صباح الخير خواتي
اناعندي مشكله اعاني منها يمكن البعض يشوفها صغيره لكني اعتبرها مشكله كبيره بالنسبه لي لاني انا اللي اعيش
احداثها
يابنات انا عندي اخت كبيره ومتزوجه واخذه الحياة بالقوه والدنيا ماشيه زي ماتبي الكل يحسب لها الف حساب ويخاف
منها بسبب لسانها السليط وشخصيتها الدكتاتوريه وتريقتها الزايده انا يبنات مايرضيني هذا الوضع ولايرضيني
اقلب اليوم كله مع هوشات معها احياناً يابنات لمااتكلم بشي معين تفشلني وتردعلي رد قوي اكره نفسي واحياناً تحاول
تهمش رأيي واحياناً اذا تكلمت تحطني اني اقط كلام عليها وتقلب الكلام علي وتعبي راس امي وتبدا سلسله ثانيه من
المشاكل ,, تخيلوا يابنات حتى بموضوع زواجي صارت تتدخل وتمشي اللي تبيه هي من غير ماتاخذ رايي بشي
المشكله مو ناقصني قوة شخصيه لكني مااحب اتجادل معها بشي تفادياً للمشاكل يعني استخدم معها اسلوب التطنيش
لكن بالمقابل نفسيتي تتعب من التطنيش صرت اضغط على نفسي عشان حضرتها ماتسبب لي مشكله مثل عوايدها
لاوالمشكله اني اشوفها بالاسبوع مرتين يعني مضطره اني اضغط واضغط واضغط واول ماتطلع من عندنا ابكي بحرقه
منها
انا المفروض اني مااعيرها اهتمام لكن مشكلتي انه حتى امي تحسب لها الف حساب والكلمه الل تقولها هي الصح
صارت تستغل موقف امي منها وتتكلم من ورا ظهري وتسب فيني لحد ماتكره امي فيني يعني تفهم اي كلمه مني غلط
وتروح تنقلها لامي وتقعد امي بالايام جافه معي وتكلمني من غير نفس والسبه مين حضرة اختي المحترمه
حتى اختي اللي الثانيه صارت تستخدم معها نفس الاسلوب اللي تستخدمه مع امي
والله يابنات اني صرت اشيل عليها بقلبي وصرت اكره شوفتها واذا طولت ماشفتها اكون بقمة فرحي وحتى ماصرت
اشتاق لها زي اول حتى التليفون اذا اتصلت علينا صرت مااحب ارد عليها يعني كل مشاعر الحب اللي كنت احملها لها
الحين اقتلبت لكره لانها غيرت اسلوبها وخاصةً معي اتذكر لماكانت حبوبه وطيبه كنت اعدها مثل صديقتي واحكي لها
كل همومي ومشاكلي وكنت احبها حب موطبيعي ,, لكن الحين لها سنتين متغيره للاسوأ الكل متقبل تغيرها الاانا
جربت يابنات اعاتبها واصارحها لكني اكتشفت اني انفخ بقربه مشقوقه وتعتبر معاتبتي لها وقاحه واني المفروض اكتم
بقلبي وما اتكلم بشي ,, يابنات والله تعبت والله اني اكتب لكم ودموعي على خدي من تصرفاتها لانها توها طالعه من
عندنا والله اني اتمنى اسكن بعيد عن اهلي والسبه هي لكن المشكله اني بسكن قريب من اهلي يعني مافيه امل ابعد عنها وارتاح
تخيلوا يابنات اني صرت مااشكي لامي همومي ومشاكلي عشان ماتروح تنقلها لها
وهي تقعد تتريق وتناظرني بنظرات شريره يعني حرمتني حتى من امي
ماتتخيلون كيف انا كل ليله ادصلي وادعي ربي انه يكفيني شرها ويبرد علي اي تصرف
منها
(نسيت اقولكم يابنات ان مشكلة اختي صايره مغروره لانها ناجحه بمجال عملها ماشاء
الله هي ماكانت كيذا لكن بعد نجاحها السنتين الاخيرات تغيرت جذرياً يعني بدل
ماتتواضع استقوت وتكبرت)
حتى الصبر يابنات مل مني من كثر مااصبر واطنش يعني احرق نفسي وهي ولاعلى بالها
يابنات اي وحده تدخل تعطيني حل معها ودي اتخلص من ديكتاتوريتها وقوتها المتسلطه
ودي نرجع زي اول بسيطين بالتعامل مع بعض للاسف الحين صرت اكرهها كره
موطبيعي وزادت عندي المجامله واكره المكان اللي يجمعني معها بسبة معاملتها
واسلوبها
شاركي في النقاش
سجلي الدخول لإضافة تعليق.
التعليقات
18- الله يعينك الصبر عزيزتي
- على العكس مشكلتك مو بسيطة اعتقد انها كبيرة والدليل بكائك
اشوف لو انك تحاولين تجلسين معاها وتتكلمين معاها بصراحة
وتفهميها ايش الي مزعجك منها وهي ليه تغيرت عليكي
وان الأنسان مهما كبر بمجال عمله او حياته لازم ما يتغير
بالعكس يكون متواضع ويتعامل مع الجميع بطيبة
وذكريها ان الأخت اعز ما بالدنيا يعني لو انتي اشتكيتي
من اي حاجة او مرضتي لا سمح الله ما حتلاقي غير اختك الي توقف
جنبك ومن هالأسلوب معاها يمكن ربنا يهديها وترجع لعقلها
وتحاول ترجع زي ما كانت انا احس ان ضغوطات العمل هي السبب
بس هذا مو معناه انها تكون متسلطة حتى بأمور تخص زواجك
انا اقول حاولي تستميليها لناحيتك وخلي كلامك معاها حلو عكس ما تتوقع منك
وبالآخر انتى الكسبانة اول حاجة تحس انك تتعاملي معاها بطيب وهذا يخليها
تلين شوية وثاني حاجة يمكن تذوق على دمها وتفهم ان نجاح الشخص مو بعمله بس
بل باسلوب تعامله مع الناس لازم تكون راقية مع الجميع وطيبة
وذكريها ان ربنا ما يحب الي يتجبر ويتسلط وفهميها مشاعرك من ناحية تغيرها عليكي
يمكنصراحتك توريها حاجة هي مو منتبهة لها وربنا يوفقك بزواجك ويجعله سعيد يارب - الله يكون بعونك
- الله يكون في عونك ويهدي اختك
بلاش التجاهل لأنه مزعج لها كيف أن الكل حاط لها الف حساب وانتِ مو شايفتها شيء !!
عشان كذا هي واقفة لك على كل سالفة
فحاولي تكسبينها في صفك
توددي لها ،، خذي برأيها بامور بسيطة تخصك ،، وامشي على ماتقول هي إذا مو ضارك ،، وامدحيها واثني عليها
إذا ترقت وجتها مناسبة اهديها سوي لها حفلة <<< اخاف تقول طمعانه:)
جربي منتي خسرانة وإن شاء الله ينفع وتلين معك
وتصير تأخذ وتعطي وتتقبل اي رأي لك
ولاتنسين الدعاء
اسئل الله أن يهديها ويألف بينكم يارب
ويبعد عنها هالغرور
:26: - الله يعينك ويصبرك
انا اشوف التطنيش اهم شي وواضح من كلامك انك راح تتزوجين قريب
واكيد راح تلتهين بحياتك الخاصه وتنسينها وحاولي يصير احتكاكك معها بسيط مرررره
الله يعينك ويوفقك يااااارب
مواضيع مشابهة
تابعي تجارب أخرى من هذا القسم.