الله يحرم وجوهكم من النار ويثبتكم عند السؤال بنتي راح تضيع مني

اختي في برنامج يكشف كلمة السر بس دخلي الايميل ويعطيج الرقم ابحثي عنه في مواقع البرامج....

ومن حقج تطمنين... على بنتج وهي مع من تمشي...

ممكن اتسوين ماسنجر وتضيفين بنتج على ان انتي وحده من بنات المدرسه وتعرفين عليها........... وخذي منها الكلام.....

شوفي اختي انا مادري بس عادي تقوليلها عطيني مسنجرك ابغا اطرش شي اعلان ولا شي من مسنجرك بس لو شفتيها تحاول تتهرب اعرف انو في شي مو اوكي وانت حاولي تراقبيه بسلا تخنقيها واتقربي منها وقوليلها تحكيلك اسرارها مهما كانت مع انو هادي مرحلة وتعدي يعني ماتخافي والله يسهل امورها يارب

***** الله ماراح تضيع ولاشي اذا انتي واثقه منها
منها وقوليلها زي ماقالت الاخت هدى القلوب ابغى ايميلك ابرسل شي
والله يطمن بالك ***** الله

مع اني ضد التجسس والتفتيش لكن بين الام وبنتها من باب الاهتمام والحرص ارى انه كل شي كل شي متاح لان الاوضاع اللي احنا فيها تخوف ومن خاف سلم

خوذي جهازها وادخلي ايميلك و وفعلي عملية ان الباس وورد يكون مفتوح ومتاح يارب تكوني فهمتي علي بعدها سجلي خروج

بعدها بنتك تدخل ايميلها وتدخل الباس وورد اوك قبل تسجل خروج ادخلي عليها واشغليها باي سالفه خلي خالتها تكلمها ع التليفون او يناديها ابوها ايتوها حاجه بحيث ماتسجل خروج يعني اذا قفلت ايميلها عن طريق x مايتقفل وبمجرد ماتدخلين راح يكون مفتوح

عذرا مافصلت بشكل واضح لاني ارد على عجاله واتمنى تكون طريقة ناجحه

أختي لاتزعلين من كلامي.. لو كنتي أختي فبيكون نفس الكلام بقوله لأختي..

وشو اللي ضيع العيال غير سالفه هالثقه العمياء؟؟؟ البنت مراهقه .. وكلمه توديها وكلمه تجيبها .. وأنتي تقولين أنها تمشي ويا بنات مش أوكي .. يعني أصلا وشو اللي يغير العيال ويخرب أخلاقهم غير الصحبه السيئه ؟؟

وبعدين مافيها شي إذا شليتي عنها الكمبيوتر أيام الدراسه لأنه أصلا بيأثر عليها .. عطيها إياه في الإجازت .. وبوقت محدد يعني ما يتجاوز ال 5 ساعات يوميا .. مش النت عندها أي وقت .. وهالشي ماله دخل في الثقه .. هذا الشي نوع من أنواع تنظيم الحياه.. والبنت بصراحه صغيره .. 13 سنه بعدها ماتعرف شو الزين و شو الشين ..

الموضوع ماله أبد في الثقه .. ترى مافي شي ضيع البنات والأولاد غير هالسالفه .. هالوقت الواحد ما يثق في نفسه حتى.. فنظمي وقت البنت مع الأنترنت ..

أنا عيالي صغار .. بس مع ذلك من الحين منظمه وقتهم مع الانترنت وممنوع ايام الدراسه .. واذا بغوا يستخدمونه.. عندي ثلاث أجهزه في الصاله كل واحد له جهاز خاص بس كلهم تحت إشرافي في الصاله .. حتى اذا سولفوا وياربعهم.. اشوفهم واشوف وش يقولون وعيالي عااادي عندهم ما يحسون أني اراقبهم ولا أتجسس عليهم لأنهم متعودين على هذا الوضع..

أتمنى أنج ما تزعلين من كلامي ..