قبل و بعد التمليس

اختي ناريس76
احب اقولك عن تجربتي.......انا شعري كان خشن ودايما كنت اعمله تمليس كميائي
ويضبط فتره وبعدين يرجع زي ماهو
بس من شهرين تقريباعملتله تمليس غير شكل روووووعه
اسمه تمليس الفواكه وهو طبيعي 100%
والله ماتصدقين وشلون طلع يهببببببببببببببل وكل من شافه انجن عليه احلى وانعم من اول بكثير
مدته سنتين بس بعد كم شهر لازم تسوينه مره ثانيه لمنابت الشعر اذا كان شعرك يطول
احب اقولك اني سويته بمشغل سواريه بحي السلمانيه بالرياض...وهو غالي شوي يعني انا شعري قصيرتحت الاذن ب 500 ريال ومعاه شامبو ب 100ريال وحمام زيت ب 100 ريال يعني الناتج 700 ريال بس مو مهم الفلوس مادام النتيجه حلوه
جربيه وصدقيني ماراح تندمين وراح تدعين لي بعد.........
تحياتي

عاشقة الامل

عزيزتي غزل البنات .. أول شئ بقول لك الله يعطي العافية على المجهول الكبير اللي بدلتية حتى تساعديني و جزاك الله ألف خير . و إنشاء الله راح أبدأ في هالبرنامج بعد يومين و بأذن الله بيكون فيه نتيجة زينة . مشكورة عمري و لا تحرمينى من معلوماتك المفيدة .

العزيزة عاشقة الأمل مشكورة جداً على هالمعلومات الجديدة . بصراحة هذي أول مرة أسمع عن تمليس الفواكة و ودي أجربة بس ما أعرف أي أحد في البحرين يسوية ، سألت كم صالون قالوا ما سمعوا فيه أبداً .

أختي عاشقة الأمل ممكن أكلف عليك تعطيني معلومات أكثر .. يعني شو هي المادة اللي أستعملوها في تنعيم الشعر ، أعطيني الأسم لهذه المادة و أسم الشامبو و أسم حمام الزيت .. راح أحاول أني أشتريهم أو بعدين أدور على طريقة عمل هذا التمليس .. عمري ممكن تحاولين تحصلين لي المعلومات .. أتمنى أني ما أكون ثقلت عليك .

مرة أخري أختي غزل البنات و عاشقة الأمل مشكورين و ما قصرتون .. الله يعافيكم .

شوفي اختي ناريس
تمليس الفواكه هذا جديد حتى انا صراحه ماسمعت فيه الا بالمشغل
لاني رحت للمشغل على اساس اني اسوي تمليس سمعت فيه انه مرررره حلو اسمه التمليس المائي
ولما قلت للكوفيره عنه قالت لي انه قديم من سنتين وفيه تمليس جديد اسمه الفواكه وهو احلا بكثير من المائي وانه طبيعي 100%
ومدحتلي فيه كثيروقالت ان فيه زباين كثير سووه واعجبتهم النتيجه
حتى استغربت اني مااعرفه واني اول مره اسمع فيه وقالت انه مشهور بالرياض وخاصه من مشغلهم سواريه
المهم انا ماترددت توكلت على الله وخليتها تبدا فيه.......
وفعلا لاحظت انه طبيعي خلال ماكانت تحطه فشعري.......وهو عباره عن :
اول شي حطت كريم بالبطيخ وبعد ماغسلته حطت بلسم المشمش وشي ثالث بس نسيته
على ماعتقد ان هذي الطريقه ناسيه والله لاني مسويتها من 3 شهور
ومن اول ماغسلته حسيت بنعومه خيااااااال
حتى هي انبهرت فيه وقالت ماشالله بان عليك من اول مره لان فيه زباين لازم يسووه مره ثانيه حتى يطلع حلو طبعا حسب نوعية الشعر اذا كان خشن مره ولا لا
طبعا ماخليتها في حالها سالتها عنه ومن فين احصله واذا ممكن اشتريه من بره ولالا
لاني ماني من الرياض وكنت نفسي اخذ منه لاختي
قالتلي انهم يجيبوه من بره على ماعتقد قالت من البرازيل وانه مخصوص لمشغلهم
طبعا ماصدقتها تعرفين المشاغل مايعلمون في شي يعني سر المهنه.........
حتى اني ماشفته في العلبه حقته كانت تحطه جوا بصحن بعدين تجيبه وتحطه على شعري
معليش حبيبتي كنت اتمنى اني افيدك بس انتي اسالي عنه عندكم بالبحرين بالمشاغل الكبيره وان شالله تحصليه
واي سؤال انا تحت امرك
*****عاشقة الامل******