عزيزتي أم فهد بالنسبه لمركز الماسة انا كنت مسجله فيه شهر 2 وقلت في الموضوع من قبل اني لفيت على اكثر من مركز رياضي واماسه بصراحه لقيته انظف شي ويهتمون بالوحده .. اول ما تروحين يسوون لج فحص واختبارات ومستوى اللياقه ونسبه الدهون وهالسوالف ... وتعيدين هالاختبارات كل اسبوعين عشان تشوفين فيه تحسن وفي شنو لازم تشدين حيلج ... والاشتراك تقدرين تدشين فيه كل الصفوف قد ما تقدرين ايروبيك ودراجه وصفوف البطن والقسم السفلي من الجسم وكل يوم في اربع صفوف تقريبا اختاري الي تبينه غير عن جذي بتعطيج برنامج حق عضلاتج على حسب جسمج كل مجموعه عضلات لها جهاز وتقول لج المدربه اي جهاز زين لج وكم هدد المرات الي لازم تستعملينه فيها .... غير عن جهاز المشي والكروس ترينر الي لازم يوميا عشان هي الي تحرق الدهون ... واذا بتشتركين انصحج العبي على الكروس ترينر قد ما تقدرين أحسن من جهاز المشي ويحرق أكثر واسرع .... بالنسبه للاشتراك شوفي نفسج شهر جربيه اذا اعجبج اشتركي عقب 3 شهور .
الحلوة قمر .. يقولون كان فيه رقص شرقي بس الحين ما فيه .
بنات ما رديتو علي بالنسبه للصبغات عندي عرس قريب في البحرين
ابي اصبغ في مكان وشعري ما يرد يقلب على برتقالي ... دلوني لاني زهقت من الصالونات الي هنيه لدرجه اخر مره صبغت زيتي واحس اللون تغير فيه برتقالي بس خفيف .. يجيني شور اصبغ اسود بس الي مخوفني انه حرام وبعدين يقولون ان لو صبغتي اسود ما تقدرين تصبغين عليه ...
بنات قطر ..حياكم
متابعة النقاش، صفحة 316