس غير كذا شخوص البصر عنده هالحاله قاعده تزيد كانه يشوف احد قدامه ،،هالحاله مو طبيعيه وامس كلمت شيخ وسألته قال هذا تسلط شياطين ،،حسبنا الله ونعم الوكيل
    آلله يلطف فينا ،،

تابعي تجارب أخرى من هذا القسم.