اختي يابنــــــــــــــــــــــــات !! في دائـــرة الأعجـــــــــــــــــــــــاب !!!

بسم الله الرحمن الرحيم

السلام عليكم ورحمة الله وبركاته

اخواتي انا عندي مشكلة واتمنى من الفاهمات تنصحني والله لدعيلها من قلبي
لأني بجد محتارة وما اعرف كيف احل هالمشكلة

"اختي عمرها 14 سنة وتدرس بالمتوسطة المشكلة انها تمسك التلفون بالساعات وبأخر الليل
واحنا متأكدين من انها تكلم بنات..بس اللي تكلمها دايم معجبة فأختي وخلينا نسميها "هند" وتهديها ورد ومعرف ايش
وفي كذا معجبة فيها "اللي هي اختي" المصيبة يابنات البنت هذي"هند" انا سامعة من قبل ان البنات في المدرسة كفشوها هي ووحدة في الحمامات!
وهذا اللي مأرقني ومتعبني ..انا خايفة على اختي كثير
انتم لو تشوفونها لمن ادخل عليها وهي تكلم وجهها ينقلب وتتلخبط ماتعرف تتكلم وتقفل على طول
ومتاكدة يابنات انها تكلم هالمعجبة والله العالم وش يقولون
لدرجة قالت للوالدة ان صاحبتها بتزورها "حدة ثانية" الوالدة وافقت بس شكينا قلنا لا يكون البنت اللي جاية هند
وفعلا اعترفت قبل الزيارة بليلة وامي عصبت وكلنا عصبنا
يعني كذبت علينا ..كانت بتستغفلنا..!!!
ولا من اللي اعطتها الفكرة "هند"!!!!!!


وش اسوي يابنات ..كيف اتعامل معاها ؟
احنا أخواتها كلنا متزوجات وهي بنت وفي اصغر منها بالابتدائي

انا احسها طفشانة يعني احنا الكبار نتكلم في اشياء ماتستهويها "في بيوتنا ..ازواجنا "
وهي مالها فهالشي

وش السوواة تكفون انصحوني؟

امي مفكرة تخليها تبطل دراسة لأن الابلات يشتكون منها مررة واصلا هي مالها في الدراسة مستواها سيئ جدا
وفكرنا ندخلها تحفيظ والله يابنات لو انها مجتهدة في دراستها كان قلنا معلية حتى لو تدف نفسها دف
بس هي كسلانة وماخذة المدرسة لعب ومقابلة معجباتها

انا خايفة السالفة توصل لأكثر من اعجاب<<هذا اللي مأرقني:44:

انصحوني الله لا يحطكم في هالموقف:(

6 تعليق 847 مشاهدة

شاركي في النقاش

سجلي الدخول لإضافة تعليق.

التعليقات

6
  1. @mgrd_anth_2

    صاحبة الموضوع
    12 مشاهده

    كثّـــــــــر الله خيــركم عالقليــــــــلة ارفعو الموضوع بكلمــــــــــة!!!!!!!
  2. @alsaaadh_hlm

    إذا تقدرون تنقلونها في مدرسة جديدة بيكون زين لأنها بتبتعد عن معجباتها وخصوصا هند أو اتعاملون مع سالفة الأعجاب بجدية أكثر يعني تعاملونها إذا كلمت معجبة كأنها تكلم شاب وتخوفونها و تمنعون الموبايل وممنوعه هند بشكل خاص لأن طالع عليها سمعه وإذا ما ابتعدتي عنها بتطلع عليك وكذااا لكن تطلعونها عن المدرسة .. احسها صعبة.
    ولا اتعاملون مع سالفة الأعجاب ببتسامة واستغراب يعني المفروض انكم بينتوا رايكم فيها من زمان .. وانتبهوا على بنتكم ترى البنت الصغيره ماتلاقي إلا الدلع من أبوها وأمها وعشان كذا تاخذ راحتها.
  3. @rba_bnt_khald

    السعاده حلم
    إذا تقدرون تنقلونها في مدرسة جديدة بيكون زين لأنها بتبتعد عن معجباتها وخصوصا هند أو اتعاملون مع سالفة الأعجاب بجدية أكثر يعني تعاملونها إذا كلمت معجبة كأنها تكلم شاب وتخوفونها و تمنعون الموبايل وممنوعه هند بشكل خاص لأن طالع عليها سمعه وإذ…





    أختك تحتـآج صحبة طيبه .. توعيه ..
    بخطوره هالموضوع .. أجلسي معها وناقشيها
    شوفي مشاكلها .. حاولي تتقربين لها
    اكثر .. حاوريها بأسلوب قصصي ..
    طبعا دراستها مهمه ولازم تكمل ..
    ارزعوا فيها ثقه وخوف من الله .. اختك في سن
    صغيره وحرجه تحتاج من يأخذ بيدها ..
    والله يهديها ووايانا وبنات المسلمين ..
  4. @tflh_mtlkh

    اختك امانه ... الله الله فيها
    واذا استمر اللوضع على ماهو عليه تراها كارثه
    وبصراحه المدرسه الان بدال ماهي صرح تعليمي صارت بؤره للفساد والإفساد حاولي بشتى الطرق انك تجبرينها على قطع العلاقه بهذه الفتاه حلتى لو اضطريتي تنقلينها من المدرسه اشغليها باي نشاط خارجي بعيد عن البيت والمدرسه يعني مثلا دوره تدريبيه مدرسه تحفيظ زي ما قلتي عشان ما تحس بفراغ ومن خلال النشاط هذا حاولي انك تعلمينها كيف تختار الصديقه الصدوقه الصالحه .
    حاولي تضربين لها امثله من الفتيات اللي بنفس عمرها وناجحات في حياتهن يعني مثلا شوفي فلانه بنت فلان ماشالله عليها حفظت كذا جزء من القرآن وفلانه الثانيه حصلت على جائزه التفوق يعني حاولي تحفزينها بس الاهم اانك تبعدينها عن هالجو

    الله يحفظها و يستر عليها وعلى جميع بنات المسلمين
  5. @golden_eye_1

    ربي يهديها يا رب و اذا مالها خلق في الدراسة طلعوها و خلوها تدرس في معهد انجليزي و كمبيوتر و في العصر تروح التحفيظ بكده ما راح يكون عندها وقت عشان تفكر في الخرابيط ، و المفروض تخلو لها وقت محدد تتكلم فيه في اليوم مع صحباتها يعني نص ساعة في اليوم يكفيها و التليفون لازم يكون بره في الصالة و تتكلم قدامكم و ان شاء الله يتعدل حالها ،،

تابعي تجارب أخرى من هذا القسم.